大灣區航空｜大灣區航空新航線｜大灣區航空優惠｜大灣區航空Greater Bay Airlines兩週年啦！聽日起 (7月23、24、25、29、30、31日) 每日中午12時，搶東京、大阪、首爾、曼谷、台北等$20來回機票！仲包埋20KG寄艙行李及7KG手提行李！7月25日係$20首爾，來回連稅$957 起！
9月份將會開辦香港直飛韓國大邱航線！航空時間方面唔太靚，凌晨機去早機返！不過今次同最近嘅仙台同德島線一樣係包機，相信日後長期營運機會不大。
大灣區航空｜兩週年$20來回機票！東京、大阪、首爾、曼谷、台北等來回機票包20kg行李
大灣區航空Greater Bay Airlines兩週年啦！聽日起 (7月23、24、25、29、30、31日) 每日中午12時，搶東京、大阪、首爾、曼谷、台北等$20來回機票！仲包埋20KG寄艙行李及7KG手提行李！
▼ 大灣區航空兩週年$20來回機票優惠
香港來回東京/大阪/首爾/曼谷/台北來回只需$20 (來回連稅計東京$1,015、大阪$1,018、曼谷$996、首爾$957、台北$935、馬尼拉$889 起)。
航點及優惠碼：
- 7月23日12點：曼谷 (優惠碼：BKK2FLY)
- 7月24日12點：東京 (優惠碼：NRT2GBA)
- 7月25日12點：首爾 (優惠碼：ICN2FUN)
- 7月29日12點：(航點及優惠碼有待公佈)
- 7月30日12點：(航點及優惠碼有待公佈)
- 7月31日12點：(航點及優惠碼有待公佈)
- 追蹤 GBA 嘅 Facebook 及 Instagram
- 每日朝早10點留意 GBA Facebook/Instagram 公佈是日優惠航線
- 每日中午12點係 GBA Facebook/Instagram Story 及留言區領取優惠碼
- 登入 GBA 官網輸入優惠碼，即搶限量200張$20機票
【優惠日期】7月23、24、25、29、30、31日
【出發日期】8月18日至12月18日 (從香港出發)
優惠名額：每日限定200個 (每個名額限買 1 張)
大灣區航空｜兩週年$20來回機票！東京、大阪、首爾、曼谷、台北等來回機票包20kg行李
大灣區航空又有新航線，今次同樣以包機模式營運，預訂9月14、18及20日，將會開辦香港直飛韓國大邱航線。航空時間方面唔太靚，凌晨機去早機返！不過今次同最近嘅仙台同德島線一樣係包機，相信日後長期營運機會不大。
航班時間：
- 去程：HB8784 02:05 – 06:30
- 回程：HB8785 07:30 – 10:20
▼ 疫情前，德威航空曾經營運過香港至大邱航線，但疫情後就再未有航空公司提供直航航班。
▼ 大邱最著名景點一定係E-WORLD 樂園同入面嘅83塔！
大灣區航空｜已訂購3架新飛機，將新增商務機位
根據東網報道，大灣區航空行政總裁許漢忠於大阪首航日表示， 公司將於上海、北京、東京等航線引入商務機位，稍後亦會開設菲律賓新航線，亦將新增菲律賓馬尼拉航點，亦希望加密往返台灣的航班。同時表示所訂購的3架飛機，屆時可望新增航點。現時大灣區提供東京、大阪、首爾、台北及曼谷航點。
【大灣區航空】實測曼谷航線
公司終於俾小編飛啦！但要我搭大灣區航空……。咁就即管由小編狼之開箱大灣區航空飛曼谷嘅體驗俾大家睇啦！仲順便分析埋疫情下飛曼谷，大灣區航空同廉航 (AirAsia/HK Express)，仲有傳統航空公司（國泰/聯酋/泰航）邊間抵D添！如果你都準備好衝出香港就一定睇到最尾啦！
▼實測大灣區航空
▼曼谷市景
【大灣區航空申牌獲批 將營辨104條航線】
更新自22年2月：大灣區航空早前向空運牌照局提出經營編定航空服務嘅申請，運輸及房屋局今日 (21日) 表示獲批發牌，由即日起生效，為期5年至2027年2月20日，可營辦104條航線，在香港運載乘客、貨物或郵件，無限次往返香港國際機場。當中航線主要集中來往內地城市及東南亞地區，有關決定的詳情將於本月25日的憲報刊登。
來源：大灣區航空
【大灣區航空新制服】
更新自21年9月：大灣區航空於官網放出全新機艙服務員制服俾大家先睹為快！有網民指湖水綠色制服好似郵差！更加同台灣玉山銀行職員制服一樣樣，你哋又覺得套制服點呢？大灣區航空公司 (Greater Bay Airlines/ GBA Airlines) 「疫」市成立，並計劃喺2021年第四季度開始營運新加坡、曼谷及布吉(普吉島)航線，但仲要視乎牌照及航權嘅批核狀況同埋疫情嘅情況而定。
