樂桃香港站提早俾大家感受復活節，推出咗個幾抵嘅優惠！4至10月出發 (視乎航點及優惠日期)，香港單程飛沖繩/大阪$178 起 (來回連稅計沖繩$713、大阪$842 起)！今次沖繩九至十月飛都有優惠，連稅七百蚊真係必搶啊！大阪優惠都可以揀返個靚時間，凌晨機去晚機返架！
今次港航又可以威返次，保一保佢個平霸地位啦！10月至12月出發，來回沖繩$690 (連稅$1,350)咋！終於可以同佢啲千四，千五價告別一陣，而今次個價分分鐘抵玩過坐樂桃，包20KG行李，可以中午機去晚機返！不過小編唯一唔滿意淨係得腸仔包食囉！
香草航空係五月尾會退出東京線，平飛東京嘅選擇就少咗個喇！5月31日前出發，坐香草航空單程飛東京成田$208 起，來回連稅估計$957 起！航班時間唔算靚，晏就機去早機返，真係見到優惠價先考慮啊！聽日晏就2點開賣，放假就可以多啲時間捕住喇！
相信唔少Fans今朝都有捕住日本宣佈改新年號嘅神聖一刻！咁熱愛鄉下，就梗係要多啲返去喇！ANA全日空航空岩岩減咗燃油附加費，7月10日前出發 ，來回名古屋/東京/大阪$2,600 起 (連稅計名古屋$3,403、東京$3,482、大阪$3,521)！票價已包2件23 KG行李同埋ANA嘅優質服務！今次仲可以open jaw玩多個城市添！
Yeah！日航終於肯價錢回落，之前賣極都要3千6點樣入得手呀！10月31日前出發 ，來回東京$2,300 (連稅$3,109)，票價包2件23 KG行李加上貴為skytrax 5星航空，服務質素不容忽視！仲未講完，小編搵到暑假尾同紅葉季都有平飛，3千1包咁多好條件，入得手啦！
呢排嘅話題主角HK Express有新搞作，將會於六月開新航線沖繩線！20年3月2日前出發 (視乎航點)，HK Express來回台中$276、東南亞$296、日本$396、韓國$536 起！連稅計台中$758、芽莊$816、石垣島$819、清萊$854、長崎/鹿兒島$959、沖繩$1,471 等。今個星期價錢都叫有啲驚喜，唔少日本航點好似長崎同埋鹿兒島都幾值得入手！不過今次沖繩線未有平，建議可以…
樂桃香港站7周年優惠嚟到最後一擊，同之前一樣咁抵啊！4至7月出發 (視乎航點及優惠日期)，香港單程飛沖繩/大阪$177 起 (來回連稅計沖繩$762、大阪$802 起)！岩日子出發嘅話，沖繩呢個價真係必入手！今次大阪優惠都可以揀凌晨機去晚機返架！
Sakura Sakura～如櫻花 盛開到落下！大家仲想喺今年睇到呢個場景嗎？4月30日前出發，香港航空來回札幌$2,250 (連稅$2,756)，久違靚價，票價大殺四方！而北海道4月尾先開櫻花 ，大家仲有機會賞到櫻，有心唔怕遲呀！小編都好想去～
香港航空今日再開賣新優惠，多條日本線都有優惠架！6月27日前出發 (視乎航點)，來回沖繩$800 (連稅$1,402)、鹿兒島$1,330 (連稅$1,861)、東京$1,830 (連稅$2,547)、大阪$1,800 (連稅$2,547)、札幌$2,830 (連稅$3,434)、馬爾代夫$2,950 (連稅$3,874)。例牌以沖繩最平稱霸，直航札幌同馬爾代夫都同樣抵deal！平飛唔多即上官網睇…
HK Express推出買來回機票去程68蚊優惠！20年2月24日前出發 (視乎航點)，HK Express來回台中$396、東南亞$446、日本$596、韓國$666 起！連稅計台中$878、芽莊$946、長崎$1,019、濟州/釜山$1,174 等。真係要睇清價錢先，唔少價都比之前貴咗，岩日子先好訂啊！優惠陣間9點開賣。