濟州航空一陣9點將會開賣6至7月初夏平飛，一於睇下好唔好彩搶到暑假旺季出發都有平啦！6月1日至7月31日出發，單程飛首爾/濟州$265 (來回連稅計濟州$1,151、首爾$1,186)！以上票價未包行李，識得買高一級別嘅「折扣機票」分分鐘慳唔少架！
平機票
講真平成咁！仲有邊間航空可以同埃塞俄比亞航空你鬥呀！2020年1月20日前出發，使用折扣代碼後，來回曼谷$740 (連稅$1,127)！呢個價錢已經包咗2件23KG 行李，兼且仲俾小編搵到泰國跨年平飛添呀，呢啲機會千載難逢呀！
咩話！竟然平成咁！6月30日前出發，二人同行乘搭經濟客艙來回新加坡每人只需$230 (連稅$787)，仲坐到新加坡航空嘅全新波音787-10客機，真係爆抵必搶價！票價仲包埋30KG 寄艙行李，仲有得坐全新波音787-10 客機舒舒服服飛去獅城。優惠已經開賣緊，超過300套來回機票俾大家搶呀！
如果直航同轉機只係相差幾百蚊，小編寧願揀直航，宜家瑞士航空直航瑞士有優惠添！2020年2月28日前出發，直航蘇黎世$3,700 (連稅$4,306)！票價包1件23KG 行李，而且凌晨機出發清早抵達，仲有連聖誕出發都有平～優點多到數唔哂呀！
美航減價減埋去墨西哥，價錢夠哂Surprise兼且優惠好罕見呀！只限3月出發，來回墨西哥城$1,609 (連稅$3,843)、坎昆$1,631 (連稅$3,697) 咋！從未見過咁平，其中飛墨西哥城只係需要轉一次機，不過等轉機要成18個鐘都幾攞命！
去韓國次次都去首爾，下次一於去釜山探索下喇！限6月出發，釜山航空來回釜山只需$500 (來回連稅$1,121)！航班時間仲要超靚，係凌晨機去晚機返，不過唔包行李呢樣就差少少囉！
之前錯過咗樂桃日本777yen 返港平飛嘅朋友唔使愁，事關樂桃香港網站推出激抵優惠，來回大阪連稅最平$742咋！4至6月出發，香港單程飛大阪只需$147 起 (連稅$742 起)！仲可以揀凌晨機去晚機返添！真係抵到爆啊！呢排Yen跌咗咁多，又係時間去血拚喇！
今次好多亞洲城市，不過睇黎都唔算好抵，可以格埋其他航空公司價錢先！連稅計來回吉隆坡$1,683，而沖繩都要$2,482，麻麻地！
想last minute平遊首爾唔止得大韓嘅！今次韓亞一齊鬥平搶客，3月31日前出發，來回首爾$1,271 (連稅$1,927)！票價已經包咗23KG 行李同埋韓式飛機餐，同樣可以凌晨機去晚機返架！
嘩嘩嘩！今次聯合航空呢個直航紐約價真係平到喊三聲！5月31日前出發，直航來回紐約只需$1,600 (連稅$3,235)！票價仲包2件23 KG行李，痴住復活節出發都有減，揀4月18日去程，23日打後回程就得，真係稱霸超癲低價呀！ 5/3 12:00 update：啲平飛已經無晒喇 ~ ~
