又到農曆新年啦！今年馬年想過大海去澳門行個大運，順便又食又買？「澳門銀河」絕對係你嘅首選 ！由2月4日起至3月3日，「澳門銀河」隆重呈獻「來銀河全年行好運」新春巡禮，準備咗一連串節慶活動、美食同優惠迎接喜躍馬年 。小編為大家整合咗澳門馬年好去處攻略，即刻睇下有咩必玩必食必買喇！
馬年行大運！澳門銀河新春全攻略
必影打卡位：轉轉巨型風車陣與新春「運財銀鑽」
想馬年好運連連，一場嚟到梗係要轉吓風車啦！今次新春巡禮特別以象徵好運、寓意招福嘅「風車」為靈感，度假城內遍佈多架特設嘅風車裝置，等大家可以隨心轉動，寓意「好運一轉即發」，馬年美好滿載 。
行到銀河時尚匯各處，仲會見到宛若盛放桃花及水仙花嘅巨型風車年花，打卡一流，寓意「風來運轉，花開富貴」 。
記得要去埋鑽石大堂，標誌性演出「運財銀鑽」換上咗農曆新年限定版本，巨型鑽石會伴隨新春喜慶音樂緩緩升起，非常之好氣氛㗎 。
睇Show熱點：日韓港台巨星匯聚銀河
新年想睇show？新春期間「澳門銀河」巨星雲集，各大場地都有猛人登場 ！荷里活巨星歐陽萬成 (Jimmy O. Yang) 將於2月21及22日喺銀河綜藝館演出，更邀得歌手王嘉爾、尹光及 Tyson Yoshi 同台亮相，極具噱頭 。另外，人氣歌手汪蘇瀧於2月27日至3月1日連續三晚帶來「羅曼前傳」巡演 。
節慶市集與文化展覽：感受濃厚新年氣氛
除咗刺激嘅娛樂表演，想要文青一點嘅行程都絕對無問題。大家可以去齊聚荔枝碗嘅新春市集，市集會喺2月14至22日及2月28至3月8日嘅週末重磅登場 。入面有全澳門最大型、共302個獅子頭嘅創意打卡裝置，仲有新年限定拋願祈福許願樹，以及深受歡迎嘅春日真冰溜冰場，絕對係馬年新春必到澳門好去處 ！
鍾意藝術嘅朋友，就可以同小編一樣去「銀河藝萃」參觀由即日起至4月12日展出嘅《銅上金彩——朱炳仁澳門藝術首展》 。
是次展覽係朱炳仁大師藝術作品首度喺澳門展出，一入場就會見到大型金馬，寓意馬年鴻運、奔騰不息。
入面展出國家級藝術大師朱炳仁聯同朱軍岷老師呈獻嘅68件銅藝作品，其中以「馬」為主題的創作多達38匹。全部都非常精緻，當中更包括作為「國禮」贈予外國元首和國際組織嘅藝術作品。
另外亦有包括象徵新年美好寓意嘅駿馬奔騰系列及祥瑞孔雀雕塑作品，而小編就最鍾意呢個「馬上有錢」，超好意頭！
購物與美食著數：瘋狂賺回贈及盲盒體驗
今年新春「澳門銀河」嘅優惠相當豐富！2月13至23日期間，於銀河時尚匯購物可享高達6%購物及餐飲回贈，更有機會於全新意大利購物區或明珠大堂參與即抽即獎盲盒遊戲，開啟全年好運並獲取幸運節慶紀念品 。
由2月4日至3月3日，只要消費滿澳門幣300元，或者出示酒店房卡連卡套、當天之表演門票，就可以去銀河時尚匯禮賓部兌換開運好禮 。將呢個金磚匙扣掛喺袋，一定全年都有金呀！
美食方面，2月14日至3月8日期間，於旗下指定餐廳消費滿額更可獲餐飲「利是」優惠券 。小編推薦到主打果木烤鴨嘅「花悅庭」品嘗京淮特色菜，推介菜式如招牌果木烤鴨、雞樅菌松露素鵝及新派滬式烤菜心等。
另外，位處澳門半島嘅星際酒店亦都準備咗一系列寓意開運嘅節慶裝飾，配上多間獲獎餐廳精心製作嘅琳瑯美食，等大家過個肥年 。
