上次為大家準備咗梅田地下街攻略，行完地底，帶大家行地面！今次介紹梅田5個必去嘅商場，包括Lucua1100、Lucua、Grand Front Osaka、阪急梅田本店、Hep Five，一齊睇下有咩買、有咩食，仲會去埋9月新開幕嘅@Cosme旗艦店、TAMLO美食街！另外，日本已經取消疫苗證明，但係記住仲要填Visit Japan Web啊！
上次Claudia同Mayu 就同大家深入梅田地下街迷宮，都知大家未睇夠㗎喇！今次佢地繼續挑戰梅田，帶大家去週邊幾個大型商場睇下有咩買，有咩食，仲會去埋9月新開幕嘅@Cosme 旗艦店TAMLO 美食街！
▼【購物攻略】大阪最好逛🛍️梅田５個必去商場攻略！最新＠Cosme旗艦店／Tamlo美食街 ｜💸必買人氣小眾日本首飾/香水/美妝品牌💄
相關優惠：關西新酒店推介｜日本首間W酒店！環球影城全新官方酒店｜大阪、奈良、京都新酒店
目錄
【Lucua1100】
喺JR站嘅中央出口一出，最容易去到嘅就係Lucua1100，同埋對面嘅Lucua。基本上兩個商場係連住嘅，但係佢哋嘅店鋪會有少少分別。即刻睇下有邊啲值得行嘅舖頭！
Lucua1100｜SHIRO
喺入口入黎之後，就會到達Lucua1100嘅第二層。一入到黎就聞到一股香味，原來係因為呢層主要係賣身體護理、香水為主。例如SHIRO呢個北海道起家嘅牌子，近年喺日本爆紅，佢哋嘅bodycare產品非常熱賣，用完之後全身都香噴噴！
▼SHIRO
▼SHIRO Body Mist 售價1,980日圓 (約$104)
▼SHIRO Body Milk 售價4,180日圓 (約$220)
SHIRO
Lucua1100｜手作市集
跟住落返一層，黎到地面一樓。如果你想送禮、買手信或者禮物俾人，就一定要黎呢度！呢度有一個手作市集，係一般大商場比較少有嘅，賣好多飾物、耳環、頸鏈等等，好適合女仔行！
▼手作水母耳環 售價4,400日圓 (約$231)
▼日本孕婦鑰匙圈 售價1,980日圓 (約$104)
手作市集
- 營業時間：早上10點30分 – 晚上8點30分
- 地址：LUCUA 1100 2F (地圖)
Lucua1100｜@Cosme旗艦店
Lucua1100嘅三樓、四樓比較多女裝，而且有一啲比較小眾嘅Fashion品牌，如果行厭咗連鎖大牌子，可以黎呢度行下～不過最重要嘅係，9月1日呢度開咗@Cosme旗艦店！無論開架/專櫃品牌、日本/歐美牌子都應有盡有！呢度連平時非常搶手嘅品牌&be都有，美妝控一定超開心！
▼@Cosme旗艦店
▼&be UV Milk 售價1,980日圓 (約$104)
▼&be Founcealer 售價3,850日圓 (約$203)
▼&be Matte Primer 售價2,750日圓 (約$145)
@Cosme
- 營業時間：早上10點30分 – 晚上8點30分
- 地址：LUCUA 1100 3F (地圖)
- 電話：+81 06-4980-2971
- @Cosme官方網站
Lucua1100｜TEN
Lucua1100嘅3樓有一間叫做TEN嘅牌子，專門售賣飾物，都係最近好受日本女仔歡迎嘅品牌！佢哋嘅飾物比較粗線條，精緻得黎帶點粗獷嘅感覺～大多都係用金、銀色做主調，幾有個性！
▼TEN
▼TEN手飾 售價3,3000日圓 (約$1,736)
▼TEN耳環 售價1,5400日圓 (約$810)
TEN
【Lucua】
連接住Lucua1100就係Lucua，呢度比較多香港人熟悉嘅牌子，例如Beams、Lowrys Farm、Hare、Fred Perry、Urban Research、Lee、Converse等等。會比較多潮牌以及連鎖店。
▼Beams
▼Lowrys Farm
【Grand Front Osaka】
行完Lucua1100、Lucua唔知有咩做？唔緊要，附近仲有一個好容易去到嘅商場！Grand Front Osaka位於Lucua1100、Lucua中間，呢度嘅品牌再高格少少，同商場個名一樣比較grand～店鋪有New Balance、Mont Bell、Chums、Arc’teryx、Beams House等等。
▼Arc’teryx
▼Chums
相關優惠：日本藥妝攻略2024｜日本超公正雜誌推介必買藥妝｜由$32到$700都有！
【阪急梅田本店】
阪急梅田本店作為老牌百貨公司，有非常多名牌、名店，例如Cartier、LV、Chanel等等。除咗買名牌之外，阪急仲係食嘢嘅好地方，喺B1樓層有好多好吸引嘅小食！
阪急梅田本店｜CHICKEN DELI
CHICKEN DELI係好多人推薦嘅舖頭，最出名嘅就係辣味雞翼、原味雞翼！雞翼嘅表皮反覆搽咗好多層醬，非常濃味！感覺好適合飲酒嘅時候食～
▼CHICKEN DELI
▼CHICKEN DELI辣味+原味雞翼200g 售價676日圓 (約$36)
CHICKEN DELI
- 營業時間：早上10點 – 晚上8點
- 地址：阪急梅田本店 B1F (地圖)
- 電話：+81 06-6151-1460
相關優惠：6個港幣兌日圓方法｜銀行、外幣提款機、香港/機場找換店、日本提款機、日本機場或便利店外幣兌換機｜邊個方法兌日圓最抵最簡單？
【Hep Five】
Hep Five係梅田眾多商場裡面比較特別嘅一個，因為佢嘅價格相對比較親民，而且風格比較年輕向！
Hep Five｜Beams Street
Hep Five同其他梅田商場唔同嘅獨特之處就係可以買到Ray Beams！Ray Beams係Beams裡面好受年輕人歡迎嘅系列。
▼Beams Street
Beams Street
Hep Five｜Super Spinns
Super Spinns係一間價格比較親民嘅時裝店，售賣唔同風格嘅服飾，例如復古嘅二手衫、Y2K風格、地雷系服裝都可以喺呢度搵到！
▼Super Spinns
Super Spinns
- 營業時間：早上11點 – 晚上9點
- 地址：HEP FIVE 2F (地圖)
- Super Spinns官方網站
Hep Five｜TAMLO美食街
喺Hep Five嘅7樓最近開咗新嘅美食街，集合好多唔同類型嘅餐廳，好適合行完街之後坐低食嘢、補充體力！
▼京都人氣「雲ノ茶KUMONOCHA」期間限定店 (至11月30日)
▼冬甩專賣店「YANKEE DONUTS」
▼漢堡扒專賣店「ハンバーグキッチン マルバーグ」
跟住呢條片遊大阪地下街，就唔再怕迷路～今次Claudia同Mayu會帶大家去新梅田食道街，阪急三番街同大阪最大地下街Whity！仲會食盡人氣同隱世美食！
▼大阪美食都在地底？梅田地下街美食攻略2023! 😋| 隱世超新鮮立食壽司🍣食完會發光？日本必食生冬甩🍩｜新梅田食道街 | 阪急三番街 | Whity | 大阪必食
大阪除咗黑門市場之外，竟然仲有一個超抵食嘅魚市場🐟竟然仲可以批發價爆食魚生?! 今次Claudia 同Mayu 就帶大家去呢個市場睇下，想知邊幾間店最值得食同要幾點去就記住睇片～
▼喺大阪市中心批發價食魚生?! 🐟HK$1.5 一隻甜蝦／HK$4.7帆立貝😍幾點起身先食到好西？｜大阪本地人去嘅魚市場－大阪木津市場
喺大阪想去Outlet 終於唔使去臨空城啦！🤩今次Claudia同Mayu會帶大家去大阪門真市新開嘅Lalaport同三井Outlet💰，呢度一共有成二百五十幾間舖頭咁多！🛍而且商場入面仲有一個黑門市場、角落生物遊樂場，仲唔係最新食買玩最強商場?!😍