講起去日本旅行，沖繩係唔少香港人去日本玩嘅熱門目的地之一。沖繩位於日本的最南端，古稱琉球，擁有眾多美麗島嶼、珊瑚礁及沙灘，係渡假、潛水勝地，仲被稱為日本夏威夷！小編為大家整理沖繩懶人包，由交通方法到景點、酒店，出發沖繩之前一定要睇晒呢篇攻略！記住睇埋日本開關懶人包、VISIT JAPAN WEB 申報教學！
相隔三年終於再黎到日本沖繩！上一篇文同大家介紹咗小編住嘅沖繩逸之彩深層溫泉酒店，除咗鄰近酒店嘅國際通之外，小編仲去咗其他景點，食嘅買嘅都有！即刻睇下沖繩有咩景點啦！
自疫情以來第一次飛，小編相隔三年終於可以再嚟日本南部——沖繩！落機後由那霸機場出發，搭單軌電車到市中心嘅牧志站，行3分鐘左右就到小編今次入住嘅東瀛遊沖繩逸之彩深層溫泉酒店。呢間酒店於2020年12月建成，行5分鐘就到超人氣國際通。房價一晚港幣$800左右，近車站又近國際通，浸到天然溫泉，性價比高呀！黎緊去沖繩旅行會住返幾日那霸的話，可以考慮下住呢間，亦都可以買自由行套票又或者跟團㗎～
