最新機票、酒店、套票優惠
今晚真係好熱鬧，除咗有樂桃嘅大阪/沖繩平飛，亦有香草航空東京優惠！5月31日前出發，香草航空單程飛東京成田$208 起 (來回連稅$937 起)！今晚11點開賣！
樂桃航空7歲啦！總共有777張777円回程平飛俾大家鬥快搶，計埋稅沖繩$235，大阪$273咋！爆抵！5月7日至30日前出發，大阪單程飛香港只需777円 (約$55起)，連稅3,857円 (約$273起)；而沖繩只得一日限6月28日回程，單程飛香港777円 (約$55起)，連稅3,317円 (約$234起)！加多少少錢，大阪仲有其他日子俾你選擇！優惠聽日3月1日晚上11點開賣，快快手搶啦！
話口未完，HK Express已正式宣佈開賣新航線宮古島 (下地島)喇！7月19日至10月26日出發，來回宮古島單程$178 (來回連稅$911)！呢條航線將會係下地島機場第一條國際航線，以前要去宮古島多數都係要坐郵輪先去到架！趁多人去之前快啲去咗先喇！優惠開賣緊架喇，唯一可惜嘅係暑假無平> <
今期Fanfares 首選都柏林！連稅計來回都柏林只係$4,006，而高雄都只係$1,468，兩個都抵買！
岩岩過完情人節，樂桃航空即刻出返個優惠俾大家，實行齊齊開心！5月31日前出發，坐樂桃航空單程飛大阪$210 起 (來回連稅計$940 起) 咋。想去大阪嘅朋友，可以捕定買飛喇！
今晚11:00又有平飛執啦！樂桃航空推大阪平飛回港，單程只需妃約$205 (連稅$424)，最平價錢同樣只係限2至3月出發兼需要捱早機回程，想3月尾至5月出發，都係俾多$57蚊，單程$262 (連稅$481)！小編估計櫻花期都係唔會有平飛架喇，不過都可以上去望一望嘅。
雖然樂桃遲下會開返沖繩線，不過點都要等到下半年先有得飛，所以上半年飛沖繩依然係港航玩哂，幸好都有個良心價，2至4月出發，使用折扣代碼後，來回沖繩$820 (連稅$1,349)！都叫做平過全年價幾百蚊，而且出發日子都唔錯！唯一唔好係無靚時間，部分日子仲只限坐晚去早返機，頭同尾焗住蝕兩晚酒店錢！
小編要推翻之前第一次見到南美平飛呀！因為今次又再跌破底價！11月30日前出發，使用折扣代碼後，坐聯合航空來回巴西聖保羅$3,820 (連稅$5,569) 起！又再證明遲買平幾舊，平飛集中係3,4,9,10月，價錢有少少浮動但六千內都有交易架啦！計劃去南美闖蕩嘅fans喺時候入手喇！
今晚11點開賣！樂桃航空情人節優惠！2至3月出發，大阪單程飛香港$209 起 (連稅及手續費約$430)，不過只限早機回程！揀午機或晚機出發會貴多$58蚊！3月底至5月飛，就會貴多少，單程$266 (連稅及手續費約$488)！不過到時見到3月底至4月平飛都發達啦～櫻花有邊個唔想睇，但都係唔好抱太大期望！
香草航空聽日下午2點推出新一輪東京平飛優惠，來回連稅一千蚊！2月21日至5月31日出發，單程飛東京成田$288 起 (來回連稅$1,014 起)，可以即plan去東京快閃幾日啦！優惠聽日下午2點開賣，想去嘅朋友就唔好錯過喇！