去旅行入機場貴賓室 (Lounge) 並非頭等艙乘客專利，其實AE同滙豐等銀行都有同貴賓室合作，指定信用卡持有人毋須簽帳，都可免費入lounge。部分信用卡申請門檻低，甚至可以申請附屬卡，同親友一齊免費入環亞機場貴賓室 (Plaza Premium Lounge) 歎魚蛋粉。申請定，下次搭廉航出發前都可以先入lounge食飽抖夠先上機。
現時市面上主要5大信用卡持有人可免費入Lounge，包括可以入環亞機場貴賓室 (Plaza Premium Lounge) 嘅AE Explorer、HSBC EveryMile、Citi Premiermiles、Citi Prestige，同埋可以入嗮Plaza Premium Loung同AE Lounge嘅AE (細頭) 白金卡。
▼香港機場4大貴賓室實測
HSBC EveryMile信用卡
滙豐EveryMile卡亦係近期儲里數必備，指定商戶簽賬低至$2/里，其他本地及海外簽賬都有$5/里，仲包免費旅遊保險同每年6次免費入機場lounge！喺Agoda訂酒店有85折優惠！平時賺到嘅「獎賞錢」仲可以用嚟兌換15+種飛行里數或酒店積分，準備出發旅行嘅就要申請啦！
滙豐EveryMile信用卡收入要求及年費
- 申請人須達港幣240,000元年薪或以上
- 首年免年費。 往後於該年度只要簽賬滿港幣120,000元，即可獲豁免下年度之年費 (港幣2,000元)
Citi PremierMiles 信用卡
Citi PremierMiles 全年海外同網上外幣簽賬簽滿$20,000更享低至$3/里優惠，而且不設上限，適合去經常去旅行或者有恆常大額簽帳嘅朋友。加上可以申請附屬卡。每年度免費入12次指定嘅環亞機場貴賓室 (每次入Lounge後須於30日內簽夠HK$5,000方合資格)，適合飛得較密嘅朋友。
只要用Citi PremierMiles 信用卡全數支付機票/酒店/旅行團團費，卡主及其伴侶、未婚及未就業而年齡為 23 歲或以下之子女亦可享Zurich既旅遊保險， 旅遊保障包括意外、醫療、 遺失行李及旅程延誤等，高危活動例如潛水、跳傘都包！
Citi PremierMiles 信用卡收入要求及年費
- 申請人須達港幣120,000元年薪或以上
- 年費每年$1,800，首年免年費
Citi Prestige Mastercard
Citi Prestige Mastercard卡旅遊優惠多而且吸引，除咗包Priority Pass入全球指定機場貴賓室，訂酒店天更可享訂四晚送一晚優惠，仲有高達額外30%年資獎賞，計落簽帳唔止6蚊1里。
Citi Prestige Mastercard卡持卡人可免費享用遍佈全球逾1,300間Priority Pass貴賓室服務，報團、買機票用呢張卡簽帳，仲可獲免費旅遊保險，經常去旅行就慳唔少。
其他禮遇：
- 本地酒店住宿禮遇，最高每次可享HK$1,000住宿優惠
- 免費上網SIM Card 詳情
- 海港城VIC Club會籍
- 雅辰會獨家禮遇
- 高爾夫球場免果嶺費
Citi Prestige Mastercard收入要求及年費
- 申請人須達港幣600,000元年薪或以上
- 年費每年$3,800
AE Explorer信用卡
AE Explorer叫得旅遊神卡絕對有原因，申請門檻低且批卡較寬鬆，屬入門之選。持卡人及附屬卡每年免費入全球環亞機場貴賓候機室合共8次。除咗可以免費進入全球環亞機場貴賓候機室外，亦可將積分兌換成酒店積分，HK$3=1萬豪積分、HK$2.13=1 Hilton積分，酒店集團常客一定要申請！
AE Explorer其他禮遇：
- 免費旅遊保障
- 持卡人用AE Explorer支付全數海外旅遊費用，可獲得：
-旅遊意外保障金額高達HK$3,500,000
-旅遊延誤保障每年保障額達HK$10,000 - 網上購物安全保證
憑卡於網上購物盡享安全保障，避免不必要損失。您只須即時通知美國運通有關被盜用之賬項及遵守有關條款。「即時」是指記錄該項被盜用簽賬之月結單的到期日或以前。 - 無憂消費主義購物保障
-
- 退貨保證
- 45日購物保障
- 延長保養服務
- 價格保障
-
AE Explorer信用卡收入要求及年費
- 申請人須達港幣300,000元年薪或以上
- 首年免年費，往後每年$1800
美國運通白金卡 (細頭) The Platinum Card®
AE細頭最出名就係無限次入全球The Centurion® Lounge、Priority Pass、Plaza Premium機場貴賓室同埋送旅遊保險，同送你多個酒店金會籍，包括Marriott Bonvoy (房間升級)、Radisson Rewards、Hilton (送雙人早餐)！呢張卡嘅好處就係勝在夠彈性，本地/海外每年都有HK$2,000餐飲有簽賬回贈，識玩而家出卡仲食到HK$4,000 (曆年計，即是2022年內用完HK$2,000，到2023年再有多HK$2,000用)。簽賬儲積分可兌換成里數、現金券或抵銷合資格簽賬，咁多禮遇都適合旅遊時使用，黎緊需要旅行申請就岩喇！
其他禮遇：
- 送Priority Pass每年無限次入環亞機場貴賓候機室 (Plaza Premium Lounge)、The Centurion Lounge、AE lounge全球逾1,400間等機場貴賓室
- 指定餐廳食飯低至5折
- 酒店金會籍 (Marriott Bonvoy、Radisson Rewards、Hilton)
- 可使用FHR預訂酒店會有更多禮遇，平均總值高達HK$4,200旅遊禮遇，包括房間升級、兩人免費早餐、保證最遲下午4點checkout、最早可以中午check in、價值100USD既消費禮券 (可用黎抵餐飲或SPA既消費)，亦有可能係雙人晚餐或Massage 優惠
- 緊急家居及汽車支援服務 (最高HK$750既免費拖車服務)
- 免費旅遊保險及購物保險
- 24/7白金卡專員服務
- 免費開2張附屬卡
- 星期五百老匯睇戲買一送一
美國運通白金卡 (細頭) The Platinum Card®收入要求及年費
- 未有列明年薪要求
- 年費每年$7,800，不設豁免
貴賓室位置
環亞機場貴賓室 (Plaza Premium Lounge)
指定信用卡持卡人可以免費入香港機場離境大堂內嘅3間Lounge，包括Gate1、Gate35同Gate60，Gate1嘅Lounge最方便但亦最多人排隊。而每間嘅開放時間都有少少唔同，搭凌晨機嘅朋友要注意喇。
- 環亞機場貴賓室 (離境大堂，鄰近1號閘口)
每日早上7時至晚上7時 (綠色區域 – 適用於所有前往中國內地、或從中國內地來港過境的旅客 )
- 環亞機場貴賓室 (離境大堂，鄰近35號閘口)
每日晚上11時至上午8時 (橙色區域 – 適用於所有離港前往中國內地以外地區、或所有過境旅客 (來港過境前往中國內地的旅客除外))
- 環亞機場貴賓室 (離境大堂，鄰近60號閘口)
每日中午12時至凌晨1時 (橙色區域 – 適用於所有離港前往中國內地以外地區、或所有過境旅客 (來港過境前往中國內地的旅客除外))
其實唔止香港，Plaza Premium Lounge於全球網絡強勁，持卡人可以進入多個熱門機場，包括：
- 臺灣桃園國際機場
- 新加坡樟宜機場
- 上海浦東國際機場
- 倫敦希思羅機
- 墨爾本機場
詳細機場名單可以參考相關網頁：美國運通AE / 匯豐銀行HSBC / 花旗銀行Citi
The Centurion Lounge
The Centurion Lounge出名質素好，食物同環境一流 (＞>實測)。AE Lounge位於一號客運大樓Gate 61附近，佔地近8,000平方呎，每日07:00–00:00開放。AE細頭白金 持卡人喺香港機場可以揀入AE自己個Lounge 或 Plaza Premium Lounge，同埋AE網絡內全球500多個機場，逾1,200個機場貴賓室。
