ANA全日空優惠返黎啦！19年3月31日前出發，使用折扣代碼後，來回東京$2,450 (連稅$3,361)！價錢比起其他唔算好平，維持一貫價位！但係ANA梗係有佢自身魅力，好似今次就可以任君選擇飛羽田定成田機場 (唔係次次優惠都有架)，而俾小編揀一定兩程都飛羽田，因為除咗近機場之外，來回都係凌晨機，時間見使好多！當然2件23KG 行李呢點，提足咁多次依然好吸引喇！
平機票
泰爽喇！阿聯酋航空推出全年曼谷平飛，講緊連稅千三有找仲賣到下年11月！19年11月21日前出發，使用折扣代碼後，來回曼谷$630 (連稅$1,275) 咋！咁抵嘅價錢已經享受到阿聯酋航空嘅五星級服務喇！搵過系統平飛都幾多下，而且仲包埋30KG 行李，真係平過坐廉航，打工仔仲可以放工即刻飛去短遊幾日添呀！
2018年仲有幾日就完喇，唔知大家今年飛咗幾多轉呢？今日HK Express都接住有優惠，19年10月26日前出發，來回東南亞$486、韓國$686、日本$886 起！連稅計清邁$1,066、釜山$1,229、長崎/熊本$1,264、東京羽田/名古屋$1,454等！價錢嚟講就唔算有咩吸引力，所以大家可以繼續努力工作賺旅費喇！仲有興趣嘅話一陣9點開賣！
阿提哈德航空有一個唔錯嘅歐洲優惠，其中最平就係飛希臘！19年5月31日前出發，使用折扣代碼後，來回雅典$1,880 (連稅$3,845)！票價包30KG 行李，比起其他歐洲航空都要多行李重量架！而且起得題做愛琴海之旅，當然要去埋旁邊小離島，好似聖托里尼島、米里諾科特、薩羅尼克群島等等，坐內陸機可以更省錢同快架！至於市內嘅衛城都要行幾日，足以了解希臘神話發源地啦！
長榮嘅平飛真係好耐無見啦！好彩今日官網推出咗個快閃台北優惠，19年1月30日前出發，來回台北只需$992 (連稅$1,380)！價錢算唔錯，不過限制稍為多咗少少，彼如去程只限晚機出發，而且星期五/六/日出發會貴多2百蚊，即係週末快閃都要請多日假啦！
澳航唔止香港去程有平，宜家喺澳洲回港一樣咁抵！連稅唔使二千六坐直航返嚟香港添！19年6月13日前出發 (視乎航點)，澳洲航空悉尼/墨爾本直航來回香港$1,541 起 (連稅計悉尼$2,565、墨爾本$2,643)！喺澳洲嘅fans係咪心思思想返黎呢？票價仲包30KG行李，順手幫屋企人買澳洲特產返黎啦！查過系統平飛日子唔多，真係手快有手慢無架！
曼谷優惠停不了！ 皇家約旦航空曼谷優惠繼續減兼且出發日期去到5月！19年5月31日前出發，使用折扣代碼後，來回$620 (連稅$1,437)！航班日期晚去午返，喺岩啲返朝九晚五嘅打工仔，而且包30KG 行李～今次仲係首次賣到5月平飛，所以平飛數量好充足架！
ANA+聯合航空優惠再次翻炒，今次仲要平多六嚿水咁多呀！19年6月25日前出發，使用折扣代碼後，來回利馬$3,900 (連稅$6,116) 咋咋咋咋咋！以小編嘅認知最平都賣緊6千3,4，今次仲可以喺香港出發，而且連最旺季年三十晚至初二出發都有平，不過最快回程時間要19年2月20日後啦！同埋航程分別需要喺東京同休斯頓轉機，所以記得拎美國簽證先呀！
嘩嘩嘩！痴線架！last minute飛倫敦連稅只需3千？！土航又推出清倉價平飛英國！來回倫敦只需$916 (連稅$2,955)！！！史無前例未試過咁抵呀。出發日期限12月29同30日、之後喺19年1月7日打後回程就有平飛。雖然旅遊日期同樣只限1月，不過咁抵飛，倒不如瘋狂一次，即興飛去倒數啦！
話咁快就係平安夜喇，唔知大家今晚會去邊度玩呢？HK Express都出咗個優惠嚟應節，19年10月26日前出發，來回東南亞$466、日本$686 起！連稅計峴港$1,042、布吉$1,046、石垣島$1,064、高松/鹿兒島$1,264等！加埋燃油附加費之後，今次所有航點價錢都超過一千。Umm…小編覺得可以專心諗下今晚嘅節目！仲有興趣嘅話優惠9點開賣！
