吉卜力fans注意！日本吉卜力樂園已經開幕啦！呢個位於日本名古屋愛知縣嘅吉卜力樂園 (ジブリパーク) 喺2022年11月1日正式揭幕，但係想去朝聖都唔係咁簡單，可以話係一票難求！幾經波折之後小編終於成功撲到門票，即刻為大家現場直擊樂園入面有咩玩！最近官方亦宣佈咗2023年3月開始開放海外遊客入場，想知道詳情記得睇到最後！大家仲可以睇埋大阪/京都去名古屋嘅交通攻略！
目錄
吉卜力fans注意！日本吉卜力樂園已經開幕啦！
雖然拍攝當日落大雨，但都無阻小編遊覽吉卜力公園嘅興致～即刻為大家現場直擊園區入面有咩玩！
▼🇯🇵吉卜力迷必去！愛知縣吉卜力公園😍｜一片睇晒3個園區看點！📍
相關優惠：【日本旅遊實用攻略】無懼Suica實體卡停售！慳返按金！Suica西瓜卡、PASMO、ICOCA加入iPhone方法教學
【園區介紹】
吉卜力樂園其實係由原有嘅2005年世博會場「愛．地球博記念公園」改建而成。吉卜力樂園分為5個園區，將會分兩階段開放，目前已經開放嘅3個園區分別係：「青春之丘」、「吉卜力大倉庫」及「龍貓之森」。「幽靈之里」會喺2023年11月1日開幕，而「魔女之谷」就預計於2024年3月16日開幕。
青春之丘園區
位於樂園北面入口附近嘅青春之丘園區以《哈爾移動城堡》、《夢幻街少女》、《貓的報恩》為主題，一入黎已經見到一個以《哈爾移動城堡》入面一班科學家打造出黎嘅電梯塔為設計概念嘅巨大塔型建築，非常壯觀。仲有《夢幻街少女》入面出場嘅地球屋，呢個位係觀賞成個樂園景色嘅最佳位置！除此之外，仲有《貓的報恩》嘅「貓之事務所」。
▼《哈爾移動城堡》電梯塔
▼《夢幻街少女》地球屋
▼地球屋仲可以見到貓男爵嘅身影
▼《貓的報恩》貓之事務所
吉卜力大倉庫園區
吉卜力大倉庫園區係一個室內場景，集合咗多部吉卜力經典動畫嘅打卡場景。呢個園區以《千與千尋》場景同埋建築風格為主題，樓梯以《千與千尋》嘅「神之街道」為設計藍本，抬頭一望仲可以見到《天空之城》入面約6米長嘅螺旋槳飛船。園區裏面有吉卜力作品嘅常設展示室，唔單止會展示動畫手稿，每日仲會定時上映短片動畫，小編喺呢度睇到唔捨得走！呢度仲有商店、兒童遊樂場同埋咖啡店，行到攰可以坐低飲杯野。
▼吉卜力大倉庫
▼湯婆婆辦公室
▼《天空之城》機械人士兵
▼《天空之城》場景
▼同無面男一齊搭火車
▼愛知縣出產常滑牛奶
龍貓森林園區
喺樂園嘅另一邊係龍貓森林區，一聽個名就知佢嘅亮點就係《龍貓》。呢度嘅小木屋還原咗《龍貓》入面嘅重要場景——草子、次子嘅屋企，屋入面用咗昭和時期嘅設計風格，像真度高到好似主角真係住喺入面咁。穿過森林小路之後就會見到外觀整成龍貓咁嘅兒童遊樂設施，非常受小朋友歡迎。
▼龍貓造型遊樂設施
▼《龍貓》草子、次子屋企
▼小編都自拍留念先！
相關優惠：2024名古屋新酒店｜精選7間高質新酒店｜鄰近地下鐵/JR站、大型購物中心、主要景點
全世界唯一行駛嘅貓巴士即將投入服務
好消息！全世界唯一行駛嘅貓巴士即將喺吉卜力公園登場！
近日官方公佈，以《龍貓》入面「貓巴士」為原型嘅電動車，即將於2024年3月開始喺園內運行！呢款貓巴士將會喺各園區之間移動，一共會有5架！而且愛知縣知事大村秀章更加指出，呢款將會係全世界唯一運行嘅貓巴士！可以搭上貓巴士遊覽吉卜力公園，吉卜力fans一定超開心！
▼貓巴士正面
▼貓巴士背面
▼貓巴士行駛路線
《貓之報恩》免費新設施8月開幕
好消息！吉卜力樂園旁邊將會開設《貓之報恩》新設施，裡面會有多個以《貓之報恩》貓王之城作為主題嘅遊樂設施，還原故事嘅世界觀，包括滑梯、迷宮、飛索等，大人小朋友都玩得！設施同吉卜力樂園一樣位於愛・地球博紀念公園，將於8月4日開放，平日免費入場，週末、指定日子就要收入場費，4歲至小學生100日圓，中學生或以上300日圓。去吉卜力樂園玩嗰陣記得去埋呢度玩啦！
▼「貓之報恩」新設施
第二期園區最新消息——「幽靈公主之里」、「魔女之谷」
最近官方公布第二期園區嘅最新消息，「幽靈公主之里」將於今年11月1日開幕，而以《魔女宅急便》、《哈爾移動城堡》為主題嘅「魔女之谷」就會於下年3月16日開幕！即刻睇下有幾還原！
▼「魔女之谷」園區
▼「魔女之谷」園區
▼「魔女之谷」園區
▼「魔女之谷」園區
▼「魔女之谷」園區
▼「幽靈公主之里」園區
▼「幽靈公主之里」園區
【門票詳情】
吉卜力樂園現時嘅3個園區係獨立收費，而且全部都以指定日期、指定時間入園嘅方法售票，並唔係買一張飛就可以玩晒咁多個園區。
- 「吉卜力大倉庫園區」平日成人票價¥2,000；星期六、日及公眾假期¥2,500
- 「青春之丘園區」成人票價¥1,000 (不分假日)
- 「龍貓森林園區」成人票價¥1,000 (不分假日)
▼吉卜力門票費用
【購票方法】
門票一律不設現場發售，以先到先得形式於網上發售。之前只限日本居民喺Boo-Woo Ticket網站買飛，最近終於公佈咗2023年3月會開放俾海外遊客入場啦！有意購票嘅海外遊客可以喺吉卜力官方網站查詢每一輪門票嘅發售日期、門票價錢、營業時間等資料，之後喺Lawson Ticket網站購票。
小編為大家整理咗一啲注意事項：
- 每個園區獨立購票，每次購買每個園區門票上限為6張 (3歲或以下不用購票)
- 門票為實名制，須與入場人士護照上的姓名相同
- 門票不設退款
入場時準備事項：
- 列印Lawson Ticket上顯示QR Code和入場資料的「My Page」，每個入場人士均須持有一張列印本
- 須攜帶護照，以核對門票上的名字
- 同一張訂單內購票的遊客須同時入場
吉卜力樂園
- 地址： 愛知県長久手市茨ケ廻間乙1533-1 内 Expo 2005 Aichi Commemorative Park (Moricoro Park) (地圖)
- 開放時間：平日10am – 5pm；星期六、日及公眾假期9am – 5pm
- 休園日：逢星期二
- 電話：0570-089-154
- 吉卜力樂園官方網站
- 海外遊客購票網站
名古屋被稱為日本最悶嘅城巿？名古屋人表示：無D咁嘅事！今次就由 @hya 帶大家遊9個名古屋必食必玩景點，由名古屋人定義名古屋！
▼名古屋必食必玩經典路線！2022最新打卡點｜Komeda’s Coffee、大須商店街、KOMEHYO古著、動漫商店街、矢場炸豬扒、則武之森、名古屋打卡書店
大阪有新商場啦～下次臨上機前又有去好處！不過今次小編就覺得商場個Food Court仲出色過過商場本身，重點係超多位，食晒來自全國各地美食都唔洗排隊啊～即刻睇下有咩必行舖頭先～
▼大阪最新大型商場🛍三井LaLaport堺｜Food Court先係本體😋｜必食漢堡扒、大阪築地海寶飯、Antiqulture古著店、Onelove寵物用品店
2021年3月日本大阪嘅環球影城就新開咗超級任天堂世界啦！相信大家都因為未入到境所以仲未去到😢到底D遊樂設施好唔好玩？成日喺網上見到人人戴住嘅手帶係咪一定要買？今次由Claudia同Mayu帶大家攻略任天堂世界！
▼超級任天堂世界徹底攻略！3800円手帶洗唔洗買？園區竟然有隱藏景點！