香港百樂酒店Park Hotel Hong Kong 宜家有最新雙人下午茶套票，全包$790 起連｢抹茶の味｣ 雙人下午茶、房內迷你冰箱飲品、限量搶升級至首選客房！唔食tea可以訂另一個package連$600 餐飲額，可以Park café食buffet，或金盞吧／客房服務使用，全包$823 起。
若只想入住房間的話，可以利用 »酒店折扣代碼 去其他訂房網站格價
【百樂酒店】連Park café 雙人下午茶 + 房內迷你冰箱飲品！【限量搶】升級至首選客房
- 一晚百樂酒店高級客房連服務費
7月12-19日：日至四$790；五至六$922
7月20-31日：日至四$834；五至六$1,043 - 限量搶：一至四首 2 間可保證升級至首選客房
- 入住當日於 Park café 享用｢抹茶の味｣ 雙人下午茶*（價值：HK$438）
（滋味推介：抹茶堅魚珍珠蠔、海膽抹茶冷麵、抹茶流心多士、紅豆抹茶卷、抹茶北海道 3.6 牛乳奶凍、抹茶豆腐慕絲蛋糕） - 使用房內迷你冰箱飲品 (6 罐飲品)
*｢抹茶の味｣雙人下午茶供應由即日起至 8 月 1 日，而 2022 年 8 月 2 日起下午茶主題將有改動，屆時請留意酒店官網。
【預訂日期】7月10日22:00至7月19日23:59
【入住日期】7月12日至8月31日
▼｢抹茶の味｣ 雙人下午茶
▼首選客房
▼首選客房浴室
【百樂酒店】住宿連$600 餐飲額！【限量搶】升級至首選客房
- 一晚百樂酒店高級客房連服務費
7月12-19日：日至四$823；五至六$955 起
7月20-31日：日至四$867；五至六$1,076 起 - 限量搶：一至四首2間可保證升級至首選客房
- $600 餐飲消費額 (可於Park café、金盞吧或客房服務使用)
【預訂日期】7月10日22:00至7月19日23:59
【入住日期】7月12日至8月31日
▼$600 餐飲消費額 (可於Park café、金盞吧或客房服務使用)
▼高級客房面積約27至36平方米，採用簡單時尚設計，為住客提供了一個舒適的住宿環境。房間內配有豪華的家具，時尚簡潔的齊全設施。
等左咁耐，終於有機會飛出香港，一文睇哂旅遊氣泡最新資料 【旅遊氣泡】詳情
▼豪華客房 Deluxe Room 豪華客房位於較高樓層8至16樓，地方寬敞，約25至36平方米
▼首選客房僅次於套房約37至43平方米，房間寬敞型格，視野開闊
▼首選客房浴室
▼Park café
▼國際自助餐提供琳瑯滿目、精心烹製各式的佳餚美食。(圖片只供參考)
【百樂酒店】「浪漫滿屋」情人節住宿計劃試住報告
就嚟情人節，就梗係需要私人空間同浪漫氣氛啦！今次Flyday酒店試住員就帶埋另一半嚟到尖沙咀嘅百樂酒店，率先試住「浪漫滿屋」情人節Staycation。呢個情人節Package除咗包一晚百樂酒店嘅首選客房之外，仲有一大紥玫瑰花夠驚喜，夜晚實唔會扭計啦！
▼「浪漫滿屋」情人節住宿計劃
今次入住15樓嘅首選客房，房間面積闊落，加上酒店喺2020年先完成房間裝修翻新，所以房間新淨，設計時尚簡約，非常舒適，而落地玻璃窗外嘅風景就以尖東樓景為主，因為我哋住得比較高，仲可以望到少少維港對岸嘅景色，都算開陽。今次嘅「浪漫滿屋」情人節住宿計劃，房間已預先佈置，有百樂小熊、花瓣同氣球，真係幫我慳咗唔少功夫。另外，一大紥玫瑰花已經放好喺房間，所以一打開門真係十分驚喜，話說呢次係我第一次送花俾佢，所以佢收到嘅時候仲眼濕濕，以為呢個係求婚活動囉！當然一間房入邊，最重要就梗係張床啦，首選客房選用特大雙人床，枕頭有兩個，床褥軟硬適中。
▼房內情人節氣球裝飾
房間入邊亦有Nespresso咖啡機同膠囊，可以喺偏廳梳化嘆杯咖啡，都幾relax！房間入邊亦有夾萬、雪櫃、書枱同樽裝水。另外，充電位都唔少，喺床邊更加設有USB充電位，夠晒方便。另外仲可以免費租借夜空星星燈，可以投射星夜喺天花板。
▼免費租借夜空星星燈
浴室簡潔光猛，乾濕分離，除咗企缸，仲有staycation最愛嘅浴缸，可以自己帶備浴鹽或準備泡泡浴。洗手間亦有浴袍同風筒，至於個人用品齊全，有剃鬚刀、牙膏、牙刷等等，至於沐浴露、洗頭水、護髮素就係用自家品牌，味道都ok嘅。不過，企缸嘅熱水嚟得比較慢，要等一段時間先有熱水，而且去水都比較慢，呢度就要扣少少分喇！
▼首選客房浴室
▼首選客房浴室
酒店嘅晚餐room services真心嚟講，呢個set嘅味道都唔錯，其中海鮮拼盤真係好豐富，非常新鮮；酥皮湯勁足料；牛柳生熟度啱啱好，肉質軟腍，都好juicy架！不過服務就麻麻喇…送嚟嘅野食又甩漏，我哋最後要打兩次電話落去check，野食先送齊。食飽打電話叫人上嚟執嘢，兩分鐘後職員好快手就上嚟喇，但佢執咗一半之後，就話轉頭上嚟再執埋佢，呢個轉頭足足等咗45分鐘，直到我哋打電話去問，佢先上嚟執埋佢。
▼房內享用雙人西式精緻晚餐 (冷盤：蟹腳、海蝦、白蜆、紐西蘭青口、翡翠螺海鮮拼盤)
▼房內享用雙人西式精緻晚餐 (洋蔥芝士辣肉焗生蠔、西班牙蛤蜊辣肉腸酥皮湯)
Park café 早餐係半自助形式，可以選擇中式或美式早餐。中式早餐就可以揀白粥、雞肉粥或豬肉粥，配上中式豉油王銀芽炒麵同點心拼盤 (蝦餃、燒賣同小籠包)；至於西式早餐就可以選擇蛋嘅煮法，配上蕃茄、薯餅、茄汁豆、煙三文魚、煙肉、雞肉腸同火腿，完完全全係一份All Day Breakfast，非常豐富，仲可以打卡。至於自取區就有果汁、水果、沙律、粟米片、麵包同飲品。整體來講，早餐味道都唔錯，非常滿足。
▼Park café早餐
▼Park café早餐
總括嚟講，呢個情人節嘅package真係非常驚喜，有佈置、有花、有公仔、有早餐、有晚餐，加上房間新淨又有浴缸，呢個價錢嘅CP值確實非常高。雖然晚餐嘅服務扣咗少少分，但我哋相信只係個別同事嘅問題，因為其他員工都好有禮貌，我同另一半都好滿意同enjoy百樂酒店嘅staycation呀！
▼香港百樂酒店
