沙田萬怡酒店Courtyard by Marriott Hong Kong Sha Tin一直係刷房聖地，變返正常酒店之後第一次到訪。鈦金會員入住，升級至Corner Room，面積同景觀都恰到好處。
正常情況，白金或以上會員入住，會包行政酒廊 (早餐同Happy Hour)。而重點來了，因為行政酒廊未開，酒店既Happy hour 竟然直接改成自助晚餐！可能酒店岩岩開返，人流唔多。酒店定位中價，但係無將貨就價，有生蠔、長腳蟹、燒乳豬等，唔使排隊唔使同人爭食得特別開心。
【訂購網址】»沙田萬怡酒店官網
【香港沙田萬怡酒店 入住體驗】
小編同朋友都係6月頭即刻去住番晚！而且MoMoCafé重開後仲可以番晚餐buffet添！想知更多體驗同詳情就繼續睇落去啦！
【香港沙田萬怡酒店 交通及周邊】
沙田萬怡酒店位於沙田區，於石門站步行約5分鐘便到，交通方便！酒店亦有免費穿梭巴士接送服務，可前往沙田站新城市廣場及尖沙咀站。
▼沙田萬怡酒店位置
【香港沙田萬怡酒店客房】
沙田萬怡酒店設有524間客房，部分房型可飽覧城門河畔景色。不過今次優惠入住豪華客房，主要望到城市景，另一邊房間先望到城門河景。
▼沙田萬怡酒店 豪華客房約有290尺，房間中等大細。另外小編覺得床架同床褥頗高，但整體尚算舒適。
▼廁所採取半透光設計，加上多塊鏡子，空間感十足。
▼備品使用萬怡特色品牌 Nirvae Botanicals系列產品，每種都有不同味道，如柚子+薄荷沐浴露、佛手柑+茶樹洗髮精、潤髮乳及橙+檀香身體乳液。
【香港沙田萬怡酒店 設施 – LEVELthirty觀景酒廊】
LEVELthirty觀景酒廊位於酒店30樓、正面可觀望到馬場及城門河景色，大家可於晚餐前後來小酌一杯。
▼手工調制的雞尾酒
【香港沙田萬怡酒店 設施 – 泳池】
沙田萬怡酒店位於3樓的室外游泳池現已重新開放，長型設計，可以早上來享受日光浴。但小童池，柔拿房及蒸汽房仍然暫停開放。
【香港沙田萬怡酒店 設施 – 健身室】
沙田萬怡酒店健身室相比其他酒店較大，而且有齊有氧運動設備及自由重量器械，於每日早上6時半至晚上10時開放。
【香港沙田萬怡酒店 餐飲 – MoMo Cafe】
沙田萬怡酒店提供國際自選菜色同自助餐的MoMo Café位於酒店2樓，平日成人正價一位$580，小童$320。今次套票就包2位成人自助晚餐，6月自助晚餐仲換上全新伊比利亞黑毛豬主題。
▼每位仲送頂級伊比利亞黑毛豬火腿同白毛豬火腿各一客，仲有日本室津刺生級生蠔2隻！
▼自助餐更提供其他優質任食冰鎮海鮮如波士頓龍蝦、鱈場蟹腳、藍青口、熟蝦、蜆及黃金螺等，三文魚、鯛魚、希靈魚、醋青魚及八爪魚等新鮮刺身。
▼當日7點仲有西班牙乳豬，即場分俾客人。
▼熟食都有黑毛豬菜式，當中蜜汁叉燒嚴選伊比利亞黑毛豬烤製，油潤甘香、鬆軟腍滑，令廣式明爐燒烤傳統風味昇華至另一層次。
▼甜品方面除了有精選西式切餅、本地中式甜點外、仲有6款Mövenpick 雪糕任食。
