Flyday.hk

維珍澳洲航空都要減價爭客啦喂！仲要賣到下年九月，即係包埋暑假出發！19年9月18日前出發，直航來回悉尼/墨爾本$2,709 起 (連稅計墨爾本$3,743、悉尼$3,809)！小編真係搵過8月暑假出發都有飛，而且包2件23KG 行李！直飛可以慳到唔少時間，一於飛去探樹熊bb同袋鼠仔仔啦！

埃及航空講咗開曼谷線講咗好耐，不過飛就一直未開賣！而今日終於見到佢蹤影，開賣價仲要幾吸引添呀！只限11月出發，使用折扣代碼後，來回曼谷$650 (連稅$1,231)！不過唔係日日有有機，而且去程時間都爛爛地，其他都無咩缺點呢！喺呢個時勢，可能見到張平機票已經好開心喇！

終於黎到最後一round，HK Express賣埋剩低以下航點！19年10月4日前出發，單程飛泰國$115、韓國$175 、日本$235 起！連稅計清邁$692、熊本$730、釜山/濟州$775、名古屋$920、塞班$1,755！以上日韓4個價錢都唔錯！優惠一陣9點開賣！

少有喎！俄航獨市嘅莫斯科都減價，仲要有多個$200折扣代碼使，折後直航來回莫斯科$2,800 (連稅$2,898) 起！2千幾直航仲唔抵玩呀，不過唔同日子出發，價錢會有少少唔同，但都係維持2千8至3千左右，海鮮價呀！宜家盧布咁低，食野買野仲平，餐餐食好西完全唔使睇價錢咁滯～

阿聯酋航空嘅曼谷優惠延長，上次miss咗就把握今次機會喇！19年3月31日前出發，使用折扣代碼後，來回曼谷$1,050 (連稅$1,393)。不過就限平日出發及回程，打後出發就每程貴約一百啦。價錢已包30 KG行李，可以爆買返香港！聽聞阿聯酋天日就開始收燃油附加費喇~

是咁的..香草航空將會開賣東京平飛，話就話無收燃油附加費，但係票價貴咗囉！19年3月30日前出發，單程飛東京成田$388 起 (來回連稅$1,244)。最低價$388只限去程，回程最平$488 (姐係來回貴咗兩舊水)。雖然平飛賣到首到3月尾，但咁嘅價錢唔係幾買得落手啦！聽日下午兩點開賣！

正呀！Jetstar聽日推出限時12小時優惠，來回日本連稅都係$821 起！19年5月29日前出發 (視乎航點)，單程飛河內/峴港$148、大阪$178、新加坡$188、東京$248 起 (來回連稅峴港$723、河內$762、新加坡$828、大阪$821、東京$954)！日本兩個航點價錢都入得過，越南消費平最岩去hea玩幾日！優惠只賣到聽晚10點咋。

傻的嗎！點解可以賣到咁平架！19年9月18日前出發，坐澳航直飛澳洲各大城市$2,557 起 (連稅計墨爾本$3,478、布里斯本$3,643、悉尼$3,650)！完全直迫轉機價，玩哂呀！如果唔怕麻煩要轉機，飛阿德萊德都係$2,731 (連稅$3,888)！小編建議買平飛要快手喇！因為暫時仲未收到風澳航會收燃油附加費，不過今日唔知聽日事，分分鐘話收就收，唉！

長榮航空都推出加班優惠，一於去台北101倒數迎2019年啦！長榮航空來回台北$773 (連稅$1,160)。出發日期限12月27及28日出發，回程就限1月3日或之後，價錢已包咗30KG 行李。今年可以係台灣倒數喇！

唔好見到英航就以為係倫敦優惠！其實佢其他歐洲航線一樣咁SO~好似以下呢條航線咁！19年6月12日前出發，二人同行來回里斯本$2,826 (連稅$4,299)！對於長期貴過人嘅里斯本，都算係值得入手！不過小編發現有部分日子出發，其中一程坐維珍會平$112蚊左右，仲抵！但日子就難搵啲，一定要撞呀！