澳門新濠天地 City of Dreams Macau 作為一個高級娛樂休閒度假勝地，集環球美食、星級酒店、博彩娛樂、品牌購物於一身，多家星級酒店聚集於此為賓客提供各類高級客房及套房，包括澳門君悅酒店、摩珀斯、迎尚酒店同頤居。除此之外，新濠天地更有全球最大型嘅水上匯演「水舞間」、餐飲娛樂專區「SOHO蘇濠」及澳門最大兒童樂園「童夢天地」等精彩娛樂活動等你去體驗！
相關資料：【旅遊氣泡】澳門旅遊氣泡最新資料！澳特首：需連續14日零確診
摩珀斯 Morpheus
由已故著名建築師Zaha Hadid設計嘅摩珀斯Morpheus酒店，係全球首座採用自由形態外骨骼結構嘅摩天大樓。外觀設計不但極具未來感，酒店內嘅風格也係科技感十足，甚至連大廳接待員嘅服飾都同酒店嘅設計風格相呼應。摩珀斯設有772間酒店房，包括客房、套房、空中別墅及複式別墅。除此之外，酒店也有空中泳池、世界名廚開設嘅餐廳及水療中心等超一流配置。»優惠詳情
摩珀斯Morpheus
澳門君悅酒店 Grand Hyatt Macau
澳門君悅酒店Grand Hyatt Macau由兩幢呈波浪形設計嘅主樓組成，分別係嘉賓軒及君悅樓，提供約800間客房，大多數係設有獨立客廳嘅豪華套房，其中嘉賓軒大樓擁有約300間客房及約50間套房。澳門君悅酒店擁有超過9000平方米嘅多用途場地，包括澳門其中一個設備完善嘅會議地點「大宴會廳」以及澳門首個設有開放式廚房嘅「盛會廳」。»優惠詳情
澳門君悅酒店Grand Hyatt Macau
迎尚酒店 The Countdown Hotel
迎尚酒店The Countdown Hotel前身係Hard Rock酒店，也係澳門首座圓柱形建築物。相較於君悅、頤居等五星級酒店，尤其係相較於摩珀斯黎講，迎尚酒店作為新濠天地嘅一家四星級酒店，訂房價格平好多。雖然星級唔到五星，但迎尚酒店嘅配置水準絕對唔低，提供超過三百間客房，從尊尚套房到豪華套房應有盡有，房間嘅設計也都十分寬敞舒適。迎尚酒店目前正在進行翻新工程，敬請期待！»優惠詳情
迎尚酒店The Countdown Hotel
頤居 Nuwa
頤居Nuwa係澳門首座橢圓形建築，設計融合咗傳統美學及當代藝術風格，萃取咗東西方文化精髓。酒店提供約300間豪華客房，其中有33間係私人別墅套房。此外，頤居係澳門首間同時贏得《福布斯旅遊指南》五星評級酒店、食府及水療中心大獎嘅酒店。頤居嘅水療中心更融合咗古今中外嘅養生理念，為賓客打造出別具一格嘅水療體驗。»優惠詳情
頤居Nuwa
到新濠天地度假，最唔可以錯過嘅就係全球最壯觀嘅水上匯演「水舞間」啦！由世界著名靈感創作大師Franco Dragone特別為新濠天地度身製作，節目耗資超過二十億港元並且花費咗五年時間完成。水舞間嘅劇院由著名嘅貝氏建築事務所及Dragone場景設計師Michel Crête先生合力創作而成，可容納2,000名觀眾。「水舞間」糅合咗眾多高難度特技表演，配上絢爛奪目嘅服裝及匠心獨運嘅空間設計，為觀眾帶黎一場絕無僅有嘅視覺盛宴。目前「水舞間」正在進行重塑構思，未來將會以全新面貌登場。
佔地17,000平方尺嘅「童夢天地」係澳門最大嘅兒童樂園，共有四個主題區，分別係星夢、電玩、創意同探索。每個主題都設有新奇嘅小玩意，以激發小朋友無窮嘅想像力，並幫助佢地發展溝通及協調能力。
除咗有精彩紛呈及熱鬧非凡嘅娛樂活動外，新濠天地也有寧靜高雅嘅好去處。新濠天地嘅藝賞天地收藏咗眾多當代名家嘅藝術作品，並嘗試以唔同形式表現出藝術嘅美同深度，當中包括200 LITOFAIRHOUR、FAT CONVERTIBLE、GOOD INTENTIONS等眾多優秀嘅展品。
新濠天地也擁有多間特色水療中心，例如摩珀斯水療及個人護理中心、「頤居」水療中心、怡・水療中心及迎尚水療中心，賓客可以係新濠享受非一般嘅水療體驗，盡情地放鬆身心。
另外，新濠天地也設有多個購物熱點，並匯集咗世界各地嘅頂級名店及奢華產品，如摩珀斯購物廊、DFS旗下T廣場及WF Fashion，務求令賓客可以有一個奢華嘅購物體驗！