香港愉景灣酒店Auberge Discovery Bay Hong Kong推出「Monchhichi主題」下午茶，加推到暑假！雙人下午茶全包只係$357，而週末下午茶自助餐每位全包都只係$240，重點當然係要同Monchhichi瘋狂打卡！
Hotel Icon唯港薈嘅下午茶一向好受歡迎！即日起至5月16日有最新「LINDT朱古力」下午茶，每位$344 起 (連服務費$378.4 起) 就可以試到酒店用LINDT香濃幼滑朱古力入饌的精緻甜點，最得意一定係LINDT朱古力蛋，進食前可以用迷你木槌敲破個蛋，勁可愛！另外仲有字母蛋糕磚、椰子牛奶白兔布丁、法式花形千層酥、榛子朱古力撻等！凡雙人惠顧仲可以拎走限量版LINDT瑞士蓮朱古力一盒！
Hotel Icon嘅榴槤甜品有幾出名唔使小編講！今次佢地出咗個下午茶外賣，好吸引啊！Tea set採用馬來西亞直送嘅貓山王榴槤果肉入饌，下午茶外賣每位只需$244，就可以食到D24 榴槤椰子糯米糍、貓山王榴槤布甸、榴槤斑蘭千層蛋糕、抹茶荔枝D24榴槤卷等多款榴槤甜點！嗚嗚嗚，真係好想試下啊！
北角匯Briketenia全新嘅「粉紅草莓」下午茶由即日起至下年1月31日推出！充滿粉紅色貓咪同士多啤梨嘅下午茶，價錢雙人只需$268，就有齊鹹點、甜點、鬆餅，仲有貓咪肉球棉花糖，加多$30食埋士多啤梨杯！有興趣可即時預訂，餐廳露天位置仲可以睇到樓下粉紅色貓咪花卉佈置添！
香港美酒佳餚巡禮今年移師網上舉行，推出咗一連串星級下午茶外賣優惠！好似君悅酒店雙人外賣自取下午茶$372、九龍香格里拉大酒店自取下午茶$498、香港瑰麗酒店Butterfly Patisserie 精緻下午茶(二至三人份) $625等，仲有其他星級優惠，真係好抵啊！
香港帝都酒店 Royal Park Hotel 推出兩大優惠套票！其中「靜岡蜜瓜日式下午茶」住宿計劃打卡真係超正，房價$880 就包房內雙人房內靜岡蜜瓜日式下午茶，可以試到金箔軟殼蟹卷、火焰和牛海膽壽司同埋靜岡蜜瓜銅鑼燒等一系列靜岡蜜瓜甜品！另外仲有「細味東瀛」住宿計劃，包雙人日本餐廳精選鐵板燒晚餐同埋自助早餐都係$1,350 起 (連服務費$1,485 起)！