壽司郎粉絲注意，最後召集啦！壽司郎春季期間限定「春祭」餐單即將喺4月初完結，仲未試嘅朋友要把握最後機會！今次春季 Menu 充滿驚喜，主打多款時令鮮美食材，包括期間限定嘅櫻鯛、性價比極高嘅 $48 生三文魚4種盛合。不過講到全網最 Hit，一定係可以自己 DIY 嘅「親手包雪糕大福」，北海道芝士雪糕配上宇治抹茶醬同甘甜蜜柑，好玩又好食！
目錄
2026 壽司郎限定「春祭」最後召集
壽司郎（Sushiro）今個春天帶你由味覺開始細味春色！全新期間限定「春祭」集齊多款春季鮮美食材，將「可以放進口中的春天」呈獻畀大家。限定餐單去到4月初就會完結，想試嘅朋友真係要捉緊時間！
Threads 爆紅打卡甜品：親手包雪糕大福
今次春祭最矚目嘅重頭戲，絕對係呢款喺 Threads 討論度極高、充滿互動性嘅甜品！自推出起唔少網民都喺 Threads 分享自己「大福包雪糕」嘅打卡片。只需$27就可以親手組合屬於你嘅幸福滋味：
- 頂級食材： 雪糕特別選用北海道產馬斯卡彭芝士 (Mascarpone)，帶嚟極致濃郁滑順嘅奶香
- 豐富配料： 搭配日本產宇治抹茶醬、甘甜蜜柑及香甜紅豆蓉
- 好玩 DIY 體驗： 將所有餡料放上煙韌嘅大福皮，親手輕輕一裹，好食之餘，仲非常適合拍片分享！
春祭時令海鮮必食推介
除咗甜品，今期嘅壽司同樣充滿春日氣息，特別推薦正值產卵期、滋味最濃郁嘅櫻鯛！
| 壽司款式 | 價錢 | 必食賣點 |
| 生三文魚4種盛合 | $48 | 性價比之冠！一碟齊集主廚 4 種巧思，配搭牛油果、檸檬等，由清爽到濃郁一次過滿足。 |
| 櫻鯛 | $22 | 染上櫻色，鯛魚肉質清爽，入口如沐春風，帶有微甜鮮味及獨特香氣。 |
| 醬油漬櫻鯛配櫻漬菜 | $22 | 以醬油醃漬令春季櫻鯛滋味更濃郁，加上爽脆櫻漬菜點綴，口感豐富。 |
| 天然赤須海老海苔包 | $10 | 彈牙鮮嫩嘅赤須海老，咬開充滿水嫩鮮味，配搭脆口海苔，平靚正之選！ |
同場加映：惹味和風熟食
今次春祭都有極具居酒屋風味嘅熟食選擇：
- 八爪魚天婦羅串（$22）： 店內現炸！香脆外皮包住彈牙八爪魚，配啤酒一流！
- 咖喱蜆肉烏冬（$34）： 惹味之選！採用「辛口」香料風味咖喱，搭配清甜蜆肉，咖哩撈烏冬極度開胃！
壽司郎訂位方法
想快啲食到最新嘅期間限定美食？大家可以用「香港壽司郎」手機APP進行預約，只需簡單3步日中可提早訂位，享受更便捷用餐體驗！
【壽司郎官方APP】下載連結：