大灣區航空｜大灣區航空新航線｜大灣區航空優惠｜大灣區航空 Greater Bay Airlines 最近除咗推出新行李政策，行政總裁吳秀蘭亦有預告將開辦更多內地航線！今日就宣布其中一條，12月4日起每週三班直飛黃山。暫時官網有少部分日子航班開賣，來回黃山連稅3千9起，包20kg行李！不過相信大家都對內地航線興趣不大，反而期待大灣區航空開辦更多熱門城市嘅航線！
【大灣區航空最新消息】又有新內地航線，12月起每週三班直飛黃山！
大灣區又有新內地航線，12月4日起每週三班直飛黃山。暫時官網有少部分日子航班開賣，暫時官網有少部分日子航班開賣，來回黃山$3,270 起 (連稅$3,963 起)，包20kg行李！
航班時間
- 去程：HB856 16:50-19:00 (逢星期三及五)，17:00-10:00（12月18日起)；HB853 09:25-11:25（逢星期日)
- 回程：HB857 20:15-22:30(逢星期三及五)；HB855 12:15-14:25 (逢星期日);
▼ 經我們測試，12月4至8日，大灣區航空來回黃山$3,270 起 (連稅$3,963 起)，包20kg行李。
▼ 中國黃山
大灣區航空終於有內地航點！11月起開辦舟山航線！
大灣區航空又有新航線！11月起將開辦浙江舟山內地新航線！終於唔洗再俾人話得一條內地航線！終於對得住自已嘅品牌名！舟山附近嘅普陀山係內地四大佛教名山之一，每年都有唔少人專登去呢到拜觀音，唔知今次大灣區航空係咪想吸納香港佛教徒客源呢？
移除精選圖片除此之外，舟山距離寧波相當之近，唔知係咪搶同樣有營運呢條航線嘅國泰航空同HK Express 嘅客源呢？不過相信票價要相當有吸引力，先可以同呢兩間航空公司鬥！
航班時間
- 去程：HB862 15:05-17:20 (逢星期一、六)
HB860 09:35 – 11:50 (逢星期四) - 回程：HB863 18:10 – 20:40 (逢星期一、六)
HB861 12:40 – 15:10 (逢星期四)
▼ 舟山普陀山
▼ 寧波機場同舟山機場距離大約個幾鐘車程，未知今次係咪想搶國泰同快運嘅客源！
【大灣區航空】實測曼谷航線
公司終於俾小編飛啦！但要我搭大灣區航空……。咁就即管由小編狼之開箱大灣區航空飛曼谷嘅體驗俾大家睇啦！仲順便分析埋疫情下飛曼谷，大灣區航空同廉航 (AirAsia/HK Express)，仲有傳統航空公司（國泰/聯酋/泰航）邊間抵D添！如果你都準備好衝出香港就一定睇到最尾啦！
▼實測大灣區航空
▼曼谷市景
【大灣區航空申牌獲批 將營辨104條航線】
更新自22年2月：大灣區航空早前向空運牌照局提出經營編定航空服務嘅申請，運輸及房屋局今日 (21日) 表示獲批發牌，由即日起生效，為期5年至2027年2月20日，可營辦104條航線，在香港運載乘客、貨物或郵件，無限次往返香港國際機場。當中航線主要集中來往內地城市及東南亞地區，有關決定的詳情將於本月25日的憲報刊登。
來源：大灣區航空
【大灣區航空新制服】
更新自21年9月：大灣區航空於官網放出全新機艙服務員制服俾大家先睹為快！有網民指湖水綠色制服好似郵差！更加同台灣玉山銀行職員制服一樣樣，你哋又覺得套制服點呢？大灣區航空公司 (Greater Bay Airlines/ GBA Airlines) 「疫」市成立，並計劃喺2021年第四季度開始營運新加坡、曼谷及布吉(普吉島)航線，但仲要視乎牌照及航權嘅批核狀況同埋疫情嘅情況而定。
