去日本淨係行街shopping有啲悶？不如參加下祭典！日本全年有大大小小嘅祭典，既有意義又可以感受當地傳統特色，想深入了解日本文化嘅話一定唔可以錯過！小編為大家整理一啲日本比較大型嘅祭典時間表，之後去日本可以睇下有無祭典順便參加！另外，日本已經取消疫苗證明，但係記住仲要填Visit Japan Web啊！
目錄
2月份
【札幌雪祭】
札幌雪祭係札幌冬季嘅一大代表性活動，通常喺每年2月嘅第一個週末舉辦。活動分為大通、薄野、TSUDOME三個會場。三個會場設有雪雕、冰雕及巨型滑梯，鍾意玩雪嘅話一定唔可以錯過！
▼札幌雪祭
相關優惠：【日本旅遊實用攻略】無懼Suica實體卡停售！慳返按金！Suica西瓜卡、PASMO、ICOCA加入iPhone方法教學
【秋田橫手雪屋祭】
橫手雪屋祭有450年歷史，通常喺每年2月15日至16日舉行。主要祭典區域位於橫手市政廳嘅街區公園，祭典會場佈滿雪屋，每一座雪屋內都設有祭祀水神嘅祭壇。到咗晚上，數百座雪屋內更加會點上燈光，營造出溫暖而浪漫的氛圍！
▼秋田橫手雪屋祭
5月份
【淺草三社祭】
淺草三社祭以著名嘅東京觀光景點淺草神社、淺草寺為中心，日期定於每年5月嘅第三個週五、週六、週日。為期三日嘅祭典期間有上百部神輿出巡，周圍都充滿熱鬧氣氛，每年吸引180萬人次參加。
▼淺草三社祭
相關優惠：日本東京新酒店推介｜澀谷型格新酒店及國際品牌酒店｜附詳細介紹及預訂網址
【東京神田祭】
東京神田祭係「日本三大祭」之一、「江戶三大祭」之一，更加係全日本規模最大嘅祭典之一！。神田祭嘅起源係為了咗祈求收成豐收、免除疾病及災難而舉行嘅神事，而家嘅神田祭已經成為東京一個非常重要嘅傳統文化活動。神田祭通常喺每年5月11日至17日舉行，七日嘅祭典期間內會舉行多場活動，其中最著名嘅係神幸祭和附加祭。
▼東京神田祭
7月份
【福岡博多祇園山笠】
福岡博多祇園山笠係日本重大民間傳統節日之一，喺每年夏季嘅7月1日至15日期間舉行，祭典遍布的範圍非常大，包括福岡、博多地區，每年嘅祭典可以吸引約300萬遊客參與，非常盛大！有興趣嘅話小編仲準備咗詳細嘅福岡博多祇園山笠介紹！
▼福岡博多祇園山笠
【京都祇園祭】
京都祇園祭係京都最大嘅夏季節慶，於八坂神社舉辦，日期由7月1日至31日，係為期足足一整個月嘅祭典！祇園祭每年都有超過一百萬人參與，講到最重要嘅活動一定係名為「山鉾巡行」嘅神明遊行！
▼京都祇園祭
【大阪天神祭】
大阪天神祭係「日本三大祭」之一，於7月24日至25日舉行。大阪天神祭有過千年歷史，係祭奉日本學問與學習之神「菅原道真」嘅祭典，結合咗祭典儀式、舞蹈與音樂，以神輿遊行作為重頭戲，並以時間長達 1.5 小時嘅煙花表演達到祭典嘅高潮。
▼大阪天神祭
相關優惠：日本賞花｜薰衣草攻略！日本7個賞花景點推介懶人包｜除咗北海道富良野仲可以去呢啲地方！關東地區都有！
【北海肚臍祭】
北海道富良野市位於北海道嘅中心，因此經常被稱為北海道嘅「肚臍」，而北海肚臍祭嘅宗旨就係「透過肚臍而加強羈絆」，已經舉辦超過50年。祭典於7月28日至29日舉行，最觸目嘅係合共有四千名舞者參加嘅「北海肚臍舞大會」，舞者會喺肚子上畫上臉蛋 (稱為「圖腹」)，非常特別！
▼北海肚臍祭
8月份
【青森睡魔祭】
青森睡魔祭係「東北三大祭」之一，每年夏天於青森市舉辦，吸引約250萬人次參加！祭典於8月2日至7日舉行，其中8月5日、8月6日呢兩日，17座睡魔燈籠會全部登場，而8月7日晚上會配合煙火大會，喺海上舉行睡魔燈籠遊行！
▼青森睡魔祭
相關優惠：2024東京至富士山最新交通攻略｜直達電車/特急列車/普通列車/高速巴士｜從東京去富士山河口湖哪個交通方式最推薦？
【仙台七夕祭】
仙台七夕祭係仙台夏天嘅重頭戲，同樣係「東北三大祭」之一！祭典於8月6日至8日舉行，活動場地分散喺仙台市中，因此祭典期間四處都可以感受到熱鬧嘅節日氣氛。由JR仙台站西口開始，商店街佈滿豪華嘅七夕裝飾。呢啲七夕裝飾由五顏六色嘅和紙所做成，包含了祈求生意興隆、健康長壽之意。
▼仙台七夕祭
相關優惠：日本暑假好去處｜一文睇晒日本7至8月有咩玩！｜關東、關西、九州、中部、東北、北海道地區懶人包
【阿波舞祭】
德島市阿波舞祭係德島最著名嘅節日，亦係每年8月全日本嘅焦點！阿波舞祭於每年8月12日至15日舉辦，吸引100多萬人參與。祭典期間會封鎖主要道路，並喺多處設有觀眾席，供遊客觀賞舞蹈。除此之外，河邊沿岸有好多名為「屋台」嘅街邊小食攤，成個德島市都充滿著熱鬧嘅節日氛圍，就好似嘉年華會咁！
▼德島阿波舞祭
相關優惠：九州JR Pass攻略｜全九州、北九州、南九州鐵路周遊券｜3種周遊券帶你玩遍九州熊本、鹿兒島、福岡、長崎、由布院
9月份
【岩手花卷祭】
岩手花卷祭係岩手縣嘅傳統祭典，始於1593年，歷史非常悠久。祭典日期係將每年9月嘅第二個星期六定為中間嗰日，為期三天，2023年嘅祭典日期就係9月8日至10日。祭典期間有盛大嘅遊行、傳統舞蹈，遊行一般都由下午開始，伴隨著太鼓以及傳統音樂，豪華嘅花車、神輿輪流出遊，令人目不暇給！
▼岩手花卷祭
【群馬伊香保祭】
群馬縣距離東京約一個半小時車程，呢度聚集咗好多溫泉地，因此有「溫泉王國」之稱，而其中一個最出名溫泉就係「伊香保溫泉」。每年9月18日至20日都會舉行伊香保祭，當地人將沿町鎮嘅石階，抬著11座用木桶製作嘅「樽神輿」，一邊巡遊一邊表演傳統日本音樂、舞蹈。
▼群馬伊香保祭
10月份
【川越祭】
每年10月第三個週末，埼玉歷史悠久嘅小鎮「川越」都會舉辦川越祭，2023年嘅祭典日期就係10月21日至22日。川越祭係關東三大祭典之一，已有360年以上歷史，更加被聯合國教科文組織登錄為「世界無形文化遺産」。祭典期間充滿著裝飾華麗嘅花車、紙燈籠、音樂以及舞蹈，無論日間、夜晚都非常精彩。
▼川越祭
12月份
【秩父夜祭】
秩父夜祭係「日本三大曳山祭」之一，300多年前就已經開始舉行，係埼玉縣秩父市秩父神社年度最大型嘅祭典。祭典於每年12月2日至3日舉行，期間有豪華絢麗嘅傘鉢花車、屋台花車，由眾人拉動在喺街上遊行，晚上仲有冬季夜空嘅煙火作為點綴，為夜晚嘅祭典綻放彩色花朵！
▼秩父夜祭
相關優惠：2024東京至大阪交通攻略｜內陸機/新幹線/電車/高速巴士｜輕鬆由東京玩到大阪交通行程比較！
日本又有新Outlet? 唔好再逼我買嘢啦～呢個新Outlet 仲係主打有綠化庭園同多間露營用品Outlet店，夜晚仲有營火體驗，無論係露營新手定老手都係必去！今次就有 ＠風信子與旦那 帶大家去行下呢個新Outlet!
▼露營友必去！⛺️2023關東最新Outlet🤩 | 關東最大Snow Peak、全日本最大3 Coins+💰 | THE OUTLETS 湘南平塚
大阪除咗黑門市場之外，竟然仲有一個超抵食嘅魚市場🐟竟然仲可以批發價爆食魚生?! 今次Claudia 同Mayu 就帶大家去呢個市場睇下，想知邊幾間店最值得食同要幾點去就記住睇片～
▼喺大阪市中心批發價食魚生?! 🐟HK$1.5 一隻甜蝦／HK$4.7帆立貝😍幾點起身先食到好西？｜大阪本地人去嘅魚市場－大阪木津市場
淺草已經去過好多次？新和服、新景點，您又體驗過未？今次有熱菇同菇咪咪 @JAPANGoGoGo3帶大家著住和服咁淺草一日遊，除咗必去嘅淺草寺，仲有室內嘅最新打卡景點淺草橫町，包你相機同個肚都收獲滿滿！
▼🏮淺草最新和服一日遊路線2023！超特別和服款唔怕撞👘必住漫畫風酒店🏩最新夏祭風打卡熱點🎋｜HOTEL TAVINOS淺草、HANAYAKA淺草和服體驗館、淺草橫町