HKExpress岩岩開賣咗買來回去程1蚊第二擊！19年6月10日前出發，來回台灣$329、東南亞$399、日本$799 起 (連稅計台中$724、芽莊$786、峴港$832、廣島/高松$1,054、福岡$1,129、東京$1,252！今次價錢普普通通喇！如果想去既日子咁岩有平都可以入手既！優惠開賣緊架喇！
嫌減一，二百蚊都唔夠心動！咁今次永安旅遊韓國/泰國全線機票勁減$400，夠動搖大家喇掛！只要訂二人同行訂滿$1,600即減$400！折後港航來回首爾每人$1,410 (連稅$1,863) 起、泰航曼谷/布吉$1,124 (連稅計曼谷$1,572、布吉$2,268) 起、阿聯酋曼谷$1,160 (連稅$1,608) 起、國泰曼谷$1,480(連稅$1,927) 起、韓亞首爾$1,420 (連稅$1,…
長榮終於開賣新一輪台北平飛喇～當然係好事喇，維持其一貫長處，航班時間任揀，早機出發仲夠時間喺早餐店嘆美好早餐 (對呀！對呀！對呀對呀)！10至11月出發，來回都係$840 (連稅$1,224)！票價包30 KG行李！不得止，星期五/六/日出發一樣咁平，週末快閃一轉台北話咁易喇！
今期Fanfares 好似麻麻地，總共有8個城市加2個套票優惠，其中2個航點係飛返中國內地！不過都有抵玩嘅，福岡$2,380 (連稅$2,704)、阿德萊德$3,480 (連稅$4,440)、布魯塞爾$3,980 (連稅$4,574)！直航黎講算抵架喇！所以撞岩日子就訂飛喇～
巴塞隆拿真係一個去一次即會愛上嘅城市！除咗球隊，仲有高第 (Gaudí) 宏偉建築及展覽畢加索早期作品嘅博物館！最正係見到藍天白雲與大海，講下講下都好想去多幾次呀！12月31日前出發，使用折扣代碼後，來回巴塞隆拿$2,830 (連稅$3,288)！飛歐洲黎講真係好好好好好抵，仲要包30KG行李，小編強烈建議要托成隻西班牙火腿返黎慢慢食！不過今次優惠得巴塞隆拿有平，而且只限淡季日子出發咋！
以色列建國只有七十年，但其背後嘅歷史同埋宗教底蘊極其深厚！想去探索呢個特別嘅國家，機會嚟喇！10至11月出發，使用折扣代碼後，坐皇家約旦航空來回特拉維夫只需$2,250 (連稅$3,754)！講起以色列又點可以唔提耶路撒冷？耶路撒冷係猶太教、基督教同埋伊斯蘭教三大宗教嘅聖地，唔同嘅宗教矛盾又奇異地共處係呢一個地方，古城內一磚一瓦都有其故事，可以係真正嘅朝聖地！以色列嘅平機票好少有！岩就快手喇！
話咁快又一個星期！星期一唔想Monday Blue不如望下機票喇！HK Express買來回去程1蚊！19年6月10日前出發，來回台灣$329、日本/韓國$599 起(連稅計花蓮$724、石垣島$854、釜山/濟州$1,019、暹粒$1,105、鹿兒島$1,054、首爾$1,056、大阪$1,289)！價錢叫做正正常常！日子岩都可以下手既！今次仲第一次賣到去下年六月！優惠陣間9點開賣！
話咁快就七月頭！相信好多學生都開始放暑假！未買機票既同學仔要留意喇！香港航空出咗個flash sale，10月31日前出發(出發日期視乎航點)，來回台北$605 (連稅$995)、河內$690 (連稅$1,160)、首爾$950 (連稅$1,405)、奧克蘭$2,280 (連稅$2,970)、開恩茲/黃金海岸$2,310 (連稅$3,490)！超抵！部份航點暑假出發都有平！最正就梗係台灣連稅都唔洗…
相信唔少Fans係下半年都有一兩套機票係手，如果未訂酒店嘅就要留意下Expedia呢個新優惠！新客第一次用apps訂購酒店可享88折，最高可減$120丫！12月31日前入住，折後連稅計曼谷艾薩努克公寓每晚$220，台北門精品飯店$318，首爾G地酒店都係$414咋！好抵呀！連暑假時間都用得，訂既時間記得睇埋酒店係咪+ VIP Access！會員預訂有機會享免費早餐，SPA折扣及客房升級架！優惠開賣…
之前國航有個極平北海道優惠，相信令唔少Fans睇到心郁郁！不過如果驚空管問題嘅話，可以考慮下真航空呢個優惠。19年3月30日前出發，經首爾轉機來回札幌都係$2,000 (連稅$2,471)咋！票價已包15KG行李同機上小食！不過留意真航空無得加購行李限額，過15KG就要逐KG加10,000 KRW (約$70)，所以要去掃貨就未必岩喇！小編查過系統，平飛主要集中係十一同埋三月！三月仲可以睇到雪架！…
