Emirates阿聯酋航空曼谷航線再度減價！6月1日至10月31日出發坐A380巨無霸去曼谷，二人同行使用$100折扣碼後，每人$879 (連稅$1,748 起)，仲包埋25kg行李！Emirates曼谷線一直有捧場客，特別適合打工仔週末快閃，收工上機，玩2日回程下晝機返。
阿聯酋航空曼谷優惠｜二人同行減$100｜每人來回低至$879 起｜
阿聯酋航空曼谷優惠由6月1日至10月31日出發，坐A380巨無霸二人同行使用$100折扣碼後，每人$879 (連稅$1,748 起)，仲包埋25kg行李！
- 香港 – 曼谷 EK385 21:30-23:45
- 曼谷 – 香港 EK384 14:05-18:05
【預訂日期】即日起至3月21日
【出發日期】6月1日至10月31日
二人同行輸入機票折扣 “EK100” 即減$100！
▼經過我們測試，二人同行乘坐阿聯酋航空來回曼谷，10月12日去程，17日回程，減$100後每人$879 (連稅$1,748 起)！
曼谷打卡酒店推介：
小編實測：2022曼谷新酒店！打卡滿分！The Standard Bangkok Mahanakhon摩登風、型格路線
疫情過後曼谷有咩新酒店住？論話題性最高，一定係22年7月29號先開幕的The Standard Bangkok Mahanakhon，你喺IG一search就會發現有超多KOL喺到打卡。酒店由西班牙設計師Jaime Hayon操刀，圓栱形設計、誇張用色相當表達到品牌的玩味風格。The Standard係美國酒店品牌，走摩登時尚路線，曼谷就係佢地亞洲地區的第一個落腳點。宜家仲有一個方法免費入住呢個新酒店！
▼King Power Mahanakhon
全間酒店有155間房，通通都望到城市景。小編今次入住係最細房型Standard King，不過都有40平方米，有張king size床、梳化位置加枱，另外浴室仲有浴缸，兩個人相當之夠住。而且房間入面都有設計，亦係走摩登復古路線，本身喺房都可以影吓相。揀選樓層就建議揀高啲，個景觀會靚啲，夜晚望住靚景聽音樂都幾chill。備品、mini bar果啲都係正常standard，唔算相當突出。如果揀另一種房型會建議 Balcony Suite ，另外有個客廳同小露台可以俾你歎吓咖啡同曬太陽。
▼Standard King
▼摩登復古設計
小編實測：137 Pillars Residences Bangkok！無邊際泳池！提供開放式廚房、大型雪櫃、煮食用具、洗衣機
嚟到曼谷玩，日夜生活多姿多彩，放曬電之後返到酒店想有家嘅感覺？又想唔使出街、行出露台就欣賞到曼谷繁華夜景？咁又可唔可以同時足不出戶遠離煩囂，係一個城市綠洲度玩下golf幫身體充充電？仲想離地啲，朝早起身享受高高在上碧波暢泳嘅環境？嘩！唔係發夢，真係有咁嘅地方！
實測137 Pillars Residences Bangkok
酒店員工服務態度非常好。一入酒店大堂，職員就提供特色嘢飲。上到房間，都可以揾到一啲小食同朱古力。今次小編住嘅係Residences旗下嘅The Pillars Executive Studio Residences。房間非常簡潔寬敞，面積有45平方米。一入門口就有一個開放式廚房，有齊爐頭、大型雪櫃、焗爐、煮食用具一應俱全，茶具咖啡機下面仲有洗衣機提供。
▼Studio房型
▼Bangkok Trading Post早餐
酒店嘅設施係最吸引小編嘅地方！一般酒店有嘅gym同spa就唔重點介紹喇。位於同gym同層嘅6樓，行出去就見到一個平台花園，平台花園嘅側根竟然係一個高爾夫球練習場。平台花園嘅綠化空間都做得非常好，喺呢個城市綠洲裏面打Golf，真係非常寫意呢。
▼高爾夫球練習場
上到27樓，見到一個單邊無邊際泳池，居高臨下睇曬成個曼谷鬧市，真係超正！呢個都未係最犀利，上到頂樓，嘩！原來係一個三邊無邊際泳池！喺呢個泳池游水，景觀完全毫無遮擋，簡直有君臨天下嘅感覺。
▼27樓單邊無邊際泳池
