Jetstar Asia｜Jetstar Asia 停運｜亞洲廉航｜廉航航班取消｜曾經是不少香港人飛往新加坡、馬來西亞等地的平價出行之選，Jetstar Asia（3K） 捷星亞洲於 2025 年 7 月 31 日起永久結束營運。這間總部設於新加坡嘅航空公司，曾是亞洲最早一批廉航之一，疫情前飛過香港至新加坡線。今次宣告停運，亦象徵住一個時代嘅結束。
Jetstar Asia 為何決定永久停運？
Jetstar Asia 表示，今次決定是經過長時間內部審視後作出，主要因應區內營運環境越來越具挑戰性，特別係成本不斷上升，加上疫後航空市場復甦未如預期，公司面臨持續虧損壓力。 值得留意的是，總部位於澳洲的Jetstar Airways及日本Jetstar Japan，不受影響，將繼續經營。
▼Jetstar Asia 宣布永久停運
區內成本高漲，削弱競爭優勢
近年航空燃油、機場服務費等營運開支持續上升，令以低成本模式運作嘅廉航難以維持利潤。喺亞洲區特別係新加坡等樞紐城市，相關支出比以往更為吃緊。
疫後需求復甦緩慢
儘管旅遊已逐步復甦，但整體航空載客量仍未全面回復至疫前水平，特別係中短途路線競爭激烈，使 Jetstar Asia 更難突圍。
▼2014年推出優惠時的宣傳內容
乘客權益點安排、旅客飛東南亞選擇
Jetstar Asia 表示，將會逐步減少航班班次至 2025 年 7 月，並會主動聯絡所有受影響乘客，安排退款或改訂其他航班。建議已購票旅客留意官網或電郵通知，以獲取最新指引。
對香港旅客而言，Jetstar Asia 曾經係飛新加坡、吉隆坡、曼谷等地嘅熱門廉航之一，價錢親民，時間亦靈活。隨住佢即將退場，未來選擇雖然會少一個，但市場上仍有多間廉航可以考慮。
For one last time, let’s go home!
7月31日Jetstar Asia結束 21 年歷史，完成最後一班航班 3K764，從馬尼拉飛回總部新加坡。對許多亞洲人來說，這不只是一趟航班，更是一代人的記憶。千禧年前後，當廉航仲係新鮮事，Jetstar Asia 令無數人第一次飛出去，香港更係佢第一個航點，相信不少港人亦曾乘坐。 不少乘客特意購買此航班向Jetstar Asia致敬，亦為重溫過去。
乘務長Norazman Bin Sapiie由 Jetstar Asia 開業首年一直服務到最後一班航班，在廣播時說出’For one last time, Let’s go home”現場情景催淚，回到新加坡抵達大堂時更受到英雄式歡迎。
而 Jetstar Asia前 CEO Barathan Pasupathi 當日亦有現身，令呢程航班多添一份意義。在Jetstar Asia工作18年的機師Roy Espinosa Agarrado，帶同家人一起乘坐這趟具有意義的航班。
多謝 Jetstar Asia 21 年嚟載住大家既夢想同回憶，美好回憶留在心中。
Jetstar Asia：亞洲廉航發展史上的一頁
自 2004 年成立以來，Jetstar Asia 以新加坡為基地，迅速打入亞洲廉價航空市場，喺疫前活躍於香港、台灣、越南、印尼等多條航線，為不少旅客帶嚟實惠又方便嘅出行選擇。佢曾係亞洲區內最具代表性嘅平價航空之一，在許多旅客心目中，Jetstar Asia 不只是一間航空公司，而係記憶中某次平機票旅行冒險嘅開端。
