講到泰國，又點少得陽光與海灘～好消息！曼谷航空嘅香港直航蘇梅航班已經復飛啦！蘇梅島一向係唔少人熱愛嘅度假勝地，趁著航線復航，小編都即刻去咗蘇梅玩，為大家介紹今次小編住嘅度假酒店——Cape Fahn Hotel。呢間酒店最特別嘅係「一島一酒店」，因為位於一個私人小島上，所以成個島都係酒店嘅範圍！大家下次去蘇梅旅行，可以考慮入住！仲可以睇埋蘇梅6間最新酒店！
Cape Fahn Hotel位於泰國蘇梅島東北面嘅一個離島，係一座五星級奢華度假村，成個度假村都被樹林、大海環繞，彷彿走入與世隔絕嘅秘境。因為成個島都係酒店嘅範圍，所以係「一島一酒店」，聽落都夠晒奢華，有一種「包島」嘅感覺啊！酒店所在位置離蘇梅島國際機場只有15分鐘車程，雖然看似「與世隔絕」，但係其實距離曾蒙海灘只有300米，就算想出番去玩都好方便！
▼Cape Fahn Hotel所在小島
酒店位於小島上，咁要點樣過去呢？答案就係乘搭酒店提供嘅接駁車或接駁船！潮漲時搭船，潮退時就搭車，甚至可以徒步行過去，而小編當日就係坐接駁車。
▼潮退時可搭接駁車到酒店
Cape Fahn Hotel係傳統泰式建築設計，所有別墅都使用天然木材、白色、木色為主調，係好有度假感覺嘅海島風。酒店提供22間客房，有一臥室、兩臥室可選擇，面積由220平方米至570平方米。
▼Cape Fahn Hotel地圖
重點黎啦，全部房都有一個私人泳池！小編今次住灣景泳池別墅 (Bay View Pool Villa)，面積350平方米。房間三面都係落地窗，景觀開揚，日頭開曬窗簾光線充足。
▼灣景泳池別墅睡房
▼灣景泳池別墅客廳
洗手間有兩個洗手盆，兩個人住都唔使爭住用。有淋浴間，亦有浴缸可以浸浴。另外，仲有戶外淋浴間。
▼灣景泳池別墅洗手間
▼灣景泳池別墅戶外淋浴間
喺床邊行幾步就到泳池邊，想幾時游就幾時游！泳池寬3米、長10.3米，相當闊落。仲有日光浴床，可以曬下太陽。朝早仲可以喺房間嘅私人泳池享用漂浮早餐，打卡一流！
▼房間私人泳池
▼日光浴床
▼漂浮早餐
▼漂浮早餐
相關優惠：泰國5個水上樂園推薦｜Pororo水上樂園、羅摩衍那水上樂園、哥倫比亞影業水世界、黑山水上樂園、Vana Nava叢林水上樂園｜炎炎夏日在曼谷、芭堤雅、華欣旅遊的玩水行程首選！
雖然酒店「與世隔絕」，但係吃喝玩樂完全唔係問題。酒店有Spa、健身室、閱讀室等等設施，仲可以喺海灘玩獨木舟、Paddle Board。酒店亦有唔同活動，例如瑜伽班、泰拳班。另外，除咗房間內嘅私人泳池，仲可以去公共泳池。
▼Paddle Board
▼公共泳池
▼公共泳池
餐廳方面，小編喺Long Dtai食晚餐。餐廳由鑽研泰菜嘅國際知名廚師David Thompson主理，提供地道泰國菜式。Long Dtai位於小島嘅高處，望到無敵大海景，喺呢度食飯超正！自助早餐都係喺呢間餐廳食，無聊日頭、夜晚嘅景色都無得輸！
▼Long Dtai傍晚環境
▼Long Dtai傍晚環境
▼Long Dtai早上環境
▼主廚David Thompson
終結而言，如果想感受遠離塵囂嘅感覺，但係又唔想離市區太遠嘅話，呢間Cape Fahn Hotel係一個好選擇！
Cape Fahn Hotel
- 地址：24/269 Moo 5, T.Bo-Phut, A.Koh Samui, Suratthani 84320, Thailand (地圖)
- 電話：+66 (0)77 602 301-2
- Cape Fahn Hotel官方網站
相關優惠：2024芭堤雅8間酒店推薦｜度假村、5星級酒店、海景酒店、主題酒店｜去泰國芭堤雅來一場玩樂和放鬆的住宿體驗吧！
除咗蘇梅，仲可以睇埋其他泰國嘅最新景點、資訊！
去泰國必食緊係唔同口味細細嘅船麵！最近清邁就捲起船麵熱潮，除咗傳統嘅船麵，竟然仲有和牛船麵同船麵邊爐？今次就有 @JunoAndMe 幫大家試3間人氣船麵，想知邊間必食邊間有伏就要睇片！
▼泰國必食船麵特輯🇹🇭 必食超濃湯底和牛船麵🐮／船麵火鍋😋｜曼谷超紅船麵店分店有伏？😭
去曼谷嘅Siam Square竟然可以一次過玩埋韓國？今次就有 @JunoAndMe 帶大家行下翻新之後嘅Siam Square！呢度多咗好多泰國本地小品牌選物店，啱曬鍾意文青同少女風嘅你！最近多咗好多韓國餐廳進駐，例如超人氣三文治同醬油蟹， 去轉曼谷可以玩埋韓國，超抵玩！
▼2023曼谷食買必去！Siam Square大翻新😍｜必行泰國本地小品牌選物店、曼谷人氣新潮牌 、食爆韓國美食
泰國夜市掃街到底有幾平？！今次就有 @JunoAndMe 帶大家去清邁嘅Ploen Ruedee Night Market 草垛夜市，挑戰兩個人HK$200食到飽！草垛夜市又被稱為清邁版JODD FAIRS，仲有Live Band超好Feel~ 除咗一般嘅泰國小食，仲有啲創意小食添！
▼🇹🇭HK$100係泰國夜市可以食到幾飽？🤔泰國必去夜市清邁版JODD FAIRS！Ploen Ruedee Night Market😋超特色小食：芒果糯米飯沙冰🥭？咖喱麵雪糕