準備去澳洲旅行嘅朋友注意啦！香港航空為慶祝悉尼線開辦一週年推出限時優惠！由即日起至7月5日用優惠碼【HKASYD1】，於官網預訂悉尼經濟艙單程/來回機票，可享88折！出發日期由即日起至12月13日，想去澳洲避暑或者提早感受南半球初夏氣息都啱啊！除咗悉尼之外，其實佢所在嘅新南威爾士州仲有好多大自然同隱世打卡秘境等住你發掘。記得睇埋小編嘅必去景點推介啦！
【香港航空優惠】香港航空悉尼航線一週年優惠，指定優惠碼預訂悉尼經濟艙單程或來回機票可享88折！
香港航空為慶祝悉尼線開辦一週年，推出限時機票優惠，即日起至7月5日用優惠碼【HKASYD1】，於官網預訂悉尼經濟艙單程/來回回機票，可享88折！
【優惠日期】即日起至2026年7月5日
【出發日期】即日起至2026年12月13日
【適用艙等】經濟艙 (只限指定訂位艙等：T / V / W / O)
▼ 經我們測試，於香港航空官網用優惠碼【HKASYD1】預訂，即享88折！8月16日至24日出以，折後來回悉尼連稅$4,957 起！
玩轉新南威爾士州 (New South Wales) 必去景點推介
買完機票，當然要度埋行程！新南威爾士州 New South Wales 絕對唔止得首府悉尼，周邊地區嘅海岸線、酒莊同大自然景觀同樣世界級！以下為大家精選5大必去地區：
悉尼 Sydney
每年10月中旬至11月中旬，悉尼 Sydney 就會被一片夢幻的紫色花海包圍，呢種花就係澳洲出晒名嘅藍花楹 Jacaranda 啦！漫天飛舞嘅紫色花瓣俾當地人叫做「Purple Rain」，絕對係悉尼一年入面最浪漫、最啱打卡嘅時候。北基里比利嘅McDougall Street，係藍花楹盛開嘅時候，會變咗一條超壯觀嘅紫色隧道，非常值得去打卡！
史蒂芬斯港 Port Stephens
如果鍾意大自然同戶外活動，史蒂芬斯港 Port Stephens 絕對會令你玩到唔想走。呢度除咗有 26 個超靚沙灘之外，旅客仲可以在同沙虎鯊一齊進行水肺潛水、甚至有機會同野生海豚一齊游水或在浮潛！
獵人谷 Hunter Valley
鍾意飲葡萄酒嘅話，澳洲最古老嘅葡萄酒產區 – 獵人谷 Hunter Valley 就最啱你！呢度有超過 150 間酒莊，當中以頂級嘅賽美蓉（Semillon）白酒同設拉子（Shiraz）紅酒最出名。無論係國際知名嘅大型酒莊，定係家族經營嘅隱世手工酒坊，都可以滿足到你！
拜倫灣 Byron Bay
位於新南威爾士州最北端嘅拜倫灣 Byron Bay，當中標誌性拜倫角燈塔亦係澳洲本土嘅最東點！係呢個仲可以欣賞整個海岸線上壯觀嘅海洋同內陸風光，仲有機會見到海豚同座頭鯨！
南部高地 Southern Highlands
南部高地 Southern Highlands 有唔少充滿歐陸風情嘅歷史小鎮，就好似Bowral 同 Moss Vale。鎮內周圍都係維多利亞時期嘅古典建築，精緻嘅英式花園，仲有好多古董店同手工藝品鋪頭，鍾意復古嘅你一定唔可以錯過！
