踏入四月，已經有唔少心急爸爸媽媽問小編暑假邊度有平機票！濟州航空呢個優惠就岩晒大家喇！7至8月出發，單程飛首爾/濟州$440 起 (來回連稅計濟州$1,561、首爾$1,596)！呢個價錢以暑假旺季嚟講都叫幾抵，仲可以揀返凌晨機去晚機返添！
【出發日期】
7月1日至8月31日
【訂飛日期】
4月8日09:00至14日16:00
【訂飛網址】
濟州航空官網
濟航呢個優惠後日朝早先開賣，來回濟州同埋首爾都係千五左右！不過呢個價錢唔包行李，如果需要訂行李，建議訂高一級「折扣機票」，會平過「特價機票」加行李！票價滿一千仲可以用會員優惠券減多一百蚊添！
小編最鐘意濟州航空嘅就係佢嘅航班時間，無論去首爾定濟州都可以揀返凌晨機去晚機返！特別係濟州線，因為佢嘅最大對手HK Express回程時間超差，要超早機返，濟州航空Win！
每年七月都係濟州島繡球花花期，小編推薦一定要去山茶花之丘，園內有數之不盡嘅繡球花！置身喺繡球花隧道，真係超級靚超級壯觀啊！園區內仲有玻璃屋咖啡館，飲住咖啡賞花人生一樂也！
(From Wikipedia)