仲有幾日就到「令和」時期啦！所以今次分分鐘係最後一次嘅「平成」樂桃Sale啦！4至10月出發，大阪單程飛香港只需2,490円 (約$175 起)，連稅5,030円 (約$353起)；單程飛香港3,390円 (約$238起)，連稅5,984円 (約$421起)！機票依然好抵買呀，而且今次寫住8月尾都可以出發，分分食到暑假嗰轉尾水！
自問係懶鬼，緊係book套票一下過搞掂哂！呢期港航假期全線套票訂滿$3,000商務艙經濟艙8%折扣，經濟艙即享6%折扣！12月31日前出發，使用折扣代碼後，港航3日2夜套票連稅每人$2,145 起 (以入住沖繩飯店為例)！其他熱門套票推介有台北德立莊酒店$2,156、首爾中央觀光飯店$2,166、大阪心齋橋西佳飯店$2,444 等。當然其他短/長線好似東京、峇里島、河内、溫哥華、奧克蘭等都用到折扣…
雖然已經放完復活節假，但係仲有唔少復活優惠可以延續快樂，好似加航就有個黃刀鎮優惠！9月至20年3月出發，來回黃刀鎮$7,060 (連稅$7,666)！平時飛溫哥華/多倫多都要五六千，宜家加多少少就可以飛埋去黃刀鎮喇！票價已包2件23KG行李，呢點非常好，因為如果分開買嘅話內陸機唔包行李，仲會賣到貴一貴添架！
星夢郵輪旗下「世界夢號」首次推出學生優惠，一於試下新玩法Sem Break/Grad Trip坐郵輪，遊走沖繩那霸及宮古島啦！於6月21日前預訂，5至6月由香港出發之6日5夜沖繩航程，每人只需$2,803 起 (除開每晚都係約$561咋)！費用已包括免費娛樂設施及船上自助餐，早/午/晚享用國際美食 (學生哥咁有胃口可以食足16餐架)！平時呢個價邊有可能book到機票+5晚酒店+早午晚3餐喎！而航程…
復活節紅日眨下眼就過咗去，又係時候開工喇！Jetstar有個優惠俾大家醒醒神！20年3月26日前出發 (視乎航點)，單程飛河內/峴港$88、新加坡$188、東京$228 起 (來回連稅計峴港$608、河內$647、東京$896、新加坡$920)！好正啊！全部航點都好抵，特別係東京連稅唔使九百！
Oh No！華航個全年優惠加咗價，不過應該都無損大家去台灣嘅雅興！2020年3月26日前出發，來回台灣$850 起 (連稅台北$1,369、台南$1,476、高雄$1,507)！維持傳統票價包30KG行李，航班時間完全可以自由配搭，不過例牌紅日無平，除咗跨年檔期！
講真今期fanfares 係零個睇頭，全部價錢同平時都差唔多，無乜點減過。睇黎國泰近排好好生意呀下。
香港航空再開賣新優惠，勁多日本線都有優惠，韓國線都有！6月27日前出發 (視乎航點)，來回首爾$1,000 (連稅$1,715)、岡山$1,150 (連稅$1,745)、大阪$1,660 (連稅$2,470)、東京$1,740 (連稅$2,420)、札幌$3,040 (連稅$3,710)！例牌以札幌係最抵！其他個啲就麻麻地啦！
有幾日時間，又唔想下下快閃日韓台玩到盡一盡，想享受一個真真正正嘅假期？咁不如揀返個岩style嘅度假村，俾自己同埋屋企人盡情放鬆下！今次小編就趁有四日時間快閃桂林，兼且入住Club Med桂林度假村。度假村主打一價全包住宿、餐飲、同埋度假村內活動，聽落已經好吸引！小編仲報咗個一日遊出去玩，體驗採茶同埋灕江游船河添！一齊睇下小編分享喇！
多謝Fans報料，瑞士航空飛瑞士嘅超超超抵價賣到去下年四月喇！12月至20年4月出發，來回日內瓦$2,100 (連稅$2,885)咋！真係平到好誇張啊！優惠票價已包23KG行李，而且航班時間都幾唔錯，計埋同直航唔係差好遠！瑞士出晒名風景靚到爆，完全係世外桃源啊！
