新西蘭自由行攻略｜新西蘭旅遊｜新西蘭航空｜近年有唔少人會選擇去新西蘭旅行，除咗可以由香港直飛去奧克蘭之外，透過內陸機更可以去基督城、威靈頓及皇后鎮等地區玩返幾日！如果你都想去新西蘭自由行，可以參考一下小編早前嘅9日新西蘭自由行行程，特別係鍾意自駕遊嘅話，可以玩轉基督城及凱庫拉等地！即使大假唔多，短短9日都可以體驗到新西蘭精彩嘅活動同景點！
目錄
【新西蘭自由行攻略】9天玩轉基督城及凱庫拉行程推介！
小編今次去新西蘭自由行，主要停留基督城及凱庫拉，以自駕遊方式係新西蘭玩9日。行程將會欣賞新西蘭聞名嘅大自然景觀，坐小型飛機高空觀鯨、玩刺激嘅高空飛索、入住本地牧場Glamping 帳幕及參觀酒莊等！
Day 1：乘坐新西蘭航空由香港直飛奧克蘭
Day 2：轉機前往基督城 -》於機場取車 -》酒店 Check-in-》Riverside Market享用晚餐
Day 3：基督城冒險公園 The Rush 高空飛索-》Tussock Hill Cellar Door Restaurant 享用午餐 -》雅芳河 Waka 划船體驗 -》阿瑪基美食Tour
Day 4：小型飛機 Air Safari 體驗 -》柳岸野生動物保護區 -》 Watch This Space 街頭藝術導賞
Day 5：酒店Check-out -》 駕車前往凱庫拉 -》小型飛機空中觀鯨體驗 -》EcoZip 高空飛索體驗 -》酒店Check-in
Day 6：觀賞海豚 -》享用海鮮BBQ 午餐 -》星空野餐體驗
Day 7：高速噴射快艇體驗 -》Hanmer Springs Spa 體驗-》入住 Tawanui Farm 牧場
Day 8：參觀 Tawanui Farm 牧場 -》Black Estate 享用午餐 -》駕車返回基督城 -》參觀國際南極中心 -》還車 -》飛往奧克蘭 -》酒店 Check-in
Day 9：回程返香港
Day 1 行程：出發前往奧克蘭
今次小編去新西蘭，選擇坐新西蘭航空由香港直飛奧克蘭，機程大約10.5小時。傍晚7點出發，第二日朝早9點到達新西蘭，航班時間非常之好，一覺瞓醒就可以開始旅程！最近新西蘭航空仲有限時優惠，香港直飛奧克蘭經濟客位來回機票連稅低至$6,980 起、基督城/威靈頓等地$6,780 起！
航班時間
- 去程：香港至奧克蘭 NZ80 19:15 – 09:55 +1
- 回程：奧克蘭至香港 N91 10:15 – 17:45
新西蘭航空每日提供1班直航往來香港至奧克蘭，採用787夢想客機執飛，小編為咗想坐得舒服啲，去程選擇坐豪華經濟艙！新西蘭航空更加榮獲 2024年 AirlineRatings.com 全球最佳豪華經濟艙殊榮，當然要體驗一下有幾舒服啦！
▼ 豪華經濟艙採用真皮梳化設計，仲有41吋腿部空間，坐得耐都唔會辛苦啊！
Day 2 行程 轉機前往南島
小編今次主要去基督城及凱庫拉，所以到達奧克蘭之後再坐新西蘭航空嘅內陸航班，前住基督城，機程大約1.5小時左右。到達奧克蘭國際機場後，可乘座機場航廈提供嘅免費接駁巴士，或步行15分鐘就可以到達內陸航班航廈。
▼ 內陸航班航廈外場有新西蘭航空標誌，非常容易搵到！
▼ 奧克蘭機場採用自助check in 系列，整個過程大約10分鐘左右。
▼ 新西蘭航空奧克蘭前往基督城航班採用A330客機執飛，座位同樣非常舒適！
▼ 到達基督城後，就可以到機場內嘅租車公司辦理取車手續。
住宿推介： Drifter Christchurch
Drifter Christchurch 位於基督城市中心地段，鄰近亦有唔少商店及餐廳，非常方便。酒店提供多間客房、共用套房及私人套房選擇，以現代風格設計，舒適之餘仲充滿打卡感！
Drifter Christchurch
- 地址：96 Lichfield Street, Christchurch Central City, Christchurch 8011
- 官網：https://thedrifter.com/christchurch/
晚餐：Riverside Market
位於基督城市中心的 Riverside Market，自開幕以來已成為當地最受歡迎的飲食與社交熱點。市集座落於雅芳河 Avon River 河畔，鄰近著名的 Christchurch Tram 電車線，交通便利，從市中心步行即可到達。市集內集合多間店舖，包括新西蘭及多國料理。而且價錢相宜，想大飽口福，Riverside Market絕對係一個好選擇！
▼ 小編揀咗烤豬腩卷同芝士雞肉餡餅，味道非常惹味，好啱香港人口味！
Riverside Market
Day 3 行程 速度動感體驗
The Rush 高空飛索
唔少人對新西蘭都有一個刻板印象，就係覺得新西蘭只有山山水水，景點都係以風景類為主。其實新西蘭都有唔少刺激嘅戶外活動選擇！位於基督城冒險公園 The Rush 高空飛索，係全球第一個機動飛索，大家可以坐係安全椅上，享受極致嘅速度感同時欣賞基督城週邊美景。如果想輕鬆啲，仲可以選擇「Chill Mode」速度，慢慢欣賞沿途風景。
▼ The Rush 高空飛索
The Rush 高空飛索
午餐：Tussock Hill Cellar Door Restaurant
Tussock Hill 酒莊坐落於基督城外圍 Port Hills 岩坡之上，酒莊擁有自家葡萄園出產多款有機葡萄酒，除咗可以去酒莊品嘗各款美酒之外，仲可以係酒莊內嘅餐廳 Tussock Hill Cellar Door Restaurant，享用以當地新鮮食材精心製作嘅時令美食！
▼ 無論餐廳環境及食物質素都非常出色！
Tussock Hill Cellar Door Restaurant
- 地址：210 Huntsbury Avenue, Cashmere, Christchurch
- 官網：https://tussockhill.co.nz/tussock-hill-cellar-door/
雅芳河 Waka 划船體驗
毛利族文化係新西蘭最重要嘅本地文化，想了解下毛利族傳統，可以報名參加Local Tour，去雅芳河試下坐傳統手划船 Waka，暢遊雅芳河Avon River。完結後仲可以欣賞到毛利族原住民嘅Haka戰舞表演！
雅芳河 Waka 划船體驗
阿瑪基美食Tour
想品嘗基督城地道美食同時了解當地毛利族文化？參加阿瑪基美食Tour 就可以！由導賞員帶你遊走基督城市內，探索自然美景、精緻餐飲體驗、特色步道，一邊細說毛利與多元文化故事！
阿瑪基美食Tour
Day 4 行程 新西蘭美哭了
小型飛機 Air Safari 體驗
新西蘭最出名就係壯觀嘅自然景色，特別係冬天嘅時候可以睇到庫克山冰川絕景。除咗可以由基督城揸車前住蒂卡波湖或庫克山國家公園之外，大家亦可以好似小編咁參加Air Safari 體驗，由基督城機場內嘅Canterbury Aero Club，坐小型飛機由高空欣賞奧拉基庫克山、塔斯曼冰川、蒂卡波湖等著名景觀！成個飛行體驗大約50分鐘，有非常充足嘅時間俾大家慢慢睇！
▼Air Safari
▼ 小型飛機設有特大窗戶，方便大家影靚相
▼ 蒂卡波湖
▼ 連綿嘅冰川山脈，點影都好似畫布咁靚！
小型飛機 Air Safari 體驗
柳岸野生動物保護區
坐完小型飛機後，小編去到距離基督城機場大約10分鐘車程嘅柳岸野生動物保護區 Willowbank Wildlife Reserve，呢到係新西蘭唔少野生動物嘅棲息地，包括國寶級嘅奇異鳥Kiwi、啄羊鸚鵡、秧鳥、卡卡鸚鵡及大蜥蜴等。
▼ 除咗本地野生動物之外，呢到都有唔少外地動物物種。
▼ 柳岸野生動物保護區設有奇異鳥館，可以近距離，唔洗隔住玻璃就可以睇到奇異鳥。
柳岸野生動物保護區
Watch This Space 街頭藝術導賞
如果你漫步基督城的話，你會發現有唔少街頭藝術遍佈於城內。參加導賞團由導賞員帶大家穿梭大小街道，欣賞各種規模嘅壁畫及塗鴉藝術，並深入了解每件作品背後嘅藝術家和靈感，更可以親手創作屬於自己嘅塗鴉作品！
▼ Watch This Space 街頭藝術導賞
Watch This Space 街頭藝術導賞
Day 5 行程
駕車前往凱庫拉
於酒店Check-out 後，開始前住今次旅程另一個重點城市 – 凱庫拉 Kaikōura，車程大約2.5小時。
小型飛機空中觀鯨體驗
今次新西蘭之旅另一個重點，就係坐小型飛機觀鯨！新西蘭觀光公司 Wings Over Whales提供小型飛機服務，帶你由高空捕捉野生鯨魚蹤跡！整個體驗大約45分鐘，最重要係相比坐船出海，可以大大減低對鯨魚同其他海洋生物嘅干擾！仲可以係飛行途中欣賞埋凱庫拉山脈同冰川靚景！
▼ 小型飛機可容納最多7位乘客，為咗方便大家影相，觀光公司採用高機翼設計嘅機型，同時配備特大窗戶！
▼ 凱庫拉係世上少數地方，可以一年四季都見到抹香鯨，所以飛行途中好容易就會見到佢地嘅蹤影！
▼小編好好彩，可以坐係副駕駛座，全機最好嘅位置，飽覽美景。
Wings Over Whales
EcoZip 高空飛索體驗
完成高空觀鯨無幾耐，小編又再決定要再「離地」多一次！EcoZip 高空飛索體驗，成個體驗大約3.5小時。先會由工作人員講解安全及裝備等注意事項，然後就會坐越野四驅車，穿越卡胡塔拉河抵達拉卡努伊站，開始玩高空飛索！一共有5條路線，總長達到2.2公里，沿途可以欣賞壯麗嘅海景同山景！
▼ 開始玩之前一定要留心聽工作人員嘅講解。
▼ 然後就坐越野四驅車出發去玩高空飛索！
EcoZip 高空飛索體驗
住宿推介：Sudima Kaikōura
今次旅程會停留係凱庫拉三晚，其中兩晚會入住 Sudima Kaikōura。酒店位於海岸線，客房除咗夠闊落同舒服之外，大部分房型一打開窗就可以望到廣闊嘅海景，朝早更加可以欣賞日出！位置離鎮中心大約10分鐘步程，非常方便！
▼ Sudima Kaikōura
▼ 酒店內餐廳Hiku，食物質素非常高，大家如果唔想行去鎮中心食飯，可以去試下佢地嘅海鮮！
Sudima Kaikōura
Day 6行程 放題式觀星
觀賞海豚
凱庫拉除咗係出名嘅「賞鯨之都」小鎮之外，更因為位於寒暖流交匯處，成為唔少海洋生物嘅棲息地，每年都吸引唔少旅客前來觀賞海豚及海豹等生物。觀光公司 Dolphin Encounter 更提供與海豚共游體驗，大家可以坐船出海，零距離同海豚一齊游水！就算唔識游水，都可以係船上面睇下海豚暢泳同玩水！
Dolphin Encounter
享用海鮮BBQ 午餐
擁有豐富海洋資源嘅凱庫拉，當然要試下新鮮捕獲嘅各種海產，例如龍蝦、青口同帶子等！Kaikōura Seafood BBQ 位於海岸線附近，提供各種燒烤海鮮，可以一邊享受豐富海鮮，一邊欣賞無敵海景！
Kaikōura Seafood BBQ
- 地址：55 Fyffe Quay, Kaikōura
- 官網：https://www.kaikoura.co.nz/listing/kaikoura-seafood-bbq
星空野餐體驗
新西蘭光害污染極低，夜晚好容易就睇到璀璨星空，不過要搵最觀星秘境同影到星河呃like相，就需要專業人士帶路！小編就報名參加觀星 Local Tour，由專業攝影師帶領之下，去到凱庫拉嘅最靚嘅觀星點，一邊享用毛利美食，一邊欣賞漫天星空。攝影師仲會教大家點樣用相機影最呃like嘅銀河相！
Night Sky Experiences & Stargrazing
Day 7 行程
高速噴射快艇體驗
漢默溫泉 Hanmer Springs 位於凱庫拉西面，係著名嘅「溫泉鄉」，亦係當地人週末度假勝地。係浸溫泉之前，想好好地玩下，可以好似小編咁去玩噴射快艇！由專業司機駕駛雙引擎噴射快艇，用最刺激嘅方法穿越壯觀嘅懷奧河峽谷Waiau River。
高速噴射快艇體驗
Hanmer Springs Spa 體驗
漢默溫泉 Hanmer Springs 係一個以天然地熱溫泉聞名嘅旅遊景點，玩咗咁多日想好好放鬆下嘅話，一定要去浸下溫泉！Hanmer Springs Thermal Pools and Spa 擁有超過22 個溫泉池，包括岩石池、硫磺池、噴泉及氣泡池，可以係溫泉池放鬆身心同時，一邊欣賞南阿爾卑斯山 Southern Alps嘅壯麗景色。除咗溫泉之外，仲有可以選擇去做Spa，享受不同種類嘅按摩療程！
▼ 預約SPA 療程，仲可以享受私人溫泉！
Hanmer Springs Thermal Pools and Spa
住宿推介：Tawanui Farm 牧場
想親近下大自然嘅話，小編高度推介大家入住Tawanui Farm 牧場，呢到有兩種房型選擇，包圓頂型帳幕同A字型木屋。今次小編就選擇入住圓頂型帳幕，因為可以望住迷人星空瞓覺！小屋旁邊仲有一個露天Hot Tub，可以一邊浸住熱水浴，一邊睇住日落夜景！
Tawanui Farm 牧場
Day 8 行程
參觀 Tawanui Farm 牧場
享受完一晚完美嘅住宿，瞓醒之後可以跟住牧場主人參觀一下佢地嘅農莊。睇下農莊內啲動物，包括羊駝、綿羊同牛等。了解一下牧場主人日常工作，同埋餵下動物。
Tawanui Farm 牧場
Black Estate Wines 享用午餐
Black Estate Wines 係新西蘭非常出名嘅酒莊之一，擁有三個山坡嘅葡萄園，致力於釀造自然風味嘅葡萄酒。大家可以去到酒莊內嘅餐廳享用頂級佳釀及採用當地有機食材烹製嘅菜單。餐廳更獲得新西蘭版米芝蓮 Cuisine Good Food Guide 嘅二帽評級殊榮，質素相當有保證！
▼ 餐廳以全黑外牆設計，隱藏於葡萄園之中，非常有風格。
▼ 餐廳菜式
Black Estate Wines
參觀國際南極中心
基督城係全球五個通往南極門戶之一，唔少探險隊從呢到出發前往南極。國際南極中心因此設立，旨在讓遊客了解南極生態、歷史及科學研究嘅重要性。中心提供多種互動式體驗，例如近距離餵飼小藍企鵝、模擬南極風暴體驗及極地越野車體驗。
▼ 國際南極中心
▼ 國際南極中心內有數隻小藍企鵝。
▼ 極地越野車體驗
▼模擬南極風暴體驗
國際南極中心
參觀完國際南極中心，就啟程前往機場，乘坐內陸機返回奧克蘭，第二日就回程返香港。
Day 9 行程 再見新西蘭
回程返香港
今次去程就選擇咗坐新西蘭航空嘅豪華經濟艙，回程當然要試埋新西蘭航空嘅獨家專利Skycouch！由三個位組合而成，可以平躺休息，就算坐經濟艙都可以有呢個享受！最重要係唔需要用3張機票嘅價錢，就可以享受到，就算機程幾耐都好，完全唔會覺得辛苦啊！新西蘭自由行攻略｜新西蘭旅遊｜新西蘭航空｜近年有唔少人會選擇去新西蘭旅行，除咗可以由香港直飛去奧克蘭之外，透過內陸機更可以去基督城、威靈頓及皇后鎮等地區玩返幾日！如果你都想去新西蘭自由行，可以參考一下小編早前嘅9日新西蘭自由行行程，特別係鍾意自駕遊嘅話，可以玩轉基督城及凱庫拉等地！即使大假唔多，短短9日都可以體驗到新西蘭精彩嘅活動同景點！
▼ 每一個經濟艙，只有部份座位先可以享受到Skycouch ，全部都需要預先預訂。
▼ 需要平躺休息嘅時候，可以通知空中服務員，佢地就會幫你舖上床墊同枕頭，咁就可以舒舒服服瞓到落機！
