國泰 Asia Miles｜亞洲萬里通｜Asia Miles Award Chart｜國泰亞洲萬里通Asia Miles 繼23年10月調整亞洲萬里通飛行獎勵換算表 (Award Chart)後，宣布於4月15日後再次調整！以兌換台北及曼谷經濟艙為例，兩條航線分別減500里及1,000里。但大家最鍾意嘅日本，經濟艙就加咗500里。長途線商務艙方面，倫敦及美加就最高加5,000里。小編亦更新了最新飛行獎勵換算表俾大家參考！之後唔知會唔會再推出里賞航班氹下大家呢？
【國泰Asia Miles改制】最新飛行獎勵換算表！台北減500里、曼谷減1,000里！日本加500里！
國泰由4月15日起，再次調整亞洲萬里通飛行獎勵換算表 (Award Chart)後，多個長短航線及艙等都有加/減！以兌換台北、馬尼拉、杭州為例，經濟艙減咗500里。曼谷，上海及新加坡就減咗1,000里。但係大家最鍾意嘅大阪、東京同峇里，經濟艙就加咗500里。長途線商務艙方面，倫敦、美國西岸及溫哥華就加咗4,000里，美國東岸及多倫多就加咗5,000里。
國泰Asia Miles飛行獎勵換算表 (2025年4月15日最新更新)
| 航點 | 客艙級別 | 所需之里數（單程） 至4月14日23時59分 |
所需之里數（單程） 由4月15日00時00分起 |
| 台北/高雄/河內/馬尼拉/廈門/廣州/南京 | 經濟客艙 | 7,500里 | 7,000里 (減500里) |
| 胡志明市/清邁/曼谷/布吉/杭州/成都/金邊/宿霧/暹粒/北京/吉隆坡/首爾/上海/新加坡 | 經濟客艙 | 10,000里 | 9,000里 (減1,000里) |
| 雅加達/孟買/東京/大阪/名古屋/福岡/札幌/登巴薩/德里/加德滿都/泗水/雅加達 | 經濟客艙 | 12,500里 | 13,000里 (加500里) |
| 巴塞羅那/巴黎/布魯寒爾/米蘭/法蘭克福/姆斯特丹/約翰內斯堡/倫敦/哥本哈根/馬德里/基督城/曼徹斯特/都柏林開普敦/奧克蘭/羅馬/蘇黎世/溫哥華/三藩市/洛杉磯 | 商務客艙 | 84,000里 | 88,000里 (加4,000里) |
| 波士頓/芝加哥/紐約/多倫多 | 商務客艙 | 110,000里 | 115,000里 (加5,000里) |
國泰亞洲萬里通飛行獎勵換算表改制 (即日起至4月14日23:59）
大家最關心嘅國泰亞洲萬里通飛行獎勵換算表改制詳情！經過疫情三年後，航空業遇上嘅困難可以講係非常艱難。大家都有心理準備改制一定有增加里數要求，不過細心一望，部份航線同艙位都有加，同時有部分超長途航線嘅經濟客位逆市下調！睇返資料，其實5年前去日本來回都係要成30,000里，只係之前減到來回20,000里，所以而家加返呢個價，都尚算合理。不過大家唔洗太擔心，因為新制將會由10月1日起生效，仲有大約兩個月時間可以用舊制計算方法以哩數兌換機票！
國泰Asia Miles 新兌換表｜超短途/短途改動
暫時超短途所有艙等都無加，而短途 (類別1) 經濟艙維持不變，其他艙等都有加；大家最常換嘅短途 (類別2)，單經濟艙就加咗少少至12,500里，其他艙等都有加！日本線雖然加咗少少，但係唔知大家仲記唔記得上一次改制之前，日本單程係要15,000里，今次嘅加幅唔算好大！
| 飛行距離區域 | 航點 | 單程里數 |
| 超短途 1-750哩數 | 台北/高雄/河內/馬尼拉/廈門/廣州 | (所有艙等所需里數維持不變) 經濟艙7,500里 特選經濟艙11,000里 商務艙16,000里 |
| 短途 751-2,750哩數 (類別1) |
首爾/曼谷/清邁/布吉/新加坡/吉隆坡/胡志明市/金邊/宿霧/暹粒/杭州/南京/成都/北京/上海 | 經濟艙10,000里 (維持不變) 特選經濟艙20,000里 (+2,000里) 商務艙28,000里 (+3,000里) 頭等艙43,000里 (+3,000里) |
| 短途 751-2,750哩數 (類別2) |
東京/大阪/名古屋/福岡/札幌/雅加達/孟買/登巴薩/泗水/雅加達/德里/加德滿都 | 經濟艙12,500里 (+2,500里) 特選經濟艙23,000里 (+5,000里) 商務艙32,000里 (+7,000里) 頭等艙50,000里 (+10,000里) |
國泰Asia Miles 新兌換表｜中途/長途/超長途改動
雖然短途經濟艙有輕微升幅，不過中途/長途/超長途嘅經濟艙就逆市向下！如果大家想同另一半去遠少少地方玩下，或都爸爸媽媽去探係海外讀書嘅仔女就真係抵好多！新表之下，以悉尼為例，乘坐經濟艙宜家來回40,000里，減咗4,000里；飛倫敦來回需要54,000里，減咗6,000里；但係飛特選經濟、商務同頭等都有啲升幅。
| 飛行距離區域 | 航點 | 單程里數 |
| 中途 2,751-5,000哩數 | 馬爾代夫/悉尼/墨爾本/珀斯/阿德萊德/布里班/開恩茲/杜拜/特拉維夫/巴林 | 經濟艙20,000里 (-2,000里) 特選經濟艙38,000里 (+8,000里) 商務艙58,000里 (+13,000里) 頭等艙90,000里 (+10,000里) |
| 長途 5,000-7,500哩數 (不包括美國西岸及加拿大) |
倫敦/曼徹斯特/巴塞羅那/馬德里/巴黎/布魯塞爾/米蘭/羅馬/法蘭克福/阿姆斯特丹/哥本哈根/都柏林/奧克蘭/基督城/蘇黎世/約翰內斯堡/開普敦 | 經濟艙27,000里 (-3,000里) 特選經濟艙50,000里 (+10,000里) 商務艙84,000里 (+19,000里) 頭等艙125,000里 (+25,000里) |
| 長途 5,000-7,500哩數 (美國西岸及加拿大) |
三藩市/洛杉磯/溫哥華 | 經濟艙27,000里 (-3,000里) 特選經濟艙50,000里 (+5,000里) 商務艙84,000里 (+14,000里) 頭等艙125,000里 (+15,000里) |
| 超長途 7,500+哩數 |
波士頓/芝加哥/紐約/多倫多 | 經濟艙38,000里 (-4,000里) 特選經濟艙75,000里 (+15,000里) 商務艙110,000里 (+25,000里) 頭等艙160,000里 (+35,000里) |
國泰Asia Miles改制｜Oneworld 飛無得中停香港多過一次
國泰於官網內更新「寰宇一家」聯盟成員獎勵機票 Oneworld Multi-Carrier Award嘅條款，列明以後唔可以再一個城市只允許中停或open Jaw 一次，以往Asia Miles 其中一個大優勢，就係可以換一套長途飛，中間中停或轉機香港多次，變相用最抵嘅里數換多幾套飛！對有玩開oneworld 飛嘅朋友，今次改動算係一個壞消息！
▼ 國泰網站己更新條款
總結
今次嘅改制唔係一味只升無減，而且改制唔係即時生效，大家仲有兩個月時間去以舊制兌換機票。宜家咁多銀行信月卡有咁迎新同推廣優惠，儲里數相比起以前容易咗，就連食飯book位都儲到里數！國泰之前就表示今年將可以里數兌換嘅機位增至2019年嘅一倍，更加揚言2024年年底會恢復至疫情前嘅客運力水平！希望嚟緊再放多啲位，令大家更加容易用里數兌換機票啦！