各位戲迷注意！一年一度嘅「全港戲院日2026」又嚟喇！今年戲院日落實喺4月25日舉行，屆時全港商業戲院嘅戲票將會劃一驚喜價$30！不論係港產片定係荷里活大作，一律只需$30就可以入場睇好戲。門票將於4月22日中午12時起開售，想知有邊幾間戲院參與？每人限買幾多張？即睇搶飛攻略！
全港戲院日2026
傳承戲院文化！全港戲票劃一驚喜價$30
自 2023 年首次舉辦以來，「全港戲院日」一直深受市民歡迎，成為普羅大眾喜愛並期待的節目。活動每年都成功吸引大量觀眾進入戲院，不僅帶動了整體市場的觀影氛圍，更為本地電影業注入強心針。
今年戲院商會繼續推廣屬於香港嘅戲院文化，宣布於4月25日（星期六）推出劃一驚喜票價優惠。觀眾只需 $30 就可以走進各大戲院，感受大銀幕嘅獨特魅力。最正嘅係，就連平時收費較貴嘅貴賓院（VIP House）都同樣適用（注意：當日貴賓院將不提供餐飲服務）。
全港戲院日適用各大商業戲院名單
今次活動適用於全港商業戲院，陣容非常鼎盛！參與名單包括（排名不分先後，按英文字母順序排列）：
4月22日開售！搶飛攻略與購票限制
想成功以超抵價入場，就要留意以下嘅購票時間同限制，準時出擊：
| 購票資訊 | 詳情 |
| 開售日期及時間 | 4 月 22 日（星期三）中午 12 時起陸續公開發售。 |
| 售票途徑 | 各大戲院票房及網上售票網頁。 |
| 購票限制 (實體票房) | 每人每次最多只可購買 4 張 戲票。 |
| 購票限制 (網上購票) | 購票數量以各大院線的自身購票限制為準。 |
購票特別注意事項（例外情況）：
- 百老匯電影中心：實體票房將於下午 3 時開始營業（網上預售則不受影響，維持中午 12 時起）。
- 寶石戲院：將於 4 月 24 日起才於實體票房發售。
(活動詳情請以各參與戲院網頁及專頁公佈為準。)