最新優惠

你問我愛你有幾分，平飛代表我的心！大家呢一刻除咗舉頭望明月，仲要記得低頭see港航嘅震撼優惠呀！ 12月18日前出發 (視乎航點)，用左折扣代碼後，來回沖繩$680 (連稅$1,005)、札幌$2,797 (連稅$3,124)！一望就知沖繩係必搶價，何況呢條線基本上已經變成獨市，早買早著數！札幌都算唔錯嘅，不過小編覺得可以平過三千先入手囉，雖然機會唔係成日有！唔講咁多，大家搶住沖繩平飛先喇！

hutcgo.com推出咗多個豪華日本優惠！19年3月31日前出發，冬天想避寒可以飛沖繩，乘坐國泰商務艙+2晚五星酒店都係$6,288起 (連稅$6,683起 ) 或者坐國泰特選經濟艙飛東京過白色冬天，同樣包2晚五星酒店都係$7,288 (連稅$7,926)，豪得嚟又唔會太傷荷包！不過淨買機票都有平，日航東京$2,611 (連稅$3,080)、國泰大阪$2,646 (連稅$3,114)。

突發！十級抵抵抵抵抵抵抵！1月出發，Jetstar單程飛日本只係$150 起咋 (來回連稅東京$664、大阪$771)，而新加坡單程都係$150 (來回連稅$826)！真係平到趺渣，六嚿水飛日本，而且Jetstar行李費亦都係平中之霸，東京航班時間亦都唔差！不過講咗咁多，大家記得要登記做會員先可享到優惠價！

維珍將倫敦線優惠延續，而且賣到下年6月添！直航連稅4千9有找平過上次！19年6月15日前出發，使用折扣代碼後，直航來回倫敦只需$3,310 (連稅$4,854)！票價包1件23KG行李，而且用夢幻787客機執飛，一於舒舒服服直飛去啦！

Mega Sale黎到第二輪！今次減嘅航點唔錯，除咗繼續有人人都愛嘅東京，仲開賣多4個日本航點呀！19年7月29日前出發，單程飛東南亞$118、日本$178 起 ！來回連稅計芽莊$623、石垣島$611、清邁/清萊$702、廣島/高松/鹿兒島$731、東京羽田$929！當中石垣島最最最最最抵玩，其他都尚算吸引架！

樂桃優惠接住出！今晚又有大阪回程優惠喇！19年1月31日前出發，大阪單程返香港$317 起 (連稅及手續費$461起)。旺季出發都係加多$35咋！今次優惠賣到去下年一月尾，可以過返個白色冬日之旅喇！記住要去返日本網站或英文網站先訂到，今晚11點開搶！

樂桃推出大阪限時平飛優惠！係下年一月底前出發，連稅一千飛日本！19年1月31日前出發，單程飛大阪$340 起 (來回連稅$1,055)！如果想係紅葉旺季出發，每程可以加多$50就去睇楓葉啦！旺季黎講都叫入得過！而且仲有凌晨機去晚機返添，開賣緊喇！岩就上官網即訂啦！

香草航空出咗個突發優惠！賣到去年尾旺季！12月31日前出發，單程飛東京成田$288 起 (來回連稅$1,040)！最低價$288只限去程，回程要加多$100起！不過勝在可以晚機或凌晨機返！咁就可以玩盡個假期喇！優惠聽日下午2點開賣！

近排啲歐洲優惠好似出完一個又一個！宜家到土耳其航空推出葡萄牙優惠！19年6月30日前出發，使用折扣代碼後，經伊斯坦堡轉機，來回葡萄牙里斯本$2,490 (連稅$3,949)。以上價錢已包30KG 寄艙行李。里斯本亦係葡萄牙首都，必去貝倫區睇世界遺產等級嘅歷史古蹟，好似熱羅尼莫斯修道院及貝倫塔都唔可以錯過架！

瑞士航空出直航優惠喇！19年5月29日前出發，來回蘇黎世只需$3,840 (連稅$4,452)！呢個價同平時中東三寶轉機價不相伯仲，但就有靚時間，晚機出發清晨抵達，連回程都係晚機返！不得至，仲有大把靚日子出發，好似聖誕、boxing day、跨年等等日子通通都有平，不過就一定要1月8日後回程！