先講明呢個方法有啲複雜，怕麻煩既可以Skip！平時玩里數，除咗要儲里數儲到好辛苦，最慘係換唔到機票！不過最近有一個近乎 BUG 既神招，可以等大家直接以超低成本「買」到土耳其航空里數，換到土航及星空聯盟機票！最近第三方旅遊預訂平台 Rove Miles 再次推出超誇張里數回贈優惠。繼早前 50%日航額外里數後，今次 Rove 推出土航 50% 額外加贈優惠（到6 月 30 日），計落每里成本只需要約 HK$0.1！用呢個方法換張跨太平洋商務艙機票，最平只係,500 就可以換到單程商務飛歐洲啦！
點樣玩？「預訂酒店」變相買分
Rove Miles 表面係一個 OTA（網上預訂平台），實際理念係「訂酒店送里數」。雖然佢啲酒店房價比一般平台貴，但重點係回贈極高，實際上係俾錢「買」里數！Rove Miles 積分平常係1:1里數，可以兌換至多間航空公司，包括國泰、日航、漢莎、 北歐、 卡塔爾航空等等 (下面為簡單計， 一律以1分等於1 Rove Miles / 1里數表示)
- 搵高倍回贈酒店： 例如有東京一間快捷酒店有 55 倍積分，用約 US$4,060 就可以訂到並拎到 225,000 Rove Points (平常係1分：1里數)
- 限時土航 50% 轉分加倍 (至6月30日)： 將呢 225,000 分轉去土耳其航空，加上有 50% bonus，會變成 337,500 土航里數！
已過期：限時日航 50% 轉分加倍 (至3月31日)： 將呢 225,000 分轉去 JAL，因為有 50% bonus，會變成 337,500 JAL 里數！- 成本超低： 計返轉頭，你就係用 4,000 幾美金買咗成 33 萬里，平均每里成本極平！
步驟：
第一步： 註冊一個可以接收 SMS 的美國電話號碼（例如Fanytel) (成本約2美金)
第二步：登記成為 Rove Miles 會員（用推薦連結登記，不用訂酒店都即時有 500 分/里數）。
第三步：揀選高倍數回贈酒店（建議最少 40x 以上）。實測 吉隆坡、東京、雅加達、馬爾代夫 最容易搵到高倍數房源，建議揀連住幾日會更易見到 (不要糾結會唔會住到酒店，目標明確，只需高倍數回贈) (因為唔少人都一齊搵梗酒店，系統好慢下，要比啲耐性)
第四步：點選房間後，使用 Boost 功能加大倍數（最多可加 10x），最後比對實際每里數成本，約$0.1/里數是相當不錯的匯率。
重要貼士：點樣即時收分？ 喺付款頁面一定要點選 “Earn your Rove Miles instantly”！咁樣張單會變成「不可取消」，但優點係可以即時收到積分。
如果酒店本身寫可取消，你都可以喺呢一頁手動更改，喺付款頁面一定要點選 “Earn your Rove Miles instantly”！咁樣張單會變成「不可取消」
如果有實際需要，可以揀貴啲既酒店 (突然之間變為百萬富翁)
始終 Rove Miles 係新平台，小編建議即時轉去自己的航空公司戶口。Rove Miles既好處係可以即時兌換至航空公司，小編實測日航里數同限時50%既獎勵，都係即時入左日航戶口。
注意事項
- 限時優惠： Rove 轉 土耳其航空 嘅 50% 加贈只到 2026 年 6 月 30 日。
- 手速要快： 高倍數回贈（50x 以上）嘅酒店隨時會被訂完或者落架，想上車就要快手！
- 風險自理： 呢類玩法屬於較進階嘅里程操作，記得睇清楚 Rove Miles 條款。若果無實里數際需要，建議不要大量囤積。再安全一點，可以先上 航空公司官網查詢機位，有位才轉換里數。
土耳其航空哩數在亞洲不算太熱門，好處是競爭不大，不少日子甚至有多達5個空位 (每次兌換的上限)，在現今愈難愈換到機位情況下，是一個不錯的亮點。和我們最相關的就是直接可用 65,000 哩兌換直飛伊斯坦堡單程商務艙，而換星盟夥伴飛歐洲只需 85,000 哩起，符合條件的轉機旅客還可獲贈伊斯坦堡免費 4-5 星級酒店住宿。
前往大面積國家旅行時，用同樣哩數便可兌換幾乎全部內陸航班，美、中、加境內長途線單程經濟亦只需 15,000 哩（商務 22,500 哩）。
詳情》【土耳其航空】分析土航 Miles&Smiles 里數來源、2026年最新土航自家航班、星空聯盟換票標準全解析
- 直飛伊斯坦堡性價比高：港台直飛伊斯坦堡單程經濟艙 35,000 哩、商務艙 65,000 哩，屬長途歐亞線的平價之選，若以HK$0.1成本每里計算，每程$6,500＋稅便可以坐 Business 平趟飛歐洲。
- 兌換星盟夥伴航班：遠東 ↔ 歐洲：商務艙 85,000 哩（可以換長榮/泰航轉機飛歐洲）/ 遠東 ↔ 北美洲：商務艙 105,000 哩 (如聯合航空飛三藩市)
- 土耳其深度遊神器：換土耳其全國國內線（如飛卡帕多奇亞看熱氣球）單程經濟艙僅需 4,500 哩（商務艙 10,000 哩）
- 免費 Stopover 酒店住宿：特定國際線在伊斯坦堡轉機符合條件，即送免費 4 星或 5 星級酒店住宿，實踐「一票玩兩地」。
- 彈性單程兌換：所有自家及星盟夥伴均支援單程換票，搵到「Promo 位」即可網上即時開票。
- 同一國家國內線哩數要求統一：經濟艙 (Promo Eco)：15,000 哩；商務艙 (Promo Biz)：22,500 哩；頭等艙 (Promo First)：30,000 哩，適合用在面積大的國家如中國、美國、加拿大等
▼香港單程飛商務艙至伊斯坦堡65,000里 (同日甚至可換到5張商務艙)
