英國直航優惠齊哂章喇！因為國泰都跟住減到5千蚊以下，19年4月30日前出發，二人同行直航來回倫敦每人$3,450 (連稅格域$4,775、希斯路$5,043)！就連曼徹斯特都有減，價錢只需$3,450 (連稅$4,777) 起！真係比以前平咗多多聲～Fanfare都做唔到呢個價呀！不過暫時見到得淡季有平飛咋！
去厭咗東京同大阪？咁不如去轉九州及中国地區啦！宜家last call遊仲有平飛架！10月30日至12月19日出發 (視乎航點)，香港航空來回岡山$1,200 (連稅$1,460)、鹿兒島$1,330 (連稅$1,590)。兩條線嘅航班都算午去晚返時間唔錯，而且仲包埋20 KG 行李，廉航都未必有呢個價啦！
正當倫敦線減得如火如荼！原來維珍嘅曼徹斯特都有減！仲要係4千蚊咋咋咋咋咋咋！19年6月12日前出發，二人同行來回曼徹斯特每人$2,170 起 (連稅$4,006)！而倫敦轉飛曼徹斯特果程係坐英航！雖然無得中停倫敦，但係轉機時間都可以喺希斯路機場買下野！
正呀！鍾意泰國嘅fans又有平飛喇！今日AirAsia有個超筍優惠！19年4月30日前出發，來回布吉$193 (連稅$651)。連稅6百5就可以飛到去布吉歎世界喇！平時喺香港做兩次泰式按摩都喺返到啦！即刻搶飛嚟返個陽光與海灘之旅喇！
拿～今次HK Express個5週年黎到round 2，雖然得單程$55飛寧波，不過日韓線都算平架！19年10月1日前出發，單程飛寧波$55、日本/韓國$175 起！連稅計寧波$582、石垣島$610、廣島/高松/鹿兒島$730、首爾$812、東京羽田$920！日韓有石垣島同首爾都搶得下！優惠一陣9點開賣！
今期Fanfares 係最後一期無燃油啦既Fanfares啦！出發日期估計係11月頭同下年1月頭，推介既有連稅計來回大阪$2,753、阿德萊德$4,422、開普敦$4,573、華盛頓$4,810！冬天去呢堆地方都唔錯呀！落雪既有落雪，海灘既有海灘！如果真係下年1月頭出發既，隨時買到福袋添呀！
身在倫敦嘅fans有無搵緊平機票返香港呀？宜家維珍推出回港優惠，拿拿臨一解思鄉病啦！19年7月5日前出發，維珍航空倫敦直航來回香港$755 (連稅$4,223)！連稅4千2到就可以直航飛到返黎見下屋企人，而且仲係坐夢幻787客機添！如果你地又掛住外國班親戚朋友都可以召喚佢地返黎香港架！
國泰再開賣日本大阪平飛，趁未徵收燃油費前好訂飛啦！19年6月27日前出發，來回大阪$2,391 (連稅$2,932)。去程平飛集中係19年3月26日前，打後出發就貴約$192！不過航班時間就可以揀凌晨機去夜機返，出發日子包埋紅葉期 + 下年櫻花旺季，早買早計劃啦！票價仲已包30KG 行李，到時掃多啲日本限定乜乜手信/食物都唔怕啦！
原來之前攞你命唔使三千嘅價都未夠癲！宜家澳航話你知，黎真嘅話可以再癲啲架！12月5日前出發，悉尼直飛返香港$1,306 (連稅$2,331)！價錢包30KG 寄艙行李！如果小編仲係一個學生，真係唔理有無假都返黎香港幾日，何況喺果邊嘅同學仔應該11月底至12月頭就開始放暑假～真係岩使架！不過優惠賣到去今晚香港時間23:00咋！
雲南麗江可能係旅人們最想追尋嘅世外桃源，宜家機會黎喇！19年3月21日前出發，乘坐中國東方航空來回麗江$812 (連稅$1,336)！麗江坐落雲南省，自古以來係絲綢之路同茶馬古道嘅中轉站，以玉龍雪山下嘅麗江古城最具特色，更被聯合國教科文組織列為世界文化遺產架！
