國泰航空即將於明年1月9日起開辦全新中亞航線直飛哈薩克阿拉木圖，提供每星期3班直飛航班！由即日起至2026年11月30日經國泰官網預訂，直航來回優惠票價連稅$4,089 起！連單程機票都有優惠，可以順便玩埋其他中亞國家！哈薩克係國泰首條中亞航線，絕對係準備探索中亞壯麗自然風光同獨特絲路文化嘅抵玩之選！
【國泰航空優惠】直航阿拉木圖來回連稅$4,089 起！解鎖中亞神秘面紗！
國泰於明年1月9日起開辦全新中亞航線直飛哈薩克阿拉木圖，提供每星期3班直飛航班！官網已經開賣，直航來回優惠票價連稅$4,089 起！單程票價都一樣有優惠，啱晒玩埋週邊中亞國家！哈薩克係國泰首條中亞航線，亦是絲綢之路上的重要驛站。
阿拉木圖航班時間：
- 香港-阿拉木圖 CX681 16:25-20:30 (二、四、六)
- 阿拉木圖-香港 CX680 21:50-07:00+1 (二、四、六)
【優惠日期】即日起至11月30日
【旅遊日期】2027年1月9日至2月4日、2月10日至3月24日、3月30日至4月29日、5月2日至7月14日、8月22日至11月30日
立即預訂
▼經我們測試，預訂國泰航空香港來回哈薩克阿拉木圖連稅$4,089 起！
阿拉木圖景點推介
隨著國泰開辦直航，去中亞旅行變得更加方便！作為哈薩克最大城市，阿拉木圖背倚壯麗嘅外伊犁阿拉套山脈，不僅係探索這片遼闊國度與中亞地區嘅最佳門戶，更係一座極具底蘊嘅絲路重鎮。以下就為大家精選幾個去阿拉木圖絕不能錯過嘅精彩景點！
闊克托別山 Kok Tobe｜搭乘纜車登頂！360度俯瞰雪山城景
搭乘高空纜車直達海拔1,100米嘅山頂，沿途可盡情飽覽阿拉木圖市區全景。山頂設有大型遊樂園、特色餐廳及著名的披頭四 The Beatles 銅像，傍晚時分更係欣賞夕陽落日與萬家燈火夜景嘅絕佳勝地！
查林大峽谷 Charyn Canyon｜震撼的地質奇蹟「中亞版大峽谷」
距離市區約3至4小時車程，經數百萬年風化侵蝕形成的紅褐色巨型峽谷。當中最著名的城堡山谷Valley of Castles 奇石林立，宛如天然要塞，無論係徒步定係乘搭越野車穿梭，都能輕鬆拍出張力十足的相片及影片！
凱恩迪湖 Kaindy Lake｜夢幻空靈的「水上森林」
因1911年地震淹沒樹林而形成的奇特高山湖泊，湖中屹立不倒的雲杉枯木形成絕無僅有的水上森林奇景。受惠於冰川水與礦物質，湖水呈現出Tiffany藍與翡翠綠交織的魔幻色彩，宛如置身仙境。
升天主教座堂 Ascension Cathedral｜無釘建築奇蹟！童話風格木造教堂
位於市中心潘菲洛夫公園內，係全球極為罕見、完全無使用任何一根釘子組裝而成的純木造東正教堂。繽紛如糖果般的色彩搭配金黃色圓頂，曾喺1911年大地震中奇蹟屹立不倒，絕對係必到嘅打卡地標。
阿拉木圖大湖 Big Almaty Lake｜雪山環抱的「城市明珠」
距離市中心僅約1小時車程，被雄偉雪山與針葉林緊緊環抱。湖水顏色會隨季節同光線喺碧綠與乳藍色之間魔幻變幻，靜看雪山倒影，即可遠離都市喧囂，徹底放鬆身心！
瓊布拉克高山滑雪場 Shymbulak Mountain Resort｜中亞標誌性滑雪勝地
瓊布拉克高山滑雪場是哈薩克斯最著名、歷史最悠久的高山滑雪度假勝地，位於阿拉木圖市郊的外伊犁阿拉套山脈（Trans-Ili Alatau）麥迪奧河谷中。 雪場以優良的粉雪質量、國際認證的專業賽道以及宏偉的天山雪峰景緻聞名！
阿拉木圖藝術博物館 Almaty Museum of Arts｜中亞頂級現代藝術殿堂
博物館於2025年9月開幕，係中亞首座達到國際頂級標準嘅現代藝術博物館！由知名建築事務所 Chapman Taylor 傾力打造，總面積約10,060平方米。館內集結中亞新銳與大師級作品，展示超過700件藝術珍藏，完美呈現在地歷史與當代藝術嘅交融，係藝術愛好者與文青到訪阿拉木圖必到嘅第一站！
玩轉中亞最佳起步城市
哈薩克鄰近有唔少中亞國家都好值得去！如果鐘意欣賞歷史古城同偉宏嘅寺廟，可以去烏茲別克！想體驗遊牧生活同鍾意行山，吉爾吉斯亦係不容錯過嘅選擇！經阿拉木圖前往烏茲別克同吉爾吉斯，可以坐火車或者坐飛機前往，非常之方便一個trip 玩多地！
▼烏茲別克撒馬爾罕雷吉斯坦廣場，由三棟獨特伊斯蘭建築形式的伊斯蘭學校所構成，非常壯觀同宏偉！
▼ 吉爾吉斯頌湖 (Song-Kul) 位於海拔3,016米嘅高山草原，唔少人都會係6至9月去入住傳統蒙古包 (Yurt)、睇星空同騎馬。
