杜拜酒店推介|杜拜自由行|杜拜攻略|雖然杜拜經歷咗75年嚟最強嘅暴雨,機場同市內大受雨災影響,但係經過當地政府努力已經開始復常。杜拜作為中東大城市,唔少人都會經呢到轉機又者中停玩幾日。不過大家普遍有個誤會就係以為杜拜酒店全部都係土豪先住得起,但其實杜拜亦有唔少CP值高嘅酒店,今次就等小編介紹幾間杜拜酒店比大家,無論你想住得豪少少,又或都追求CP值,都一樣滿足到!
杜拜酒店推介|4間杜拜人氣酒店推介|極奢華品牌酒店 vs CP值極高海邊酒店
羅夫拉梅爾海灘酒店 Rove La Mer Beach
Rove 酒店集團係杜拜市內有多間分店,酒店主打以交通便利地點中建立分店。設計風格同杜拜奢華風情大大不同,融入唔少當地藝術家作品及現代藝術風格作品。Rove La Mer Beach因為於朱美拉海濱區,室內注入唔少海灘、滑浪等元素,色彩亦非常年輕有活力。至於價錢方面,基本房型大概$800左右一晚,以呢個地段嚟講係相當之抵!
▼ 羅夫拉梅爾海灘酒店
▼ 基本房型空間亦相當之大同舒服,部分房型更加可以望到靚海景
▼ 酒店內嘅餐廳除咗裝修風格夠型格外,食物價錢同質數亦相當有驚喜!小編大推佢地嘅炸魚薯條,相當好食!
Rove La Mer Beach
杜拜寶格麗度假村 Bulgari Resort & Residences Dubai
Bulgari 呢一個意大利高級品牌相信大家都好熟悉,品牌除咗有珠寶、手錶、香水、服裝等奢侈品之外,其實係世界各地都有經營酒店及度假村,而杜拜亦係其中一個選址。杜拜寶格麗度假村為於朱美拉灣海馬型人工島上,私隱度極之高。度假村提供101門客房及套房,20間私人泳池別墅。其他配套方面仲有多間餐廳(包括米芝蓮2星級意大利餐廳 Il Ristorante – Niko Romito),1,700 平方米水療中心連室內泳池、私人海灘及寶格麗遊艇俱樂部等。
▼杜拜寶格麗度假村
▼ 別墅面積約250平方米,可選擇單房或雙房。每間別墅都提供私人管家服務,照顧住客起居飲食。
▼ 每間别墅都擁有私人花園及泳池。
▼ 高級客房面積大約55平方米,有私人露台、海灘景浴室及超大衣帽間
▼ 衛浴用品都係用上BVLGARI自家品牌
杜拜寶格麗度假村 Bulgari Resort & Residences Dubai
- 地址:Jumeirah Bay Island – Dubai (地圖)
- 杜拜寶格麗度假村官網
阿拉伯精品酒店 Arabian Boutique Hotel
阿拉伯精品酒店係位於杜拜舊城區第一間精品酒店。酒店提供12間客房及8間套房,分布於兩棟歷史建築物。酒店裝潢充滿摩洛哥、歐洲及阿聯酋風格。而客房就依照傳統杜拜風格,相當特別。
▼ 阿拉伯精品酒店 Arabian Boutique Hotel
▼ 酒店中庭風格仿似置身於摩洛哥別墅一樣。
▼ 酒店以古老建築改建而成,而且保留原有建築結構,加上現代化傢私,十分有風味。
▼ 酒店最迷人嘅地方就係可以坐係酒店內嘅餐廳Arabian Fish House Restaurant,一邊享受新鮮海鮮,一邊欣賞迷人杜拜灣海景。
阿拉伯精品酒店 Arabian Boutique Hotel
亞特蘭提斯皇家酒店 The Royal Atlantis
如果要話杜拜近年最Hit、最受歡迎嘅酒店,你會諗起邊一間?除咗帆船酒店呢間全球唯一7星酒店之外,亞特蘭提斯皇家酒店亦係近年深受旅客同當地人歡迎嘅奢華酒店之一。酒店坐落係棕櫚島上,2023年2月10日先正式開幕。酒店共有795 間客房及套房,其中 44 間設有私人無邊際泳池露台。外型相當之特別,就好似積木建造成巨型蜂巢狀。酒店更加擁 90 多座游泳池,包括最具代表性位在 90 公尺高空中的「雲間 22 」無邊際泳池。另外仲有多達8 間米芝蓮星級名廚主理餐廳、世界最大的水上樂園之一「亞特蘭提斯水世界冒險樂園」、世界上最大露天水族館之一「大使礁潟湖」同埋杜拜最大的2公里私人海灘及多間名店,絕對集奢華、娛樂同享受於一身。雖然房價相當之高,不過入住率依然經常爆滿!
▼亞特蘭提斯皇家酒店
▼ 客房相當之大,私人露台可以望住無敵海景相當之Chill!
▼ 浴室備品都係金光閃閃,極為奢華!
亞特蘭提斯皇家酒店 The Royal Atlantis
- 地址:Palm Jumeirah – Crescent Rd – The Palm Jumeirah – Dubai (地圖)
- 亞特蘭提斯皇家酒店官網