最近香港天氣忽冷忽熱，想真正感受下陽光與海灘！坐AirAsia 飛沙巴啦！7月10日前出發，用Big會員戶口再訂飛，單程飛馬來西亞沙巴$48 (來回連稅計$488) 咋！超癲呀！就算加埋行李，都係講緊$848就有個trip俾大家逃離香港！有興趣嘅話即上官網搶飛，手快有手慢無呀！
平機票
你今日搶咗飛未呀？真航空開賣年度大促銷！單程澳門飛首爾$300 (來回連稅$1,372)、香港飛首爾$350 (來回連稅$1,418)，票價包15 KG行李同機上小食！整體黎講澳門係抵飛啲，因為航班時間夠靚又包呢樣果樣，不過睇到香港個時間就er……同埋聽落包15 KG行李好似幾好咁，但係真航無得加購行李限額，一旦過重就逐KG咁計，所以呢套飛只係岩去食野，過下癮旅行嘅人！
小編諗返起幾年前嘅英國機票真係好好好貴，但宜家就唔同講法喇！6月15日前出發，使用折扣代碼後，坐阿提哈德航空來回倫敦$1,540 (連稅計$4,476)，票價仲已包咗30KG 行李。買到張平飛，就可以去坐London Eye好好欣賞泰晤士河景色，同埋去瘋狂食龍蝦喇！
小編都知大家去旅行想去得貪心啲，想1個trip玩哂2個地方，宜家長榮有機會俾大家喇！7月11日前出發，經台北轉機，來回大阪$1,420 (連稅$2,238)。呢套飛仲有2兩大賣點，就係台北-大阪線可以坐到787同埋kitty客機 (視乎供應)，而且加多約$302就可以喺Stopover 台北玩多幾日，真係可以一次過玩哂日本台灣，食玩買盡兩地啦！
自從加咗燃油附加費，好耐都無出現平過五千蚊嘅摩洛哥機票啦！而今次嘅阿提哈德航空優惠，亦都唔止減歐洲航線，連摩洛哥都有份減，6月15日前出發，使用折扣代碼後，來回卡薩布蘭加$2,290 (連稅$4,304)！票價包30KG 行李，夠哂位買啲特式手信返黎！而犘洛哥一向視為非洲旅遊嘅入門版，剩係去撒哈拉沙漠睇星星都夠哂吸引啦～～
買去送回優惠唔見咗一排，終於都返嚟喇！今次連新航點曼谷都有平！12月16日前出發，坐HK Express來回台灣$328、東南亞$378、韓國$598、日本$798 起！連稅計台中$841、峴港$954、布吉$958、曼谷/清萊$978、首爾$1,178、暹粒$1,227、大阪$1,399！呢個價錢算正正常常，岩日子嘅可以入手！優惠陣間9點開賣！
呢排咁凍，有時間嘅話不如飛返轉避下寒喇！7月10日前出發，坐AirAsia連稅來回泰國喀比只需$626、馬來西亞沙巴都係$732咋！真係好抵啊！最平連稅六百蚊就可以飛到去享受陽光與海灘喇！自從加咗燃油附加費之後，就好少見到呢個咁平嘅價錢！有興趣嘅話可以唔洗諗即刻搶飛！
曼谷多野食之餘，消費又夠晒低，岩晒大家快閃幾日去充下電！宜家阿聯酋航空有個曼谷優惠，12月5日前出發，使用折扣代碼後，坐經濟艙來回曼谷只需$630 (連稅$1,288)！呢個價錢仲包埋30KG 行李，計返分分鐘仲平過廉航！如果想獎勵下自己嘅話，仲可以加千四蚊upgrade其中一程坐商務艙添，一程商務+一程經濟都只係$1,880 (連稅$2,630)！有預算嘅話不妨對自己好啲喇！
身為飛泰國線嘅大哥大，泰航終於肯減價啦！12月20日前出發，使用折扣代碼後，來回曼谷$960 (連稅$1,634)！今次套飛最好就係出發日子賣到去12月，可以早日計劃下行程，同埋停留期限有成14日咁多！而唔好嘅地方就有航班限制，只限午機去早返，如果想早機出發可以俾多$112蚊又或者索性喺官網訂，揀靚啲時間價錢約$1,816蚊，俾貴少少總好過一早出機場呀！
國泰歐洲線開賣到11月尾啦！6月13日前出發，使用折扣碼後，直航來回歐洲$2,850 起，連稅計都柏林$4,526、巴塞隆那$4,604、馬德里$4,645、米蘭$4,667、布魯塞爾$4,687、蘇黎世$4,692、羅馬$4,792、法蘭克福$5,179、倫敦格域$5,341、曼徹斯特$5,391、阿姆斯特丹$5,491，但巴黎仲貴過倫敦價就唔好提啦！票價已包30KG 行李，而大部分航班都係凌晨…
