呢排真係有唔少英國優惠，宜家連北歐航空都有平飛去倫敦！20年3月7日前出發，使用折扣代碼後，來回倫敦$2,450 (連稅$4,320)咋！連稅四千三就飛到去倫敦，仲包咗23KG行李添！另外小編仲發現，回程Stopover丹麥嘅話可以平多$600！好吸引？咁就要望埋詳情喇！
【出發日期】
即日起至20年3月7日 (旺季日子除外)
【停留期限】
1個月
【訂飛網址】
Cheaptickets.hk(連稅$4,307 起，需以此連結訂購並於付款頁面輸入$100折扣代碼：FLYDAYINT2019)
北歐航空官網 (連稅$4,619 起)
今次北歐航空呢個優惠都幾抵，連稅四千三就飛到去，而且出發日期仲長到去下年三月，可以慢慢計劃下！坐北歐航空仲有樣好，就係喺丹麥轉機，時間同埋直航差唔多，比去中東轉慳唔少時間！
坐北歐航空來回都要喺哥本哈根轉機，有時間就當然要留多一兩日順便行下喇！於是神奇嘅事就發生喇！小編查過呢個優惠回程stopover 哥本哈根，會平足足六百蚊，即係來回連稅$3,741！平咗咁多之餘，又可以順便玩多個國家，又唔使再飛耐啲，正啊！
小編查過系統，平飛主要集中喺年尾同埋下年年頭，SAS官網可以俾大家用low fare calender 一次過睇晒所有平飛日子，可以夾岩日子先去返cheaptickets.hk訂飛，慳返唔少時間啊！
難得去到倫敦，各位哈利波特迷就當然要去哈利波特影城朝聖，親身感受下魔法氣息！岩岩四月仲開咗個新展區「古靈閣」添！之前我地有位小編去完哈利波特影城之後，就寫咗一篇攻略教大家點去好，雖然隔咗一年價錢可能有啲調整，但係都好值得大家參考架！
英國華納兄弟‧哈利波特影城片場Warner Bros. Studio Tour London – The Making of Harry Potter超濃縮攻略！
(From Flyday.hk)