ETIAS｜歐洲ETIAS｜ETIAS申請｜歐盟將會實施 ETIAS (電子旅行許可證)，不過實行日期一拖再拖，最新消息再延期至2026年最後一季！包括香港在內嘅免簽證國家/地區嘅旅客，之後入境歐洲神根地區前必須要先申請。暫定申請收費方面大約7歐元(約港幣$59)，而18歲以下或70歲以上旅客就可以免費申請！暫時雖然未有官方網站可以申請，不過小編幫大家整合咗各項申請需知俾大家，將會去歐洲玩嘅朋友記得要留意啊！
【歐洲電子旅行許可證】ETIAS再延期至2026年最後一季！每次申請$59起！BNO持有人都要申請！
ETIAS現時再延期至2026年第四季，包括香港在內嘅免簽證國家/地區嘅旅客，入境歐洲神根地區前必須要先申請ETIAS(電子旅行許可證)，而經神根地區轉機嘅旅客，只要唔出境就無需申請。
ETIAS 背景
ETIAS 全名為歐洲旅行信息和授權系統 (European Travel Information and Authorisation System)，係類似美國「旅行授權電子系統」（ESTA）嘅一種電子版旅行許可證。歐盟為咗加強入境安檢及應付遊客增加，而決定向入境旅客收費。
需申請ETIAS 免簽證國家/地區旅客
香港(BNO都要)、澳門、台灣、日本、新加坡、南韓、加拿大、澳洲、美國等61國家護照持有人，長期逗留如讀書、工作除外(但要申請相關簽證)
神根地區國家
法國、德國、西班牙、葡萄牙、奧地利、荷蘭、比利時、盧森堡、丹麥、芬蘭、瑞典、斯洛伐克、斯洛維尼亞、波蘭、捷克、匈牙利、希臘、意大利、馬爾他、愛沙尼亞、拉脫維亞、立陶宛、冰島、挪威、瑞士、列支敦斯登、羅馬尼亞、保加利亞、 塞浦路斯 、克羅地亞。
ETIAS有效期
ETIAS使用效期為3年，申請通過後可於限期內每限次出入神根地區，但停留上限維持於90日。
收費
每次申請需支付7歐元(約港幣$59)，而18歲以下或70歲以上旅客就可以免費申請，記得只係免費申請，而唔係豁免申請啊！申請無論成功與否都係不設即款。
申請所需文件/資料
- 有效護照及資料(護照號碼、有效日期、發照國家等)
- 個人基本資料（姓名、性別、生日、公民身份、居住地、電子郵件等）
- 有效信用卡
申請所需時間
據官網顯示，一般申請及付款後幾分鐘至96小時內批核(不過大家最好出發前半個月整定)，如果提交嘅文件需要保交或者同有關單位面談，就有機會要30日左右處理。
申請渠道
暫時歐盟仲未發布申請官方網站，要等正式發布後先可以申請！