2021年澳門酒店業可以話百花齊放，將會有10間最新嘅酒店陸續開幕！除咗有充滿英式風情嘅倫敦人及即將開幕嘅Palazzo Versace之外，仲有全球首間LINE FRIENDS等澳门主題酒店，令人十分期待澳門新酒店嘅打卡點。大家可以等到澳門「旅遊氣泡」開關後，安排一下週末到澳門來個小旅行！
相關資料：【旅遊氣泡】澳門旅遊氣泡最新資料！澳特首：需連續14日零確診
目錄
已開幕澳門新酒店：
【澳門倫敦人酒店 The Londoner】
由金沙城中心改建而成嘅澳門倫敦人酒店The Londoner於2月8日首階段開幕，係全套房式酒店！酒店一共提供600間套房，每間都有獨立嘅客廳同睡房，面積最少由75平方米 (約807尺) 起。每間酒店房内都會配備OTO足部按摩機，浴室亦會設置20吋Prima智能電視！所有套房均設有空氣凈化器、迷你酒吧、Nespresso咖啡機、Aromatherapy Associates療癒級沐浴用品！其中最高兩層奢華頂層套房更係與英國前球星碧咸一同設計而成！為咗更加真實地還原倫敦風情，酒店也打造咗多款奢華設施如水晶金殿、國會大廈外牆及樓高96米嘅伊莉莎白塔 (大笨鐘)、紅色電話亭及英國標誌性嘅黑色的士等標誌俾大家打卡！
澳門倫敦人酒店The Londoner
地址：澳門路氹連貫公路 (地圖)
電話：+853 2886 6888
澳門倫敦人酒店官網
▼路易套房
▼路易套房浴室
▼澳門倫敦人酒店
▼伊莉莎白塔 (大笨鐘)
澳門新濠天地【頤居 NÜWA】
新濠天地頤居NÜWA已於3月31日以全新面貌開幕！酒店嘅設計靈感源於上古神話中嘅創世女神女媧，並融合咗古典與奢華時尚嘅元素，展現咗傳統嘅東方美學。頤居也係澳門首間酒店、餐廳及水療等設施均獲得《福布斯旅遊指南》五星評級嘅酒店！酒店設有約300間優雅豪華客房，其中33間更係私人別墅套房。另外，酒店也設有米芝蓮三星殿堂粵菜食府「譽瓏軒」及建基於五色石傳說與五行養生理念嘅「頤居水療中心」，等賓客可以有一個難忘嘅住宿體驗！»優惠詳情
▼頤居水療中心
即將開幕澳門新酒店：
葡京人綜合度假村【LINE FRIENDS澳門主題酒店】
整個葡京人綜合度假村嘅設計概念來自澳門嘅舊時風貌，更參考咗澳門嘅經典建築物，如澳門皇宮娛樂場、新中央酒店等。整個度假村將劃分為「懷舊澳門」及「未來澳門」兩個主題區域，並囊括三個自家酒店品牌，即葡京人酒店、Maison L’OCCITANE Hotel及LINE FRIENDS澳門主題酒店。度假村內也設有高空滑索、室內跳傘、IMAX 影院及MX4D全感觀影院等設施。
其中嘅LINE FRIENDS酒店更係全球首間以LINE FRIENDS作主題嘅酒店，一共設有82間客房。當中有3種客房主題，分別為「LINE FRIENDS 主題房」、「BROWN 主題房」和「CONY主題房」。每間酒店房都有超多LINE FRIENDS嘅元素，猶如親臨LINE FRIENDS角色嘅家中。各位LINE FRIENDS嘅粉絲們開幕後一定要親自去體驗下！
LINE FRIENDS澳門主題酒店
地址：澳門路氹溜冰路葡京人綜合度假村 (地圖)
電話：+853 8882 6888
澳門葡京人官網
葡京人綜合度假村【Maison L’OCCITANE】
葡京人綜合度假村Maison L’OCCITANE係另外一家將於度假村內開幕嘅新酒店，也係全球首間L’OCCITANE精品酒店！酒店一共有164間客房，設計風格為法國南部嘅自然風情。四款客房主題靈感則源自於品牌最具代表性嘅天然植物成分櫻花、乳木果、馬鞭草及蠟菊，俾人一種清新且浪漫嘅感覺。
Maison L’OCCITANE
地址：澳門路氹溜冰路葡京人綜合度假村 (地圖)
電話：+853 8882 6888
澳門葡京人官網
葡京人綜合度假村【葡京人酒店 LISBOETA Hotel】
最後一間將於葡京人綜合度假村開幕嘅新酒店就係以澳門懷舊風為主題嘅葡京人酒店LISBOETA Hotel！酒店一共提供574間客房及套房，整體設計概念源自於舊時嘅澳門。室內裝修風格也多採用60年代舊澳門嘅元素，如澳門舊式商舖嘅鐵閘等等。
葡京人酒店LISBOETA Hotel
地址：澳門路氹葡京人綜合度假村 (地圖)
電話：+853 8882 6888
澳門葡京人官網
澳門上葡京綜合度假村【Palazzo Versace Macau】
澳門上葡京綜合度假村Palazzo Versace Macau嘅室內設計係由世界頂級時裝品牌設計師Donatella Versace親自負責。澳門上葡京綜合度假村比葡京人發展得更早，但因疫情及其他意外等原因而延長開幕！上葡京同樣有3間酒店在内，包括上葡京酒店、澳門Palazzo Versace酒店及Karl Lagerfeld酒店。其中Palazzo Versace酒店樓高20層，共有 270間客房同套房。房間嘅裝修風格及傢俱佈置都透露出一種時尚且高雅嘅感覺。
Palazzo Versace Macau
地址：澳門路氹射擊路澳門上葡京綜合度假村 (地圖)
電話：+853 8881 8888
澳門上葡京綜合渡假村官網
澳門上葡京綜合度假村【The Karl Lagerfeld】
澳門上葡京綜合度假村The Karl Lagerfeld同樣位於度假村之中。酒店由時裝界老佛爺Karl Lagerfeld參與設計，係全球首間所有設計皆出自Karl Lagerfeld手筆嘅酒店。酒店大堂除咗有經典嘅黑、白、金色系之外，仲有巨大嘅老佛爺側面剪影同佢嘅愛貓Choupette嘅藝術塑像！
The Karl Lagerfeld
地址：澳門路氹射擊路澳門上葡京綜合度假村 (地圖)
電話：+853 8881 8888
澳門上葡京綜合渡假村官網
澳門上葡京綜合度假村【澳門上葡京酒店 Grand Lisboa Palace Macau】
最後澳門上葡京酒店Grand Lisboa Palace Macau作為度假村嘅旗艦店，設計以中西文化交融為主題，糅合咗歐洲著名地標嘅建築特色同中國嘅傳統藝術元素。酒店一共設有大約1,400間客房，裝修風格華麗精緻，每個細節都精雕細琢，十分用心！
澳門上葡京酒店Grand Lisboa Palace Macau
地址：澳門路氹射擊路澳門上葡京綜合度假村 (地圖)
電話：+853 8881 8888
澳門上葡京綜合渡假村官網
澳門銀河【萊佛士酒店 Raffles at Galaxy Macau】
澳門銀河萊佛士酒店Raffles at Galaxy Macau將會進駐澳門銀河綜合度假城。萊佛士品牌起源自新加坡，至今已有超過130年歷史。酒店將會以全套房設計，並提供約450間套房，更係全球第一家係每一間客房都安裝咗三星畫框電視同互動裝置嘅酒店。部分套房更設有私家泳池及庭院，少量嘅頂層套房甚至裝有雙層法式落地玻璃窗。客房嘅設計靈感則源自於現代豪華府邸。另外，萊佛士將傳承逾百年嘅品牌傳統，為每一位賓客量身打造奢華嘅住宿體驗。住客可享受品牌標誌性嘅長廊酒吧，並於私家無邊泳池嘅玻璃陽光房內享用美食。奢華水療中心及由日本米芝蓮星級大廚主理嘅特色餐廳也將陸續登場。»優惠詳情
澳門萊佛士酒店Raffles at Galaxy Macau
地址：澳門路氹城澳門銀河綜合度假城 (地圖)
電話：+853 2888 0888
澳門銀河官網
澳門銀河【安達仕酒店 Andaz Macau】
澳門安達仕酒店Andaz Macau將會同樣登陸澳門銀河綜合度假城，並提供超過700間客房及套房。酒店內亦設有安達仕酒廊、室內恒溫泳池、大堂酒吧、健身中心及餐廳等設施，並與銀河國際會議中心及銀河綜藝館直接相連。度假城中亦匯聚咗200多個國際時尚品牌及一系列休閒設施，更有多間米芝蓮星級餐廳可供選擇。賓客也可前往百老匯美食街，享受地道嘅亞洲及澳門美食，仲有零距離嘅街頭娛樂表演，等賓客可以盡享休閒樂趣。»優惠詳情
澳門安達仕酒店Andaz Macau
地址：澳門路氹城澳門銀河綜合度假城 (地圖)
電話：+853 2888 0888
澳門銀河官網
