HK Express終於出有啲睇頭嘅Sale！今個星期將會推出Mega Sale，第一輪全部航點連稅唔使1千！19年6月24日前出發，單程飛台灣$98、東南亞/韓國/日本$118 起 ！來回連稅計台中$591、峴港$669、布吉$762、首爾$733、福岡$806、東京羽田$929、東京成田$931、大阪$966！第一輪已經開賣首爾/東京/大阪多等熱門航點，都叫做有返啲誠意！今次真係搶得過架～快啲…
平機票
英國返港嘅平飛真係好耐無見過喇！今次維珍個優惠確係唔錯，19年5月31日前出發，直航倫敦來回香港$764 (連稅$4,352)，包23KG行李，雖然無法回到3字頭啲癲價，不過直航黎講買得過！不過買之前記得留意幾樣野，第一包唔包行李～因為維珍宜家有隻light飛係唔包行李，小心買錯級別！第二平飛日子唔係好多，建議上左官網搵邊日有平先再去其他網買！
估唔到泰航除咗曼谷線抵玩，連首爾線都咁筍呀！8至9月出發，來回首爾$1,211 (連稅$1,658)！呢條線本身已經好少減，仲要減到咁平，實屬罕見呀！小編搵過系統，暑假尾尾都有平飛，可以摱車邊放暑假！而想過真正暑假，亦都只需加多$387 起！唯一唔好係航班時間麻麻地，不過包30KG行李咩都So返哂喇！
大家都知新航岩岩拎咗2018 Skytrax第一名，所以佢都好識做推出全線澳洲平飛！last minute暑假出發照平添呀！19年3月31日前出發，來回澳洲各大城市$2,021 起 (連稅計悉尼$3,091、柏斯$3,178、墨爾本$3,203、阿得萊德$3,219、布里斯本$3,333)！連稅三千頭就可以坐到五星級航空飛澳洲，真係超爽呀！
樂桃今晚又有回程平飛優惠！要補飛嘅朋友要留意喇！10月27日前出發，單程飛大阪$256 (連稅$401) 起！好抵呀！今次晚機都有平！快手買埋張回程機票就可以慢慢plan行程喇！記住要去返日本網站或英文網站！今晚十一點開搶！
HK Express推出最終回買去程送回程！19年6月21日前出發，來回泰國$398、韓國$598、日本$798 起。連稅計清邁/清萊$864、濟州$1,018、廣島$1,053、名古屋$1,251、塞班$1,250、寧波$806。今round得泰國兩個航點入得過，其他可以唔使睇囉！官網開賣中啦！
又有歐遊筍飛喇！12月31日前出發，使用折扣代碼後，來回歐洲$3,040 起 (連稅布魯塞爾$3,562、阿姆斯特丹$3,991)！布魯塞爾連稅三千五的確唔錯，仲要包埋30KG行李，今次優惠仲可以open jaw！即係可以買布魯塞爾入，阿姆斯特丹出，掉返轉都得！咁就可以一次過遊盡比利時同埋荷蘭兩個國家喇！
大韓釜山航線將會係10月28日停運，盡地一舖推出超平飛等大家好好Last Farewell！10月28日前出發，使用折扣代碼後，來回釜山$1,234 (連稅$1,650)！平到真係可一不可再，而且航班時間係凌晨機去夜機返，兼包23KG行李同韓式拌飯飛機餐！性價比奇高，其實可唔可以唔Say Goodbye呀？
作為世上碩果僅存嘅共產國家，古巴俾人嘅印象一直都係好封閉！想去親自探索下呢個神秘國度，就唔好錯過呢個優惠喇！ 19年5月31日前出發，坐俄羅斯航空來回古巴夏灣拿只需$4,500 (連稅$6,891)！連稅七千都唔洗！係古巴，時間仿似定格咗幾十年，滿街嘅古董車堆砌成古巴獨有嘅一條風景線！除咗雪茄同埋龍蝦外，仲有不一樣嘅加勒比海風情等你領略！小編查過系統，平飛唔算多，想去嘅朋友唔好猶豫喇！
原來釜山航空又改咗新制，繼20KG行李變咗做15KG之後，宜家Fly&Sale出埋唔包行李！10月至19年3月出發，單程程飛釜山$300 (來回連稅$1,016)！呢個價係未睇落好抵咁呢？如果兩手fing fing去確實唔差！不過每段航程行李要收$252蚊，來回就5百幾蚊行李，計返條數原來買「特價機票」仲抵，來回連稅$1,340！哈哈~咁大家識揀喇～
