淺草係東京必去嘅景點之一，除咗著和服打卡之外，當然仲要掃街啦～今次為大家介紹四間淺草必食美食，包括日本產超肥美鰻魚、入口即溶火炙芝士蛋糕、宇宙最濃抹茶、花花造型可麗餅！下次去東京一定要跟著呢啲推介去淺草玩，實行要食爆所有街頭美食！另外，日本已經取消疫苗證明，但係記住仲要填Visit Japan Web啊！
去淺草🇯🇵淨係去淺草寺行一轉打卡影相📷就算？點得㗎🤔！日本菇菇菇 @JAPANGoGoGo3 上一次就帶大家去淺草體驗著和服，今次就會帶大家去掃街😋，實行要食爆所有街頭美食😎！下次去東京記得跟住熱菇嘅推介去淺草玩！
▼四間淺草必食美食！🏮掃街一日遊😋人生食過最入口即溶火炙芝士蛋糕🧀必食日本產超肥美鰻魚🍙！宇宙最濃抹茶🍵feat. 日本菇菇菇
相關優惠：日本東京新酒店推介｜澀谷型格新酒店及國際品牌酒店｜附詳細介紹及預訂網址
目錄
浅草うなな｜日本鰻魚飯糰
浅草うなな使用嘅係日本產鰻魚，專門售賣鰻魚飯糰。呢度嘅飯糰以細火慢烤，非常有風味！呢間舖頭太受歡迎，小編去食嘅時候，落單之後等咗差唔多一個鐘先有！建議大家可以預啲時間去落單先，之後再周圍行下慢慢等！因為淺草唔可以邊行邊食嘢，所以大家可以步行20米，去前面嘅浅草うなな專用堂食區域進食～
在 Instagram 查看這則帖子
▼浅草うなな外觀
▼浅草うなな鰻魚飯糰 售價600日圓 (約$32)
▼浅草うなな堂食區域
浅草うなな
茶寮 花ぞむかしの｜入口即溶火灸芝士蛋糕
茶寮 花ぞむかしの聲稱佢哋係世界第一間火灸芝士蛋糕，好似好犀利咁！芝士蛋糕係現場即場燒，入口即溶，仲充滿牛奶香氣！除咗芝士蛋糕之外，呢度其實仲有其他嘢食，例如飯、多士等等。多士使用店家自家製嘅麵包，口感非常鬆軟，推薦！
在 Instagram 查看這則帖子
▼茶寮 花ぞむかしの外觀
▼茶寮 花ぞむかしの芝士蛋糕 售價825日圓 (約$43)
茶寮 花ぞむかしの
- 營業時間：早上11點 – 下午6點
- 地址：東京都台東区浅草1-18-9 (地圖)
- 電話：+81 03-5828-6277
- 茶寮 花ぞむかしのInstagram
相關優惠：日本藥妝攻略2024｜日本超公正雜誌推介必買藥妝｜由$32到$700都有！
アンナのクレープ (Anna’s Crepe)｜造型精緻可麗餅
アンナのクレープ有好多各式各樣口味嘅可麗餅，最特別嘅係造型全部都好靚，望落好似一束花咁，同一般嘅可麗餅比較唔同，好適合打卡！裡面真材實料，餡料非常足料，睇得又食得！
在 Instagram 查看這則帖子
▼アンナのクレープ外觀
▼アンナのクレープ 售價980日圓 (約$52)
アンナのクレープ
- 營業時間：早上10點 – 下午6點 (逢星期一休息)
- 地址：東京都台東区浅草2-6-14 (地圖)
- 電話：+81 03-5811-1971
- アンナのクレープInstagram
相關優惠：6個港幣兌日圓方法｜銀行、外幣提款機、香港/機場找換店、日本提款機、日本機場或便利店外幣兌換機｜邊個方法兌日圓最抵最簡單？
かぐらちゃかプチ (Kagurachaka)｜宇宙最濃抹茶Latte
かぐらちゃかプチ最特別嘅就係可以飲到宇宙第一濃嘅抹茶Latte！呢度一共提供八個濃度，第六級係「世界最濃」、第七級係「宇宙最濃」，而第八級竟然係去到「異次元」！呢度嘅抹茶Latte全部都無加糖，店內提供一大支糖漿，大家可以依照個人口味去加。另外，仲可以加唔同配料喺抹茶Latte上面，例如蕨餅、雪糕、餅乾！
在 Instagram 查看這則帖子
▼かぐらちゃかプチ外觀
▼かぐらちゃかプチ抹茶Latte 售價880日圓起 (約$42)
かぐらちゃかプチ
-
- 營業時間：早上11點30分 – 下午8點30分 (逢星期一休息)
- 地址：東京都台東区西浅草2-27-11 (地圖)
- 電話：+81 03-6231-7490
- かぐらちゃかプチInstagram
淺草已經去過好多次？新和服、新景點，您又體驗過未🤩？今次有#熱菇 同菇咪咪 @JAPANGoGoGo3帶大家著住和服咁淺草一日遊，除咗必去嘅淺草寺，仲有室內嘅最新打卡景點－#淺草橫町，包你相機同個肚都收獲滿滿😋
▼🏮淺草最新和服一日遊路線2023！超特別和服款唔怕撞👘必住漫畫風酒店🏩最新夏祭風打卡熱點🎋｜HOTEL TAVINOS淺草、HANAYAKA淺草和服體驗館、淺草橫町
今次有菇咪咪同朱菇奶@JAPANGoGoGo3 帶大家攻略原宿食買玩一日遊，一次過滿足你３個願望😋而且仲有今年先開嘅景點添！
▼🇯🇵2023原宿食買玩攻略！超療癒貓咪CAFE😽專櫃香水護膚品任試女生美妝天堂！💄Godiva VS 藏壽司最新Crepe！其中一個有伏😭
入日本藥妝店唔洗再頭痛啦～認住呢個日本毒舌雜誌LOGO買大大減低中伏機會😬今次有Claudia 同Mayu 帶大家跟住推介名單搵2023上半年必買美妝品！
▼【2023日本必買藥妝💄】跟著日本超公正零廣告雜誌買年度冠軍🏆化妝品護膚品😍| 上手立即白一度?! 由HK$33買到HK$700蚊!💰