過去幾年無得過澳門玩，等咗咁耐終於開關，相信好多人已經迫不及待過去玩返轉！唔同人去澳門有唔同玩法，今次就由一向追求享受嘅Nicole為大家介紹一種奢華嘅豪遊澳門方法，無論係飲食、娛樂，都帶俾你五星級嘅享受，包括米芝蓮中菜廳麗軒、五星級餐廳永利扒房、澳門teamLab超自然空間、GoAirborne 室內跳傘、摩珀斯酒廊下午茶、THE KARL LAGERFELD 水療中心。喺最近公布嘅2023年福布斯旅遊指南，澳門共有22間酒店榮獲福布斯五星級酒店稱號，並超越倫敦成為全球擁有最多福布斯五星級酒店嘅城市，服務品質相對有保證！即刻睇下豪遊澳門攻略啦！如果大家想低成本遊澳門，亦可以睇另一篇高CP值遊澳門攻略！
目錄
出發澳門——港珠澳大橋轎車接送服務
港珠澳大橋啟用後，穿梭香港、澳門嘅交通時間大減。講到用陸路由香港過澳門，唔少人都會第一時間諗起乘搭穿梭巴士。其實仲有另外一個好選擇，就係港珠澳大橋轎車接送服務。選擇以港珠澳大橋轎車到澳門，不但可以省卻自行搭車、轉車嘅時間以及麻煩，乘客仲可以安坐車上過關，唔使排隊同其他人逼。每輛車最多可坐6名乘客，一家大細、一班朋友出遊就再適合不過！
▼港珠澳大橋轎車接送服務
第一站——麗軒
澳門作為一個獲聯合國教科文組織評定為創意城市美食之都嘅地方，多美食就無可置疑。既然要豪遊澳門，當然要搵間米芝蓮餐廳食返餐好！麗軒係全澳門最高樓層嘅中菜廳，可以一路飽覽澳門美景一路享受美食。餐廳嘅室內設計將澳門傳統文化、建築物料融合，風格別具特色。作為一間米芝蓮一星餐廳，麗軒提供嘅佳餚相當豐富，招牌菜式包括鮮蟹肉琵琶官燕、酥脆蒜香智利鱸魚柳及砵酒焗蝦球煲等。另外，餐廳亦設有五間高貴私人厢房，可供賓客舉辦各類慶祝活動或派對，相當有氣派！
▼麗軒
▼麗軒
▼酥脆蒜香智利鱸魚柳
麗軒
第二站——澳門teamLab超自然空間
唔少香港人都好鍾意去teamLab打卡，其實唔使去到日本，喺澳門都可以睇到teamLab！澳門teamLab超自然空間係一個面積達5,000平方米嘅立體交互空間，由高達8米嘅超巨型作品群所構成，足足有19個作品展區。通過全新技術詮釋作品，令參觀者透過「身體沉浸」式嘅方式去感知作品，就好似走入由光影交錯而成嘅奇幻世界，融為藝術嘅一部分！呢度仲包括咗東京teamLab最出名嘅打卡裝置「無窮無盡的水晶宇宙」，以及首次亮相嘅「光之雕刻 – 平面」，鍾意打卡影相嘅話一定睇到唔捨得走！
▼澳門teamLab超自然空間
▼澳門teamLab超自然空間
▼「無窮無盡的水晶宇宙」
▼「光之雕刻 – 平面」
澳門teamLab超自然空間
- 地址：澳門威尼斯人金光會展展覽館F館 (地圖)
- 電話：+853 2882 8818
- 開放時間：上午11:00 – 晚上7:00 (最後入場時間為閉館前45分鐘)
- 澳門teamLab超自然空間官方網站
第三站——GoAirborne 室内跳傘
打完卡影完靚相，係時候玩啲刺激啲嘅嘢啦！GoAirborne 室内跳傘係澳門首家室內跳傘中心，可以喺度享受真正嘅室內跳傘飛行體驗，感受猶如從12,000呎高空躍下、直衝至 3000 呎時所帶來嘅刺激超真實體感！就算係零經驗嘅初學者都唔緊要，只要年滿4歲，就可以喺一個安全、全天候監控及四季恆溫嘅室內風洞中，由專業國際認可教練指導，享受翱翔天際嘅刺激體驗。如果鍾意追求刺激體驗嘅話，千祈唔可以錯過！
▼GoAirborne 室內跳傘
▼GoAirborne 室內跳傘
GoAirborne 室内跳傘
- 地址：澳門路氹溜冰路 澳門葡京人 H853 Fun Factory娛樂廠1樓R99鋪 (地圖)
- 電話：+853 2888 0882
- 開放時間：上午11:00 – 晚上10:00
- GoAirborne 室內跳傘官方網站
- 官方購票網站
第四站——摩珀斯酒廊
體驗完跳傘咁刺激嘅活動，係時候食下午茶補充體力。位於摩珀斯大堂嘅摩珀斯酒廊所提供嘅菜單非常豐富，甜點、鹹點一應俱全，當中以摩珀斯嘅獨家甜點芝士蛋糕、朱古力椰子泡芙、配有十種混合口味雪葩嘅香烤菠蘿最受歡迎。有咁多選擇，實有一款啱你口味！每款甜點、飲品外貌都相當精緻、造型優雅，食之前一定要好好打卡！
▼摩珀斯酒廊
▼摩珀斯酒廊
摩珀斯酒廊
第五站——THE KARL LAGERFELD 水療中心
玩咗大半日，下一站黎到THE KARL LAGERFELD 水療中心好好享受下！THE KARL LAGERFELD 水療中心榮獲《福布斯旅遊指南》五星嘉許，由已故時尚大師 KARL LAGERFELD精心設計，以黑色高級雲石以及金色馬賽克互相配搭，將西方裝飾藝術、中式元素相融，呈現出「老佛爺」經典嘅摩登風格。水療中心主打「養生於未然」理念，引入來自倫敦嘅美容品牌111SKIN，融合古法美容智慧與現代科研力量，提供各式面部及身體護理，喺度做完SPA之後真係身心靈都放鬆晒！
▼THE KARL LAGERFELD 水療中心
▼THE KARL LAGERFELD 水療中心
THE KARL LAGERFELD 水療中心
-
- 地址：澳門路氹城上葡京綜合度假村 THE KARL LAGERFELD 3樓 (地圖)
- 電話：+853 8881 3500
- 開放時間：中午12:00 – 晚上8:00 (逢星期三休息)
- THE KARL LAGERFELD 水療中心官方網站
第六站——永利扒房
玩咗咁耐，又係時候去醫一醫肚！永利扒房獲《福布斯旅遊指南》評定為五星級餐廳，不但提供高級牛扒以及上乘海鮮，每一道菜式嘅賣相都相當豪華，睇得又食得！永利扒房搜羅來自世界各地嘅頂級食材，包括美國頂級USDA牛扒、經認證嘅日本和牛、澳洲Rangers Valley純黑毛安格斯牛肉，以及東南亞與太平洋嘅直送海產，食材夠晒新鮮。餐廳中央位置每隔30分鐘仲會上映光影表演，如果想享受味覺、視覺雙重享受嘅頂級盛宴，就一定要去試下！
▼永利扒房
▼永利扒房牛扒
▼光影表演
永利扒房
賞你遊澳門優惠
Nicole提提你！澳門旅遊局推出賞你遊澳門優惠，即日起至3月31日期間，預訂港珠澳大橋穿梭巴士(金巴)、港澳快線、港澳一號、噴射飛航、金光飛航、永東直巴買去程送回程 (需至少住宿一晚，名額有限，詳情請向各交通營運商查詢)。如果選擇乘搭以上交通工具，一定唔可以錯過呢個優惠！
香港熱線：(852) 3753 3888
香港熱線：(852) 3703 3981 / 2773 6998
香港熱線：(852) 2979 8778
香港熱線：(852) 2859 3333
香港熱線：(852) 2859 1640
香港熱線：(852) 6211 0932
▼賞你遊澳門
遊澳門小貼士——智能行程規劃&客流預測
澳門有咁多豪華又好玩嘅景點，唔知去邊啲地方玩點算好？唔使擔心，澳門旅遊局嘅智能行程規劃幫到你！只要輸入出發日期、出發及結束時間，就可以輕鬆幫你plan好行程！仲可以按照自己嘅興趣選擇唔同類型嘅景點，例如觀光、體驗、購物、飲食，夠晒個人化！
另外，澳門開關後吸引好多遊客，每個景點都好多人流，非常熱鬧。如果想知道每個景點嘅人流狀況，可以使用澳門旅遊局嘅客流預測，預先知道目的地多唔多人，真係好方便！
▼智能行程規劃
▼客流預測
