自從香港快運HK Express 開辦香川縣高松航線之後，吸引唔少人飛去當地自駕遊。今個冬季如果都有打算去香川縣自駕遊的話，香川縣就為大家準備咗一個優惠！優惠期內，乘搭香港快運香川縣高松航線，並於出發前係指定租車公司網站預約租車，取車時出示護照及機票證明就可獲得1萬日圓扣減優惠！咁抵嘅優惠記得唔好錯過，下個旅程一於去香川縣啦！
【香川縣觀光優惠】乘搭香港快運冬日遊香川，可享1萬日圓租車優惠！
香川縣為鍾意自駕遊嘅大家準備咗一個優專，只要係優惠期內，乘搭香港快運香川縣高松航線，並於出發前係指定租車公司網站預約租車，取車時出示護照及機票證明就可獲得1萬日圓扣減優惠！
【優惠日期】即日起至25年1月24日
優惠兌換詳情
- 事前於租車網站預約租車*。
- 乘搭香港快運高松線。
- 親臨租車店舖，出示護照及是次香港快運的機票。
- 結算時即可享有10,000日圓折扣優惠。
*租車必需出發前預約（需要選擇於現場付款，事前付款將無法享有此優惠）
必需於以上日期內租車
適用租車公司：
- ORIX Rent-A-Car Branch：Takamatsu Airport Rental site
網站：https://car.orix.co.jp/tw/
詳情：只限於官網預約，會員價格及其他優惠可同時使用 - TOYOTA Rent a Car Branch：Takamatsu Airport Shop
網站：https://rent.toyota.co.jp/zh-tw/
詳情：於官網及OTA均可享優惠，會員價格及其他優惠可同時使用 - NISSAN RENT A CAR Branch：Takamatsu Airport
網站：https://nissan-rentacar.com/zh
詳情：只限於官網預約，其他優惠不可同時使用（外國人無法享有會員優惠） - Budget Rent a Car Branch：Takamatsu Airport
網站：https://www.budgetrentacar.co.jp/zh/
詳情：於官網及OTA均可享優惠，會員價格及其他優惠可同時使用 - SKY RENT A CAR Branch：Takamatsu Airport
網站：https://www.skyrent.jp/
詳情：於官網及OTA均可享優惠，會員價格及其他優惠可同時使用 - Heisei Car Rentals Branch：Takamatsu Airport Location
網站：https://www.heisei-car.jp/global/tw/
內容：於官網及OTA均可享優惠，會員價格及其他優惠可同時使用
香港快運香川縣高松航班資訊
- 去程：UO 642 09:25-13:45 (每日一班)
- 回程：UO 643 14:35-18:00 (每日一班)
香川縣冬季旅遊精選景點介紹
國營讚歧滿濃公園冬天燈飾活動「Winter Fantasy」
國營讚歧滿濃公園一年四季都有唔少精彩活動舉行，踏入冬天，更加會舉辦全四國最大規模燈飾活動「Winter Fantasy」，活動期間日頭有燦爛花海，夜晚就會幻化成為迷人米影世界！場內會亮起約65萬個燈泡，更有高達5米嘅香檳杯塔、10米高聖誕樹，仲有長達100米嘅光之隧道！打卡都打到手軟！
国営讃岐まんのう公園 Winter Fantasy 2024
- 地址：香川縣仲多度郡滿濃町吉野4243-12
- 活動日期：2024年11月23日至2025年1月13日
- 活動時間：平日14:00-21:00、週末及公眾假期9:30-21:00
- 休息日：逢星期二（12月27日及1月3日除外）、12月29日至1月1日
- 網站：https://sanukimannopark.jp/event/season
冬季必去-雲邊寺
踏入冬季，雲邊寺係香川縣其中一個必去景點！大家搭雲邊寺纜車上山，除了可以去參拜雲邊寺之外，仲可以去「雲邊寺雪之公園」滑下雪！呢到係縣內首個混合自然雪兼人工雪嘅滑雪場，場地氣溫不算太凍，非常適合怕凍嘅朋友去滑下雪﹗
滑雪場設有兩條主要滑道，想體驗刺激快感仲有秒速10米嘅高速索道，到達位於標高920米山頂之後，可盡覽瀨戶內海、三豐平原、瀨戶大橋等著名地標美景，入夜後景色更非常浪費迷人！於指定日子，滑雪場會提供免費滑雪班，唔識滑雪嘅朋友可以趁住呢個機會學下滑雪！
スノーパーク雲辺寺
- 地址：香川県観音寺市大野原町 雲辺寺山山頂
- 營業時間：09:00-17:00 （營業至3月10日）
- 網站：http://www.shikoku-cable.co.jp/snowpark/index.html
品嚐當地士多啤梨品種「女峰」
日本冬季一定要食嘅水果，一家係士多啤梨！冬季去香川縣旅行，可以去距離小豆島池田港口5分鐘車程嘅「小豆島故鄉村士多啤梨園」，由1月至3月上旬是溫室種植士多啤梨嘅盛產期，大家可係園內親手採摘及品嚐小豆島出產嘅士多啤梨品種「女峰」，果實顏色又紅又大粒，仲要非常多汁！
小豆島ふるさと村いちご園
- 地址：香川県小豆郡小豆島町室生2084-1
- 營業時間：12月至翌年3月9:00-15:30
- 收費：12月至5月成人1760日圓、小童990日圓；6月至11月成人1540日圓、小童770日圓
- 交通：從高松港乘搭「国際フェリー」到池田港，再乘車到目的地需時5分鐘
- 網站：http://www.shodoshima.jp/expelience/taiken/taste/616.html
香川縣離島靚酒店 – 小豆島國際酒店
小豆島係香川縣熱門觀光勝地，其中唔少酒店更加係星級精選！「小豆島國際酒店」就係唔少遊客的度假不二之選！酒店內客房都是面向海景，入住任何房間都能夠飽覽無敵瀨戶内海景。著名景點「天使散步道」更加係酒店附近，下次去少豆島一定要住返晚！
小豆島国際ホテル
- 地址：香川縣小豆郡土庄町銀波浦
- 網站：https://www.shodoshima-kh.jp/ct/
入住有形文化財產 – 溫泉旅館「敷島館」
日本有唔少古色古香嘅傳統老鋪旅館可供遊客入住，例如香川縣嘅「ことひら温泉 御宿 敷島館」，懷舊風格融合了令和時代新鮮設計。館內是設有4個溫泉區，有和式及洋式設計房間，更設有令人放鬆身心嘅Spa服務，設施一應俱全！建築物更加係日本有形文化財產，因此充滿歷史價值，入住有如置身於古代日本一樣！
ことひら温泉 御宿 敷島館
- 地址：香川縣仲多度郡琴平町川西713-1
- 交通：從JR琴平站徒歩約8分鐘
- 網站：https://www.hotespa.net/resort/hotellist/shikishimakan/
日本香川縣簡介
位於日本四國的香川縣，是日本面積最小的縣，自然風光異常豐富優美。香川縣集藝術、自然、文化於一身，有日本庭園國寶「栗林公園」、知名打卡聖地「父母濱」、瀨戶内諸島等，更有每3年一度舉辦的國際盛事「瀨戶内國際藝術祭」，絕對能令你留下難忘的回憶。