上次就Mega Sale就阻人收工，今次就要人返工途中停一停手先！因為今次個Mega Sale真係抵到爛呀！以下優惠航點，台北$660 (連稅$1,050)、沖繩$720 (連稅$1,050)、曼谷$850 (連稅$1,305)、首爾$950 (連稅$1,410)、大阪$1,100(連稅$1,572)、東京1,250 (連稅$1,691)、奧克蘭$2,300 (連稅$2,991)、札幌$2,640…
平機票
正呀！每年一度嘅旅遊展優惠返黎喇！濟州航空亦係一陣9點推出單程首爾及濟州平飛！6月15日至9月30日出發，單程飛首爾$260 (連稅$980)、濟州$400 (連稅$1,223)。以上價錢只包10KG 手提行李，唔想背包遊就買高一級嘅「折扣機票」，比另購行李抵啲架。最吸睛仲有首20位訂飛，有機會贏取「Holiday Inn Express Seoul Hongdae Hotel」酒店住宿一晚添呀！
旅行離不開食、買、玩！而上海正正就係一個以食行先嘅覓食好地方！12月31日前出發，乘坐國泰/港龍航空，二人同行來回上海$1,031 (連稅$1,397)！千四蚊都唔使就可以聖誕假飛去第二道過～仲唔正到爆！記住想聖誕假出發，去程可以揀返12月24日，回程就視乎想去幾耐，不過預留一日喺迪士尼，其餘兩日留係市內行下玩下，至少都可以差足4日3夜電架！
今晚11:00有回程優惠，隔多一個鐘12:00就可以買埋去程平飛！10月27日前出發，單程飛大阪$240 (來回連稅$865)！就咁買來回價錢都唔錯，所以唔想煩分開買就一次過12:00一次過喇，但想慳多一蚊得一蚊就緊係分開賣喇～總知今晚大家努力喇！
去曼谷去到悶悶地，不如今次搞搞新意思，去布吉享受下陽光與海灘喇！曼谷推出咗布吉直航優惠！12月18日前出發，使用折扣代碼後，二人同行來回布吉每人$1,850 (連稅$2,230)咋！布吉除咗玩水之外，亦有多姿多彩嘅酒吧街，同埋豐富嘅海鮮大餐！航班時間都算唔錯，早去午返！今次暑假頭出發都有平！價錢已包埋30KG 寄艙行李！平飛數量唔算好多，岩就快手喇！
樂桃航空繼續黎料呀！未買回程飛可以捕定先咑！10月27日前出發，單程飛大阪$228 (連稅$377) 起！好抵呀！不過回程要坐早機都幾辛苦，所以可以俾多30蚊坐夜機走！記住明天晚上11:00先開賣呀！
小編自己都捕咗好耐，終於見到墨西哥城平飛喇！12月13日前出發，乘坐加拿大航空，來回墨西哥城$4,743 (連稅$5,714)！一般飛墨西哥都會揀坐美國航空喺美國轉機，不過淨係應付美國簽證都要花唔少時間又肉赤，相比起坐加航喺加拿大轉機只係需要網上申請eTA，7蚊加紙 (約港幣$42)就搞掂，仲要慳返成千銀！
維珍澳洲航空兩個直航航點再推平飛，想暑假出發無難度！12月20日前出發，使用折扣代碼後，二人同行來回悉尼/墨爾本每人$2,950 起 (連稅計墨爾本$3,962、悉尼$4,062)！票價仲包2件23KG 行李，推持一貫作風暑假都有平飛，玩足成個8月都得！加上靚航班時間同直飛慳到唔少時間，暑假旺季唔駛下下再去短線咁悶啦！
Aloha！韓亞推出全年夏威夷優惠！19年5月11日前出發，使用折扣代碼後，坐韓亞經首爾轉機來回檀香山$2,750 (連稅$3,615)。以上包咗23KG 行李同機上餐飲，如果想玩埋首爾只需去/回程揀轉機時間長嘅航班，自製時間出境玩啦！
正呀！ANA 全日空將日本優惠賣到12月中，大阪/名古屋連稅價都係二千八有找就搞掂！12月20日前出發，來回大阪/名古屋$2,318 (連稅計名古屋$2,757、大阪$2,790)。價錢已經包咗2件23KG 行李，可享受埋ANA嘅優質服務同飛機餐！但東京長期高企未肯見減，入手以上兩個航點玩住先啦！
