雖然港航Pre-summer sale做完，但唔代表佢同其他航空夾埋飛就無優惠！今日小編就搵到一個好正嘅美國優惠，9至11月出發，經洛杉磯轉機來回拉斯維加斯$2,280 (連稅$3,216)！價錢真係好抵呀，而且平飛日子數量都幾多下！
岩岩樂桃先出完去程優惠，宜家又出回程優惠喇！真係日本迷福音啊！10月27日前出發，大阪單程返香港$264 起 (連稅及手續費$412)！今次仲第一次賣到去十月！記住去日本網站或英文網站買啊！今晚十一點開搶喇！
樂桃係五一黃金周推出新優惠，亦首次開賣到10月尾平飛！正呀！10月27日前出發，單程飛大阪$328 起 (來回連稅$1,041)！航班時間照舊可以凌晨機去晚機返玩盡每一日！宜家大阪USJ嘅COOL JAPAN 2018仲未完，想同名偵探柯南 + 美少女戰士玩遊戲就快啲出發！岩就即上官網訂飛啦！
以往坐樂桃飛大阪至平都講緊千5-6蚊 (包埋行李價錢)，仲要捱眼瞓上網同人搶平飛！不過經Funfun.travel 訂購樂桃航空大阪機票，就扭轉捱貴飛命運！宜家5日來回大阪只需$1,250 起 (連稅$1,695 起)！5日唔夠玩亦有6,7,8日俾你揀，票價已包20KG寄艙行李同埋優先揀位，平時計埋所有野都要四百幾蚊喇！記住暑假平飛係8月中後就會出現 (手快有手慢無)，航班時間可揀凌晨/中午機出發…
有無留加fans好掛住香港嘅屋企人同道地香港美食呢？宜家港航推出回港優惠，拿拿臨返黎解下思鄉病啦！19年3月24日前出發，溫哥華直航來回香港$2,467 (連稅$3,704)！搵過系統有大量平飛，仲可以停番一個月添！
有無Fans暑假想去非洲探索下？ 小編搵到個肯亞優惠俾大家！11月30日前出發，來回奈洛比$4,070 (連稅$4,754)！呢個優惠暑假都有平！每年嘅六至十月，係肯亞都可以觀賞到動物大遷徙！數以百萬計嘅野生動物展開跨國之旅，小編諗到都覺得好震撼！動物大遷徙被喻為一生人必須看一次的世界十大奇景之一！今年一於俾個機會自己去睇下喇！
超爆平！小編睇到眼都突埋！6月28日前出發，坐斯里蘭卡航空直航來回科倫坡$1,545 (連稅$2,264) 咋！包埋30KG 行李連稅價二千二，真係平過坐廉航！斯里蘭卡其實都幾多野玩架！除咗有正宗嘅錫蘭紅茶同埋出晒名嘅茶園火車線！都可以參觀下大象孤兒院同埋獅子岩！如果你對歷史有興趣，都可以去斯里蘭卡北部城市賈夫納睇下戰爭遺址！
又到咗Fanfares 既時候，出發日期係5月頭同6月中，推介既有來回西安$880 (連稅$1,247)、珀斯$2,880 (連稅$3,820)、三藩市$2,980 (連稅$3,804)、班加羅爾$3,480 (連稅$4,005)、倫敦$5,651 (連稅$5,651)！當中梗係珀斯最抵啦！三千尾連稅喳喎！至於個兩個套票就麻麻了！
酒店攻略黎到最後兩篇了！之前教大家玩過BRG、折扣代碼、比價網站、回贈網站。今次講下訂酒店另類玩法：神秘酒店！雖然訂之前唔知道會訂到咩酒店，但係折扣幅度相當之高，周不時有驚喜出現！今次就同大家研究如何破解神秘酒店啦！
酒店攻略黎到第六篇，今次想同大家分享唔同網站嘅會員優惠！相信大家都會成日收到Expedia/Hotels.com 個啲嘅會員Exclusive 優惠嘅電郵，到底係唔係真係會平啲？小編同你一齊研究下！除左第三方訂房網，甚至連鎖集團訂房網都有呢啲神秘優惠！所以下次訂酒店，記得禁幾個制先申請做免費會員呀！
