日本環球影城 (下稱「USJ」) 不時都會聯乘人氣動漫作品，推出限定遊樂設施及主題餐廳，每次都吸引大批遊客前往朝聖。小編為大家整理大阪環球影城2024年活動最新資訊，包括睽違四年強勢回歸的「NO LIMIT! 夏季潑水遊行」、與「鏈鋸人」合作的萬聖節活動及一系列期間限定主題！
目錄
夏季潑水遊行 NO LIMIT! Summer Splash Parade
日本大阪環球影城嘅「NO LIMIT! 夏季潑水遊行」睽違四年重新登場！今次仲係環球影城首次舉辦一邊奔馳、一邊暢快潑水嘅遊行活動。花車遊行時會噴灑大量水柱，加上灑水器、水砲等噴水設備，大家要做好濕身嘅準備！特別嘅係，喺Mario主題嘅花車上，Daisy公主更會首次喺遊行中登場！另外，食物方面就有必試嘅「鯉魚龍菠蘿梳打」、「奇異種子哈密瓜冰沙」、「芝麻街橙味Cupcake」～
環球影城NO LIMIT! 夏季潑水遊行
活動日期：2024年7月3日至9月1日
活動詳情：環球影城夏季潑水遊行
※活動期間可能更改
萬聖節派對2024
日本環球影城宣布「2024萬聖節派對」豪華陣容！日頭會由比卡超領軍盛大音樂Party~迷你兵團、芝麻街、MyMelody及Kuromi等都會以可愛嘅萬聖節造型同大家影相打卡！入夜之後氣氛就開始緊張！由人氣歌手Ado化身治安隊長，帶領喪屍熊等角色橫行街頭！除咗Party點少得遊戲體驗？人氣動漫兼全新合作嘅「鏈鋸人」、生化危機、娃鬼回魂等刺激情節將會再次呈現喺你眼前，就連黑暗魔法師「食死人」都會降臨《哈利波特魔法世界》！
環球影城萬聖節派對2024
活動日期：2024年9月5日至11月4日
活動詳情：萬聖驚魂夜、哈哈哈！萬聖節派對
※萬聖節恐怖之夜將於9月6日開始舉行
海賊王盛夏劇場2024
One Piece迷注意！海賊王盛夏劇場2024將於7月3日至10月7日重返日本環球影城，到時候會有海賊王劇場表演睇，仲有山治海賊餐廳、草帽一行人的饗宴餐廳以及「海賊王 x 好萊塢美夢‧乘車遊」！完全係有得睇、有得食、有得玩！鍾意One Piece嘅朋友一定唔可以錯過！
環球影城海賊王盛夏劇場2024
活動日期：2024年7月3日至10月7日
活動詳情：環球影城海賊王盛夏劇場2024
※遊樂設施可能不經預告暫停運作。詳情請查閱表演秀與遊樂設施中止資訊
鬼滅之刃XR乘車遊
日本環球影城同鬼滅之刃又有合作！今次係「鬼滅之刃XR乘車遊」嘅新主題，分別係「刀匠村篇」、「柱稽古篇」。「鬼滅之刃XR乘車遊」係以戴上VR眼罩，透過視覺、聽覺，以及重力遊玩嘅360度VR映像過山車之旅，自推出以嚟一直大受歡迎！「刀匠村篇」於7月19日至10月7日登場，而「柱稽古篇」就會喺10月8日至2025年1月5日登場，想兩個都玩晒嘅話就要去兩次啦～另外仲有一定要搶購嘅全新爆谷桶，同樣會喺7月18日起開始發售！
環球影城鬼滅之刃XR乘車遊
活動日期：2024年7月19日至2025年1月5日
活動詳情：環球影城鬼滅之刃XR乘車遊2024
※活動期間可能更改
哈利波特魔法世界10週年
為咗慶祝「哈利波特魔法世界」10週年，日本環球影城今年全年都有一連串嘅特別活動，而官方最近就公佈咗夏季活動！ 首先有「霍格華城堡之旅」，日期由7月15日至12月31日，透過特別路線仔細漫步可以發掘霍格華茲城堡嘅細節，可以見到保護鄧不利多校長室嘅獅鷲像，而到秋季仲有得同食死人決鬥！另外，官方特別推出10周年紀念馬克杯奶油啤酒、用純植物奶油製作嘅「奶油啤酒」，同埋用四個學院為靈感特製嘅吉拿棒～
環球影城哈利波特魔法世界10週年
活動日期：2024年3月15日至12月31日
活動詳情：環球影城哈利波特魔法世界10週年
※活動期間可能更改
相關優惠：關西新酒店推介｜日本首間W酒店！環球影城全新官方酒店｜大阪、奈良、京都新酒店
名偵探柯南4D現場表演秀～星空的寶石～
為咗慶祝2024年《名偵探柯南》連載三十週年，日本環球影城於春季新增柯南嘅常設遊樂設施，而「名偵探柯南4D現場表演秀」就用上環繞四周嘅巨型螢幕，充滿臨場感嘅音響、燈光、水花噴濺同煙霧等效果，帶大家全身投入「名偵探柯南」世界，同柯南一齊推理解決事件。
環球影城名偵探柯南4D現場表演秀
活動日期：2024年3月22日起
活動詳情：環球影城名偵探柯南4-D現場表演秀
※活動期間可能更改
Donkey Kong Country
日本環球影城將會新增以Donkey Kong為主題嘅「Donkey Kong Country」！呢個新園區預計於2024年春季開幕，會位於超級任天堂世界裡面，所以超級任天堂世界亦會擴大1.7倍！故事設定為玩家們進入Donkey Kong居住嘅叢林內，以黃金神殿為起點，乘坐礦車奔馳，展開一段刺激狂野嘅冒險旅程！聽落好似好刺激咁！大家又有再去日本環球影城嘅理由啦～
日本環球影城
- 地址： 日本大阪府大阪市櫻島二丁目1番33號 (地圖)
- 電話：+81 570-200-606
- 日本環球影城官方網站
可能好多香港人都仲未去過日本環球影城入面嘅超級任天堂世界，即刻睇下詳細攻略啦！仲可以睇埋大阪有咩新景點～
▼超級任天堂世界徹底攻略！3800円手帶洗唔洗買？園區竟然有隱藏景點！
大阪有新商場啦～下次臨上機前又有去好處！不過今次小編就覺得商場個Food Court仲出色過過商場本身，重點係超多位，食晒來自全國各地美食都唔洗排隊啊～即刻睇下有咩必行舖頭先～
▼大阪最新大型商場🛍三井LaLaport堺｜Food Court先係本體😋｜必食漢堡扒、大阪築地海寶飯、Antiqulture古著店、Onelove寵物用品店