講起夏天去日本旅行，又點少得花火大會！每年7月至8月，日本各地都會舉辦逾千場大大小小嘅煙花匯演，小編為大家整理一啲日本比較大型嘅花火大會時間表，如果暑假會去日本旅行嘅話一定唔可以錯過！小編仲準備咗日本全年祭典攻略，睇下時間夾唔夾順便去埋！另外，日本已經取消疫苗證明，但係記住仲要填Visit Japan Web啊！
目錄
7月份
【伊勢神宮奉納全國花火大會】
伊勢神宮奉納全國花火大會係夏季舉辦時間相對較早嘅花火大會，於三重縣伊勢市舉辦，之前因為疫情停辦四年，今年終於會喺7月15日再次舉行！呢個花火大會將會由來自日本全國各地、經選拔獲勝嘅花火師會向伊勢神宮進獻花火，每一束綻放喺夜空嘅煙花都蘊含著人們獻給神宮，並祈願一年平安嘅心意。
▼伊勢神宮奉納全國花火大會
【柏崎煙火大會】
柏崎煙火大會被稱為「越後三大煙火大會」之一，係日本非常知名嘅海上煙火大會，於每年7月26日，喺新潟縣柏崎市舉行。因為煙火喺海上釋放，因此亦有「海的柏崎」嘅美譽。除此之外，柏崎煙火另一大賣點，就係會有大量煙火連續續發射，同時超過100發，最大超過1.5公里範圍！
▼柏崎煙火大會
相關優惠：日本東京新酒店推介｜澀谷型格新酒店及國際品牌酒店｜附詳細介紹及預訂網址
【熱海海上花火大會】
熱海海上花火大會一年唔只舉辦一次，6月至10月、12月都有，因此係好多人前往靜岡地區旅行嘅必排行程，而7月份嘅熱海海上花火大會就喺7月28日。熱海海上花火大會主打銀色煙火「空中尼加拉大瀑布」，非常壯觀！
▼熱海海上花火大會
【隅田川煙火大會】
隅田川煙火大會係歷史上最早嘅煙花祭典，亦係現時東京最盛大、最靠近市中心嘅煙花匯演，喺每年7月最後一個星期六舉行，2023年嘅日期就係7月29日。色彩繽紛嘅煙花再加上東京晴空塔嘅燈光裝飾，營造出動人氣氛！如果想chill啲，仲可以預約遊船河睇煙花！
▼隅田川煙火大會
8月份
【長岡祭典大花火大會】
長岡祭大型花火大會係「日本三大煙火大會」之一，每年吸引多達一百萬人到場觀賞。呢個花火大會喺8月2日至3日，於舉行新潟縣長岡市舉行。長岡祭大型花火大會最初於1946年首次舉行，當時係為咗哀悼二次大戰亡靈而舉辦嘅戰後重建活動。呢度可以欣賞由五個地方一齊發放嘅「連發煙火」，以及喺煙火中心散射出不死鳥般光芒嘅「浴火鳳凰」，喺其他花火大會比較少見。
▼長岡祭典大花火大會
【熱海海上花火大會】
熱海海上花火大會一年唔只舉辦一次，6月至10月、12月都有，因此係好多人前往靜岡地區旅行嘅必排行程，而8月份嘅熱海海上花火大會就喺8月5、8、18、22、25日，有咁多日揀，安排行程夠晒彈性！熱海海上花火大會主打銀色煙火「空中尼加拉大瀑布」，非常壯觀！
▼熱海海上花火大會
【琵琶湖花火大會】
琵琶湖花火大會每年8月8日於滋賀縣舉行，可以話係關西地區最精彩嘅一場煙火盛會，每年都吸引超過三十萬人前往欣賞，一直以來都好評如潮。過去幾年因為疫情而停辦，今年終於復辦啦！2023年琵琶湖花火大會嘅主題係「夏之韻律」，到時候將會有超過1萬發、長達60 分鐘絕無冷場嘅煙花匯演，一定好精彩！
▼琵琶湖花火大會
相關優惠：大阪環球影城攻略｜門票、快証入手攻略，園區附近酒店住宿推介｜Klook 限時環球影城買1送1！
【諏訪湖祭湖上煙火大會】
諏訪湖祭湖上煙火大會嘅場地喺長野縣諏訪市諏訪湖，每年於8月15日舉辦。呢度最大賣點係利用湖上可以搭建鷹架嘅淺水區，喺湖面上不斷施放半圓形弧線嗰水上連發煙火。
▼諏訪湖祭湖上煙火大會
【全國花火競技大會「大曲之花火」】
全國花火競技大會「大曲之花火」亦係「日本三大煙火大會」之一，自1879年開始舉辦，於每年8月第四個星期舉行，2023年嘅日期就係8月26日，地點喺秋田縣大仙市。呢個花火大會入面，花火嘅設計、顏色、創意等都會成為評分標準，而最優秀嘅花火師仲會獲頒「內閣總理大臣獎」，可以話係花火業嘅最高榮譽。
▼大曲之花火 – 全國花火競技大會
相關優惠：日本賞花｜薰衣草攻略！日本7個賞花景點推介懶人包｜除咗北海道富良野仲可以去呢啲地方！關東地區都有！
日本花火大會呢個活動睇動漫就睇得多啦，真實嘅你又去過未？今次就有 Claudia 同Mayu 帶大家去高石Seaside Festival 2023，仲會介紹埋今年唔可以錯過嘅3個關西花火大會！由浴衣租定買，到免費區點霸位，日本花火大會攻略一次過話比大家知！
▼花火大會怎麼玩？免費睇煙花區霸位攻略！
北海道又被稱為日本嘅雪櫃，今次就有 日本菇菇菇 @JAPANGoGoGo3 來到北海道札幌，三菇用6萬日圓爆吃二条市場！美食清單包括：即撈即洽生猛帝王蟹，馬糞海膽，紫海膽，必吃海鮮丼，爆甜哈蜜瓜等等等等….今次菇s還發現了不少好吃又抵食的店舖，今條片一定要收藏啊！
▼HK$3300爆食7款北海道海鮮😋2千蚊3.5KG生猛帝王蟹值唔值？5款海膽邊款最正？｜北海道二条市場
相關優惠：2024東京至大阪交通攻略｜內陸機/新幹線/電車/高速巴士｜輕鬆由東京玩到大阪交通行程比較！
淺草已經去過好多次？新和服、新景點，您又體驗過未？今次有熱菇同菇咪咪 @JAPANGoGoGo3帶大家著住和服咁淺草一日遊，除咗必去嘅淺草寺，仲有室內嘅最新打卡景點淺草橫町，包你相機同個肚都收獲滿滿！
▼🏮淺草最新和服一日遊路線2023！超特別和服款唔怕撞👘必住漫畫風酒店🏩最新夏祭風打卡熱點🎋｜HOTEL TAVINOS淺草、HANAYAKA淺草和服體驗館、淺草橫町
相關優惠：關西新酒店推介｜日本首間W酒店！環球影城全新官方酒店｜大阪、奈良、京都新酒店
鍾意買古著嘅人可能都會去心齋橋同美國村嘅古著店，其實喺大阪仲有另一個選擇，就係去跳蚤市場啦！今次就有Claudia同Mayu 同大家去萬博紀念公園－關西最大級別嘅跳蚤市場，睇下最平幾錢買到一套古著！
▼慳錢攻略💰最平100円一條連身裙?! 👗5000円購物挑戰🤩｜大阪買古著必去跳蚤市場｜大阪古著