Flyday 酒店攻略第五彈!有時訂國際連鎖品牌酒店,如果咁岩無得用折扣代碼,又或者想係連鎖集團官網預訂儲埋會員積分咁點算?用回贈網站訂叫做可以食返少少現金回贈,有啲甚至訂機票/套票都得架!而且佢有時仲會有啲新會員優惠,現兜兜一野賺多百幾蚊港紙啊!
酒店攻略第一、二、三、四彈:
第一篇:利用最優惠價格保證 (BRG) 規則,減低酒店支出,甚至免費住酒店! (連鎖酒店集團篇)
第二篇:利用最優惠價格保證 (BRG) 規則,減低酒店支出,甚至免費住酒店! (第三方酒店網篇)
第三篇:酒店比價網大解構!點用至係最抵?
第四彈:懶人最愛,即訂即減,各大第三方酒店網站折扣代碼話哂你知!
什麼是TopCashback?
TopCashBack係一個回贈網站,只要大家透過佢去其他網站訂酒店或者機票,就可以獲得回贈。
重要提示:TopCashback 同訂房網站折扣代碼不能同時使用,如果訂房時經過TopCashback 而又使用折扣代碼的話,所賺得嘅回贈會被取消。
經TopCashback 入咩網站會有回贈?
包括常見的連鎖集團IHG、Hilton、Accor、Marriott、Hyatt,訂房網站Agoda、Booking.com、Expedia、Hotels.com等,而且仲包括某啲airline既官網,例如AirFrance、American Airlines、Qatar、Virgin等等。但網站名單及回贈比率每星期都會有變,最更新的名單請參考:https://www.topcashback.cn/category/travel/
如何經TopCashback去其他網站訂野獲得回贈?
步驟一:首先你要去註冊成為會員 (http://www.topcashback.com/)
步驟二:搵回贈,於首頁搜尋訂房網站
然後禁「去購物 拿返利」
見到「你的訪問已被記錄」就已經係代表TopCashback已經成功記錄低你既瀏覽記錄,咁你直接喺返果個網站到訂野就有回贈
如何查看自己的回贈記錄?
右上角,賬戶->返利明細
如何拿取返利?
所有返利會於你成功入住後既大約1個星期存入你的TopCashback戶口,只要禁賬戶->提現,就可以將返利以美金方式轉落去你既Paypal戶口。
轉左落Paypal之後,Login返Paypal,於左邊按「提領款項」,再加自己香港銀行戶口落去,就可以將Paypal啲錢轉返去自己銀行戶口到架啦!
但留意返,Paypal係有手續費既,並會反映喺匯率上面,例如1 USD正常大約係7.78 HKD,但Paypal 1 USD就只有7.56HKD左右。
總結
1) 雖然大部份既訂房網站都有回贈,但幅度同折扣代碼相比差距非常大;而且因為TopCashback同折扣代碼係不相容既,所以一定係折扣代碼行先!
2) 不過,由於國際連鎖酒店集團,無論係官網定係訂房網站都極少折扣代碼,另外如果有啲Fans 玩開酒店會員Program 的話,變相就只能用TopCashback 叫做慳返少少。
3) Topcashback既最抵之處,反而係佢有時候啲固定金額返利活動,即係新註冊會員訂第一次就有若干既回贈,如果回贈金額本身係平過你既房錢,變相免費住酒店添呀!而小編就收到風,喺黎緊3月18日至20日,新會員透過小斯的專屬連結於Ctrip HK訂購一晚酒店,就可以有20 USD回贈!如果你要訂4晚的話,你懂的^_^
2 comments
在Ctrip HK 訂什麼房才有丨晚ZO元美金回贈?
訂什麼房都有。