講起去日本賞花，可能你第一時間會諗起櫻花，其實日本仲有好多靚花！就好似國營常陸海濱公園嘅粉蝶花丘，每年4月中旬到5月上旬花季期間，都吸引唔少人專程去賞花。今次小編就為大家整理賞粉蝶花攻略，包括前往國營常陸海濱公園交通方法、門票價錢、本地一日遊旅行團，鍾意睇花嘅你一定唔可以錯過！日本由5月8日起取消疫苗證明，但係記住仲要填Visit Japan Web啊！
國營常陸海濱公園 (又稱日立海濱公園) 位於日本茨城縣，以粉蝶花 (ネモフィラ) 聞名而吸引好多當地人、遊客到訪。粉蝶花丘花季為每年4月中旬到5月上旬，滿開日大約喺日本黃金週嘅4月30日至5月5日期間。不過眾所周知日本喺黃金週期間會有幾墟冚，如果唔想同人逼嘅話，其實4月上旬已經開始開花，4月中嘅時候已經開到7成，大家可以趁呢啲時間去。官方Twitter會update最新嘅開花情況，可以留意住。
國營常陸海濱公園成人 (15歲以上) 門票450日圓，博愛票 (65歲以上) 門票210日圓，15歲以下免費入園。
▼2023年4月10日花況
▼過去滿開景象
國營常陸海濱公園面積200公頃，成個公園範圍好大，不過多數人都係專程為粉蝶花而來，粉蝶花位於公園嘅見晴之丘「みはらしの丘」。
▼國營常陸海濱公園地圖
交通方法
想前往國營常陸海濱公園，可以喺「JR上野站」乘搭JR常磐線特快列車【ひたち・ときわ】，於「JR勝田站」落車，車程約75分鐘。於JR勝田站東口嘅「2號乘車處」轉搭「茨城交通バス」巴士 (按此查詢巴士時刻表)，乘搭至「海浜公園西口」落車，車程約20分鐘，落車就會見到海濱公園西口入口。
▼交通方法
大家可以使用JR東京廣域周遊券 (JR TOKYO WIDE PASS) 乘搭以上JR路段。JR東京廣域周遊券亦覆蓋其他熱門景點，如輕井澤、日光、伊豆、越後湯澤，如果大家打算去埋呢啲地方，入手JR東京廣域周遊券係一個好選擇，如果淨係去國營常陸海濱公園一個地方就唔抵買啦。
▼JR東京廣域周遊券
相關優惠：【全新日本酒店】東京新酒店推介！反斗奇兵新主題酒店！澀谷型格新酒店！
本地一日遊
如果嫌自己搭車轉車太麻煩，可以考慮參加本地一日遊。好處係可以喺東京市區上車，直達國營常陸海濱公園。另外，唔少一日遊行程會將國營常陸海濱公園、以紫藤花隧道聞名嘅足利花卉公園放埋一齊，一日可以去晒兩個公園賞花，夠晒方便！
▼足利花卉公園
國營常陸海濱公園
-
- 地址：茨城縣日立那珂市大字馬渡大沼605-4 (地圖)
- 電話：+81 029-265-9001
- 國營常陸海濱公園官方網站
▼開放時間及休園日
喺大阪都想賞花？唔緊要！大阪呢個牧場除咗有花睇，仲有得滑草同玩各種遊樂設施！竟然仲有童年回憶、森林家族嘅主題樂園添！
▼唔只係牧場仲係…？🤔大阪超美油菜花田🌼難波出發唔洗一個鐘！Harvest Hill🌷| 超人氣水豚、全日本最大級滑草場、森林家族主題公園
雖然築地嘅場內市場已經搬遷，但場外市場一樣係想食好嘢時嘅好去處😋 除咗一定要食嘅魚生、海鮮丼之外🍣，而家日本妹竟然興去築地食意粉？😂今次就有日本菇菇菇 @JAPANGoGoGo3 同大家去行曬成個築地嘅場外市場，仲精選咗2023年20間必食美食！下次去唔洗怕唔知食邊間～🤩
▼日本妹興去築地食〇〇?! 2023年築地現況🍣2023年20間築地美食 feat.日本菇菇菇
東京羽田機場旁邊嘅「羽田機場花園」(Haneda Airport Garden)終於喺2023年1月31日開幕！今次有 日本菇菇菇@JAPANGoGoGo3 嘅熱菇同朱菇拉帶路，睇下呢度有咩設施！呢度除咗有食店同商店，仲有2間高級酒店、天然溫泉、仲有直通日本各地嘅巴士總站，啱晒上機前最後血拼！
▼飛東京羽田機場必睇✈️直擊羽田機場花園開幕日🎉｜一次過買手信、食名店、浸溫泉♨️｜直通巴士可以去邊？🚌