大灣區航空Greater Bay Airlines宣佈將會停飛越南線，並於4月26日起開新加坡線，每日一班，航空時間早去下午返，新航線有無吸引力爭到新航或國泰客人呢？
大灣區航空優惠｜4.26開新加坡線！另停越南線
大灣區航空宣佈將會停飛越南線，並於4月26日起開新加坡線，每日一班，航空時間早去下午返。
新加坡航班時間：
- 去程HB257：09:45-13:45
- 回程HB258：14:45-18:45
大灣區航空｜將新增商務機位；並開設菲律賓等航點
根據東網報道，大灣區航空行政總裁許漢忠於大阪首航日表示， 公司將於上海、北京、東京等航線引入商務機位，稍後亦會開設菲律賓新航線，亦將新增菲律賓馬尼拉航點，亦希望加密往返台灣的航班。同時表示所訂購的3架飛機，屆時可望新增航點。現時大灣區提供東京、大阪、首爾、台北及曼谷航點。
【大灣區航空】實測曼谷航線
公司終於俾小編飛啦！但要我搭大灣區航空……。咁就即管由小編狼之開箱大灣區航空飛曼谷嘅體驗俾大家睇啦！仲順便分析埋疫情下飛曼谷，大灣區航空同廉航 (AirAsia/HK Express)，仲有傳統航空公司（國泰/聯酋/泰航）邊間抵D添！如果你都準備好衝出香港就一定睇到最尾啦！
▼實測大灣區航空
▼曼谷市景
【大灣區航空申牌獲批 將營辨104條航線】
更新自22年2月：大灣區航空早前向空運牌照局提出經營編定航空服務嘅申請，運輸及房屋局今日 (21日) 表示獲批發牌，由即日起生效，為期5年至2027年2月20日，可營辦104條航線，在香港運載乘客、貨物或郵件，無限次往返香港國際機場。當中航線主要集中來往內地城市及東南亞地區，有關決定的詳情將於本月25日的憲報刊登。
來源：大灣區航空
【大灣區航空新制服】
更新自21年9月：大灣區航空於官網放出全新機艙服務員制服俾大家先睹為快！有網民指湖水綠色制服好似郵差！更加同台灣玉山銀行職員制服一樣樣，你哋又覺得套制服點呢？大灣區航空公司 (Greater Bay Airlines/ GBA Airlines) 「疫」市成立，並計劃喺2021年第四季度開始營運新加坡、曼谷及布吉(普吉島)航線，但仲要視乎牌照及航權嘅批核狀況同埋疫情嘅情況而定。
