國泰嘅倫敦直航回港優惠再次開賣！11月20日前出發，國泰倫敦 (希斯路/格域) 直航來回香港$1,929 起 (連稅$4,360)。呢個價錢以國泰嚟講都算平，但要留意返有可能來回係唔同機場，唔好去錯地方！另一賣點就係由格域機場來回可以坐到A350客機，正呀！最近有需要返黎香港就睇下岩唔岩啦！
平機票
港航台北平飛終於出現返啦！2月12日至3月19日期間出發，使用折扣代碼後，來回台北$560 (連稅$1,259)！宜家台北機票連稅千二已經叫平，加上港航最平優惠無再迫大家去程一定要坐晚機，反而有得揀下午4點機，甚至回程航班時間任揀，都幾有驚喜呀！不過想時間再靚啲，可以上返官網訂飛，揀早去晚返連稅後都係$1,410，當慳返晚酒店錢囉。
話咁快又到星期五喇！黎到HK Express買去送回第三擊！12月16日前出發，來回韓國$598、日本$798 起！連稅計釜山$1,141、熊本$1,176、福岡$1,246、東京羽田/名古屋$1,366！今次大部份航點都過千一，價錢都算係過得去嘅，想去都可以入手！優惠陣間9點開賣！
又係長榮優惠呀！不過今次就係輪返自己大本營，4月30日前出發，使用折扣代碼後，來回台北只需$870 (連稅$1,404)！價錢唔錯，比起本身全年優惠再平多$50蚊，而且去程同回程都係靚時間，唔使焗住坐晚機飛過去！雖然限制咗星期日至三出發，不過就算喺星期五/六出發都係貴多$111蚊左右，抵俾過以前好多架！
樂桃日本站率先開賣5月尾大阪回港平飛！5月31日前出發，大阪單程飛香港$209 起 (連稅約$359)，呢個價限2月13日至3月20日出發，3月21日打後大阪單程飛香港$245 起 (連稅約$396)！同樣限朝早回程，加約$58可以改搭午機或晚機！岩就買定回程飛先再補去程，記得上英文或日文網址訂飛啊！
嘩！長榮嘅一雞兩味飛仲可以揀飛去沖繩架！9月30日前出發，使用折扣代碼後，經台北轉機來回沖繩$1,900 (連稅$2,372)！只要揀岩航班就可以坐到Kitty牽手機，而且出發日子比大阪多好多，基本上優惠日子都有，然後呢套飛可以8月23日後出發，即係趕到設喺開學前帶仔仔女女去轉台日旅行，俾多$278蚊仲可以留Stopover 台北玩多幾日！最後連星期五、六、日出發一樣價錢，假都請少2日啦！勁多好處…
自從香港人可以喺玻利維亞做落地簽之後，小編就心郁郁想去天空之鏡朝下聖！嚟緊會去其他南美地方嘅朋友，就更加要留意喇！12月14日前出發，秘魯利馬來回玻利維亞拉巴斯$721 (連稅$1,414)！配合埋之前同大家介紹嘅秘魯優惠，連稅唔使八千就去到轉玻利維亞喇！玻利維亞除咗天空之鏡，仲有紅湖同埋月亮谷等知名景點！有時間嘅話一於玩盡南美喇！
自問又犯思鄉病嘅你地，一於喺澳洲返香港解愁腸啦！6月30日前出發，悉尼/墨爾本直航來回香港$1,780 起 (連稅計墨爾本$2,736、悉尼$2,742)！各位留澳Fans又可以返香港一轉，而且返黎過豬年都有平！票價包埋兩件23KG 行李，咁買多啲手信去拜年都得啦！
平時要搵一張平飛去多倫多，至少要用半年時間去捕，就算坐某國航空公司平起上黎都要4千幾蚊！所以今次東航肯做到咁平，機會實屬罕有！只限3月份出發，使用折扣代碼後，來回多倫多$2,200 (連稅$3,850)！價錢的而且確堅無得輸！不過要注意兩大點，其一程要捱長時間等轉機，其二就係真真真真係好難搵到平飛，小編建議出發日子盡量搵返3月中。
皇家約旦航空睇黎見其他對手優惠仲減緊，所以唔執輸再推曼谷平飛！6月30日前出發，來回曼谷$489 (連稅$1,265)！包30KG 大大行李限額，計計埋埋仲使鬼坐廉航咩！雖然去程時間晚機，但打工一族就岩哂！如果想知道埋其他airline咩價錢，就入黎睇詳情加訂飛啦！
