想豪少少對自己好啲，大韓航空呢個商務艙優惠就岩晒喇！19年10月31日前出發，來回首爾商務艙$4,750 (連稅$5,276)！平時呢個價錢當然唔算好抵，但今次優惠聖誕/跨年/復活/暑假都有平，平飛數量仲要好充足添！就算係最旺季嘅農曆新年紅日都係加多$600就有得飛喇！平時紅日坐經濟艙都成三千幾四千，有預算嘅話不妨加多少少俾自己享受下喇！
小編終於唔使成日答暑假無平飛去邊度邊度喇！因為埃航維持佢一貫作風，未就係暑假出發一樣咁平囉！19年9月23日前出發，使用折扣代碼後，來回曼谷只需$1,069 (連稅$1,434)！其實無論暑唔暑假出發，埃航嘅曼谷線都係抵買架，因為46KG行李堅係無得輸！除咗暑假，以下紅日勞動節/端午節/佛誕/回歸都搵到平飛！提提大家，靚日子愈早買就愈著數，過多一陣又可能無哂喇！
今期Fanfares 係第一期加燃油後既Fanfares～價錢又唔係話好貴喎！不過係無個航點岩囉！出發日期估計係11月中同下年1月中，推介既有連稅計來回達卡$4,228、都柏林$5,715、紐約$5,814！3日2夜倫敦$5,820！去紐約直航5千幾蚊就唔係話好貴！但其他航點咩濟南、達沃，就太冷門唔岩大家了！
阿提哈德航空話咁快就15歲生日喇，今次仲推出咗個幾特別嘅優惠！19年1至6月出發，來回歐洲$2,540起咋 (連稅計日內瓦$4,203、馬德里$4,224、倫敦$4,288、蘇黎世$4,484、法蘭克福$4,625、巴黎$4,796)！睇完價錢個心係未離一離，4千蚊好似唔係好抵喎！
由今日開始芬蘭航空將會做11月歐洲優惠！19年4月30日前出發，使用$200折扣代碼後，來回歐洲各大城市$1,400 起，連稅計里加$2,828、華沙$2,960、斯德哥爾摩$3,230、巴黎$3,356、倫敦$4,318)！最平連稅2千8咋飛到歐洲堅抵抵抵抵抵呀，而倫敦四千中都叫做合格有餘喇！至於其他歐洲航點就麻麻地！
嗚嗚嗚！宜家買機票要開始俾燃油附加費喇！好彩香港航空今日出咗個優惠，可以俾大家繼續買平飛！12月19日前出發 (視乎航點)，來回台北$510 (連稅$1,178)、沖繩$800(連稅$1,410)、米子$900 (連稅$1,440)、首爾$950 (連稅$1,684)、岡山$1,000(連稅$1,540)咋！小編覺得米子真係好抵！台北同埋首爾都可以即入手！優惠宜家開賣緊架喇！
HK Express剛完左5週年優惠！優惠方式再次Loop返去買來回去程一蚊！19年10月7日前出發，來回東南亞$399、日本$599 起，連稅計布吉$841、清萊$861、石垣島$859、長崎$989 等等！其實岩岩完左大sale，之後優惠都唔會平得去邊！
煩緊年尾去邊度清假？Expedia推出華航3日2夜台北套票，最平低至連稅$1,815咋！拿拿拿！計下機票宜家都要千4蚊以上，即係宜家俾多4嚿水有多2晚房間，唔差喇！再加上訂套票慳返嘅人力時間，基本上最快15分鐘就搞掂哂所有野！而且出發日期包埋聖誕/跨年，認真少有架！不過小編都提下大家，通常旺季日子都勁勁勁勁勁勁勁少平飛，要訂就快手喇！
北歐航空歐洲優惠第x次延續！呢個絕對係好事，即係仲有機買到連稅3千幾嘅歐洲機票呀！19年6月14日前出發，使用折扣代碼後，來回歐洲各大城市$2,450 起，連稅計都柏林$3,551、日內瓦$3,678、阿姆斯特丹$3,665、蘇黎世$3,764、羅馬$3,723、巴黎$3,770、布魯塞爾$3,760等！
細細個喺中史書一定見過兵馬俑，不過有無真係親身睇過一次呢！19年5月30日前出發，來回西安$729 (連稅$1,095)！除咗千成上萬兵馬俑之外，西安仲係一個著名嘅國內古都，滿載歷史，文化深厚！而且果度出名消費同食野好平，唔知一碟水煮魚要幾銀呢？
