酒店攻略黎到第六篇,今次想同大家分享唔同網站嘅會員優惠!相信大家都會成日收到Expedia/Hotels.com 個啲嘅會員Exclusive 優惠嘅電郵,到底係唔係真係會平啲?小編同你一齊研究下!除左第三方訂房網,甚至連鎖集團訂房網都有呢啲神秘優惠!所以下次訂酒店,記得禁幾個制先申請做免費會員呀!
拿,講明先今次只係講免費會員,禁幾個制就可以申請個啲。要俾錢個啲會員就無謂講啦。
連鎖集團會員優惠價:
IHG 洲際酒店集團 (IHG Reward Club) 會員申請連接
會員優惠:會員可以用優惠價錢預訂酒店。(只適用於部分地區酒店)
*測試:下圖Holiday Inn Potts Point-Sydney,會員價錢每晚AUD 186.2,非會員價錢每晚AUD 196。
SPG喜達屋酒店集團 (Starwood Preferred Guest) 會員申請連接
會員優惠:每逢星期三SPG 會推出約60間Hot Escape特價酒店,截止預訂時間為每星期六。會員及非會員都可以預訂,但會員再多Extra 5%折扣。
SPG Hot Escape:http://www.spghotescapes.com/
例子:曼谷Le Meridien,會員價每晚USD 112,非會員價每晚USD 118。
第三方訂房網會員優惠價:
Expedia+ 會員申請連接
會員優惠:成為Expedia+會員,登入後搜尋就可以用優惠價錢訂部分酒店 (留意頁面上的Member Discount)。而每個預訂仲可以儲Expedia+ 分,之後可以換現金劵,計過條數大約係2.8% 回贈。
優惠網址:https://www.expedia.com.hk/deals
*測試:下圖曼谷lebua at State Tower,會員價錢每晚未連稅$844,非會員價錢每晚$900。
Hotels.com 會員申請連接
會員優惠:成為Hotels.com 會員,登入後搜尋就可以用優惠價錢訂部分酒店。Hotels.com 會員計劃亦有十送一優惠,之但係用了折扣代碼後不能享用十送一。
若Expedia/Hotels.com 價錢一樣的話(好多時候都係),建議使用Expedia+ 預訂及儲分。
優惠網址:https://www.expedia.com.hk/deals
*測試:下圖新加坡Link Hotel,會員價錢每晚$683未連稅,非會員價每晚$730。
Agoda 會員申請連接
會員優惠:成為Agoda會員,登入後搜尋就可以用優惠價錢訂部分酒店,記住留意有無寫住Insider deal。
*測試:下圖香港帝京酒店,會員價錢每晚$1,073未連稅,非會員價每晚$1,238,差唔多足足八折!
總結
1) 比價個時除左要比較不同折扣代碼,仲要比較埋不同會員價錢。會員價錢同折扣代碼可以同時使用,以上面Agoda 個間酒店黎計,如果唔用10%折扣代碼同唔用會員價,價錢足足貴左成$300一晚!
2) 免費會員除左價錢會平啲之外,好多訂房網站本身都可以儲會員分,話唔定儲儲下可以換到免費酒店/現金券。
3) 做佐會員之後,記得留意電郵,有時會發送會員exclusive offer俾你。
酒店攻略到而家,同大家研究過BRG 最優惠價格保証,亦分析過點樣善用比價網/第三方訂房網站/回贈網去搵最平價錢酒店。下一篇,會同大家介紹訂酒店嘅另一個玩法:神秘酒店。由搵酒店直到俾錢之前個刻,你都唔會知係確實訂緊邊間酒店!